2 तिमोथी 2:15 - राना थारु नयाँ नियम

¹⁵ कडी मेहेनत कर, ताकी तए अपनएके परमेश्वरके अग्गु अइसो आदमीके रुपमे दिखाए पाबए, जोसे बे ग्रहण करपामएं। एक अइसो कामदार हानी बन, जो अच्छेसे काम करत हए, और जोके अपनो कामके कारण सर्मान नाए पणत हए, और जो सत्यको बचनके सही रितिसे काममे लात हए।

परमेस्वर को सच्चो वचन

¹⁵ परमेस्वर की नजर मैं पूरी पसंद आन के ताहीं पूरी कोसिस करौ, एक ऐसे करमचारी के रूप मैं जो अपने काम से सरमात नाय है, बौ जो परमेस्वर की सच्चाई के संदेसो कै सई ढंग से सिखाथै।

2 तिमोथी 2:15 Cross References

मत्ती 13:52

फिर येशू बिनसे कही, “जहेमारे हरेक मोशाको नियम कानुन सिखान बारो जौन स्वर्गके राज्यको चेला बनो हए, तओ बो बहे आदमी हानी हए जौनके घरमे बोकेसँग भण्डार होत हए। बो हुवाँसे दोनए पुरानी और नयाँ मूल्यवान चीज बाहिर निकारन सिकत हए।”

मर्कूस 4:33

बिनके बुझन बारी येशू अइसियए बहुत कहानी कहिके बिनके परमेश्वरको बचन सुनाइ।

लूका 12:42

प्रभु कही, “बो बिश्वासी और बुध्दिमानी भण्डारे कौन हए, जौन बक मालिक अपन परिवारके ठिक समयमे उनको भागमे पणन बारो भोजन देन ताहीं खटाबैगो?

प्रेरित 2:22

“इस्राएल देशके ददाभइयओ, मिर बात सुनओ। परमेश्वर येशू द्वारा तुमर बीचमे शक्तिशाली चमत्कारको काम करके अचम्मेको चिन्हा दिखाइ कहिके तुमके पतए हए। बे चिन्हनसे परमेश्वर, नासरतको येशूके अपनए पठाओ हओं कहिके प्रमाण दइ।

प्रेरित 20:27

काहेकी मए तुमके सब बात बताओ हओं, जो तुम जानओ करके परमेश्वर चाँहत हए।

रोमियों 14:18

जो कोइ जा रितिसे ख्रीष्टको सेवा करत हए बो परमेश्वरके खुसी करत हए और आदमी फिर बोके बारेमे भलो कहात हएं।

रोमियों 16:10

अपेल्लेसके, जो जा स्पष्ट करीहए, कि बो ख्रीष्ट प्रति कित्नो इमान्दार हए, बोके फिर नमस्कार हए। अरिस्तोबुलसको परिवारके नमस्कार हए।

रोमियों 6:13

और अइसियए करके शरीरके अंगके खराब उदेश्यके ताहीं इस्तमाल होनके मतदेओ, पर अपनएके मरे भए मैसे जीइउठो करके जानके, अपने जीबन परमेश्वरके सौँप देओ, और अपने शरीरको अंगके धार्मिक उदेश्यके ताहीं इस्तमाल होनके ताहीं अपनो जीबनके पुरो रुपसे परमेश्वरके सौँप देओ।

1 कोरिन्थी 2:6

तहुँफिर मए बेहीं आदमीनके बीचमे ज्ञानको सन्देशके मस्कत हओं, जो आत्मिक रुपसे पक्को हए। पर जा संसारके आदमीनको ज्ञान और जा संसारके हाकिमनको ज्ञान नाए हए; जौनको नाश होन बारो हए।

2 कोरिन्थी 10:18

काहेकी अपनो तारिफ अपनए करन बारो आदमी स्वीकार नाए करोजात हए, पर जौनको तारिफ प्रभु करत हए, बो प्रभुको नजरमे असल होतहए।

2 कोरिन्थी 3:6

नयाँ करारको सेवक होन बा हमके खुबी दइ, जा पबित्र आत्माको करार हए, नियम कानुनको जुणो भओ करार नाए हए। काहेकी लिखो भओ बातके नाए माननको परिणाम मृत्यु हए पर पबित्र आत्मा अनन्त जीबन देतहए।

2 कोरिन्थी 4:2

हम सरम लागन बारे काम और लुकी-छिपी करन बारो काम नाए करत हएं। हम छलकपट वा परमेश्वरको बचनमे मिलाओट करन बारो काम फिर नाए करत हएं। पर हम परमेश्वरके अग्गु सत्य इकल्लो सिखात हएं और जा सत्य हए कहिके हर आदमी गवाही देन सिकंगे।

2 कोरिन्थी 5:9

जहेमारे चहुँ हम बाके सँग स्वर्गमे होमएं, चहुँ हम जा धर्तीमे होमएं, बाके प्रसन्न करन हमर लक्ष्य होत हए।

गलातियों 1:10

स्पष्ट रुपसे, मए आदमीनके खुसी करनके कोसिस नाए कररहो हओं, पर मए परमेश्वरके खुसी करन चाँहत हओं। मए आदमीनके खुसी करनके कोसिस नाए कररहो हओं, अगर मए अबतक आदमीनके खुसी करत रहितो तओ ख्रीष्टको दास नाए हुइतो।

इफिसियों 1:13

और तुमरसँग फिर जहे भओ हए। तुम बहे सच्चो सन्देश और मुक्तिको अच्छो समाचारके सुने हओ, जो जाके बारेमे बतात हए, कि परमेश्वर तुमके बचाए सकत हए। जब तुम ख्रीष्टमे बिश्वास करे, तओ परमेश्वर अपनो प्रतिज्ञा करोभओ पबित्र आत्मा तुमके दइ, जा दिखानके ताहीं कि तुम परमेश्वरके हओ।

1 थेसलोनिकी 2:4

परमेश्वर हमके योग्य समझके अच्छो समाचार सौंपी हए। जहेमारे हम आदमीनके नाए, बल्कि हमर हृदय जानन बारो, परमेश्वरके खुसी करनके ताहीं शिक्षा देत हएं।

1 थेसलोनिकी 5:14

और हे मेरे बिश्वासी ददाभइयओ, हम तुमसे बिन्ती करत हएं, कि जो आदमी अल्छी हएं, उनके चेतावनी देओ। बे आदमीनके उत्सहा देओ, जो डरपोक हएं, जो बिश्वासमे कमजोर हएं उनके मदत करओ, सबके सँग सहनशीलता देखाओ।

1 तिमोथी 4:6

अगर तए सब बिश्वासी ददाभइयनके लगातार जे बातको शिक्षा देतए रएहए कहेसे तए ख्रीष्ट येशूको एक अच्छो सेवक ठहिरैगो। और परमेश्वर तोके बिश्वास और अच्छो शिक्षाके माध्यमसे तालिम देबैगो, जौन शिक्षाके तए पालन करो हए।

हिब्रू 4:11

जहेमारे हम जा बिश्रामको ठाउँमे घुसनके ताहीं कोसिस करएं। और कोइ फिर परमेश्वरको आज्ञापालन करनके अस्वीकार करन बारे आदमीनके नमुना नाए मानएं। तब्ही इकल्लो हम बो बिश्रामके ठाउँमे घुसपामंगे।

याकूब 1:12

बे आदमी धन्यके हएं, जो परीक्षामे स्थिर रहात हएं, काहेकी बे इमान्दार साबित होत हएं, और बे कभी फिर अन्त नाए होन बारो जीबनको मुकुट पामंगे, जौनको प्रतिज्ञा परमेश्वर बे सबके दइहए, जो परमेश्वरसे प्रेम करत हएं।

याकूब 1:18

परमेश्वर अपनी इच्छासे हमके सच्चाईको बचनसे नयाँ जीबन दइहए, ताकी परमेश्वरको सृष्टि करोभओ सब चीजमे हम सबसे महत्वपूर्ण हुइ पामएं, जैसेकी फसलको पहिलो हिस्सा सबसे खास हिस्सा होतहए।

2 पतरस 1:10

जहेमारे बिश्वासी ददाभइया, अपनएके और दुस्रे आदमीनके जा दिखान औ जद्धा असल ब्यबहार करनके कोसिस करओ, कि परमेश्वर तुमके अपनो आदमी होन चुनीहए और बुलाइ हए। अगर तुम उइसे करैगे कहेसे, तुम नेहात्तओ फिर परमेश्वरसे कभी अलग नाए होबैगे।

2 पतरस 1:15

तभीमारे मए तुमके जे बात अभए लिखके कडा मेहेनत कररहो हओं, ताकी मए मरनके बाद तुम जे बात सदा दिन याद करपाबओ।

2 पतरस 3:14

जहेमारे प्रिय हो, परमेश्वर संसारको न्याय करन बारो दिनको तुम प्रतिक्षा करत पेती तुम पबित्र और खोट नाए भओ होन और बाके सँग शान्तिमे बैठनके सबसे अच्छो कम करन पणत हए।