प्रेरित 13:50 - राना थारु नयाँ नियम

⁵⁰ पर यहूदी अगुवा, भक्ति करन बारे उच्च श्रेणीके बैयर और सहरके नेतनके समेत पावल और बारनाबासके बिरोधमे उपद्र करनके उठाइं और बे दुई जनैके बो परदेशको सिमानासे बाहिर निकार दइं।

परमेस्वर को सच्चो वचन

⁵⁰ लेकिन यहूदि आदमी ऊँचे कुल की भक्त बईंय्यरन कै और सहर के जाने-माने आदमिन कै भड़काईं, जो परमेस्वर की आराधना करत रहैं, और पौलुस और बरनबास के खिलाप मैं करबाय कै उनकै अपने छेत्र से बाहर निकार दईं।

प्रेरित 13:50 Cross References

मत्ती 10:23

जब एक सहरमे परमेश्वरको बचन परचार करत पेती तुम सताए जएहओ, तओ दुस्रे सहरमे भजीयओ, काहेकी नेहात्तओ मए तुमसे कहात हओं, मए, आदमीको लौंणाके आनसे अग्गु तुम इस्राएल देशके सब सहरमे नाए घुम पाबैगे।”

मर्कूस 15:43

तओ योसेफ नाउँको आदमी जो अरिमाथिया सहरसे रहए। बो यहूदी सभाको एक बहुत सम्मान पाओभओ आदमी रहए। बो बे आदमी मैसे एक रहए जो जा चाँहत रहए, कि परमेश्वरको राज्य जल्दी आएजाए। बो बिना कोइ डरको रोमको बडो-हाकिम पिलातसके ठिन गओ और येशूको लहासके क्रूससे तरे उतारन और बाके दफ्नानकी अनुमति मागी।

मर्कूस 5:17

तओ जौन-जौन मनै हुवाँ देखन आए रहएं, बे येशूसे, “हमर इलाकासे चलोजा” कहिके बिन्ती करन लागे।

प्रेरित 13:43

जब यहूदी सभाघर निभटके बिदा भए, तओ बहुत आदमी यहूदी दलके नेता और यहूदी धर्म मानन बारे भक्त मनै, पावल और बारनाबासके पिच्छु लग्गए। पावल और बारनाबास उनसे बात करके, रोज परमेश्वरके अनुग्रहमे रहे रहियओ कहिके बिन्ती करीं।

प्रेरित 13:45

पर यहूदी अगुवा भिडनके देखके दिक्कसे भरीगए और पावलको बत्काओ भओ बातके बिरोध करतए उनको बदनाम करन लागे।

प्रेरित 14:19

पर कितने यहूदी, पिसिदिया परदेशको एन्टिओखिया सहर और आइकोनियन सहर आएके आदमीनके अपने घेन करलैं, और पावलके पत्थरसे मारीं। और मरो समझके बोके गाउँसे बाहिर घसिटत लैगए।

प्रेरित 14:2

पर बिश्वास नाए करन बारे यहूदी, गैर-यहूदी आदमीनके प्रभुमे बिश्वास करन बारे बिश्वासी ददाभइयनको बिरोधमे भणकाइं।

प्रेरित 14:4

पर बो नगरके आदमीनमे मनमुटाब हुइगओ रहए; जासे कित्ने आदमी त यहूदीनके घेन, और कित्ने चुनेभए चेलनके घेन हुइहए।

प्रेरित 14:5

गैर-यहूदी और यहूदी दुनौ उनको सासकके सँग मिलके बिनके सतान और पत्थरसे मारन योजना करीं।

प्रेरित 16:14

और हमर बात सुनन बारे मैसे लिडिया नाउँ भइ एक बैयर रहए। बो बैयर थिआटीरा कहान बारो सहरसे आएके फिलिप्पी सहरमे बैजनी रंगको लत्ताको व्यपार करत रहए। लिडिया परमेश्वरको डर मानन बारी लौंणीया रहए। पावलकी कहीभइ बातमे ध्यान देनके ताहीं प्रभु बोको मन खोलदइ।

प्रेरित 17:12

बहुत यहूदी प्रभुमे बिश्वास करीं। उइसीयए नाउँ चल भए बहुत उँचे घरानाके ग्रीक देशके बैयर और लोग सबए प्रभुमे बिश्वास करीं।

प्रेरित 17:13

थेसलोनिके सहरमे भए यहूदी मेशोदोनिया परदेशको बेरिया सहरमे फिरसे पावल परमेश्वरको बचन परचार कर रहोहए कहान बारी बात बे सुनीं। बे बेरिया गाउँमे आएके आदमीनके भणकातए और हलचल मचातए पावलको बिरोध करन आएपुगे।

प्रेरित 17:17

जहेमारे बो यहूदी सभाघरमे जाएके यहूदी और परमेश्वरको डर मानन बारे गैर-यहूदी आदमीनके सँग येशूके बारेमे बादबिबाद करत रहए। अइसियए दिनए-दिन सहरको मुख्य बजारमे आनजान बारे आदमीनके सँग फिर बो बहुत बादबिबाद करी।

प्रेरित 17:4

अइसियए उन मैसे कित्ने यहूदी प्रभुमे बिश्वास करीं और अइसियए परमेश्वरको डर मानन बारे ग्रीक देशके आदमी और नाउँ चले भए प्रमुख बैयर फिर प्रभुमे बिश्वास करके पावल और सिलासके सँग लग गइं।

प्रेरित 18:7

बो समयसे लैके पावल यहूदीनको यहूदी सभाघरमे जान छोड दइ। बो यहूदी सभाघरके जौँणे परमेश्वरको भक्ति करन बारो गैर-यहूदी तीतस युस्तस नाउँ भओ एक जनै ग्रीक आदमीको घरमे पावल सिखानके ताहीं गओ।

प्रेरित 2:5

बो समयमे, परमेश्वरको डर मानन बारे बादर तरए बहुत जाति रहएं, बे यहूदीके आदमी संसारको सब देशसे, तेवहार मनानके ताहीं आए रहएं और यरूशलेम सहरमे बैठे रहएं।

प्रेरित 21:27

जब सातौ दिन पुरो होन लागो रहए, तओ एशिया परदेशको यहूदी समुहके आदमी, पावलके मन्दिरमे देखके सारा भिडके भाणकाएके पावलके पकण लइं।

प्रेरित 28:17

तीन दिन पिच्छु पावल, रोम सहरमे बैठन बारे यहूदीनको अगुवनके बुलाइ। जब बे इकट्ठा भए तओ पावल कही, “हे ददाभइयओ, मए हमर जाति और हमर पुर्खासे चल्तए आओ रितीरिबाजके बिरोधमे कुछु नाए करेसे फिर यहूदी ददाभइया मोके यरूशलेम सहरमे पकणके रोमी सरकारको जिम्मामे सौँपदइ हएं।

प्रेरित 6:12

बे स्तिफनसके बिरुद्ध करनके ताहीं जनता, यहूदी अगुवनको समुह और मोशाको नियम कानुन सिखान बारेनके उस्काइं और बे आएके स्तिफनसके पकणीं और बोके यहूदी सभाघरके अग्गु लैगए।

प्रेरित 8:1

शाऊल स्तिफनसको हत्यामे पुरो रुपसे सहमत रहए। बहे दिनसे यरूशलेम सहरमे भए मण्डलीके बिरुद्धमे बहुत भारी सतावट सुरु भओ, और येशूसे चुनेभए चेला बाहेक बे सब यहूदिया परदेश और सामरियाके परदेश घेन छिदर-बिदर हुइगए।

रोमियों 10:2

काहेकी मए उनकी गवाही देत हओं, कि उनके परमेश्वरके ताहीं हौसला रहात हए, पर परमेश्वरको सेवा कैसेकरो जएहए, जाके बारेमे उनको समझ सही नाएहए।

2 कोरिन्थी 11:26

मिर घरिघरि करोभओ यात्रामे मए नदीयाके जोखिममे पणो, डाँकुनके जोखिममे, अपनुवए जातिके आदमीनके जोखिममे, गैर-यहूदीनके जोखिममे, सहरके जोखिममे, जंगली इलाकाको जोखिममे, समुन्दरको जोखिममे, झुठे बिश्वासी ददाभइयनसे आन बारो जोखिममे।

1 थेसलोनिकी 2:14

हे मेरे बिश्वासी ददाभइयओ, तुम अइसियए सतावट सहे जैसे परमेश्वरको मण्डली सही हए, जो यहूदिया परदेशमे येशू ख्रीष्टमे बिश्वास करत हएं। काहेकी तुम फिर अपने आदमीनसे अइसियए दुख पाए, जैसे बे यहूदीनसे पाइं।

2 तिमोथी 3:11

आदमी मोके सताइं, जौनको कारण मए बहुत पिर सहो, और तए अइसे भयानक चीजके बारेमे जानत हए, जो आदमी मेरे सँग पिसिदिया परदेशको एन्टिओखिया सहरमे, आइकोनियन सहरमे और लुस्त्रा सहरमे सताइं और कैसे मए हुवाँ सतावटके सहो, और बे सबसे प्रभु मोके बचाइ।