2 तिमोथी 1:10 - राना थारु नयाँ नियम

¹⁰ पर अब हमर मुक्तिदाता ख्रीष्ट येशू आइगओ हए और हमके अपनो अनुग्रह दिखाइ हए। बा मृत्युकी शक्तिके नाश करदइ हए। और हमके दिखाइ हए, कि अच्छो समाचारके द्वारा कभी फिर नाश नाए होन बारो जीबनके ताहीं एक डगर हए और हम बो शरीरमे अनन्तकालके ताहीं जिन्दा रहमंगे जौन शरीर कभु नाए सणैगो।

परमेस्वर को सच्चो वचन

¹⁰ पर जौ हमरे उद्धारकर्ता, ईसु मसीह के आन से हमैं पता चलो है। बौ मौत की सक्ति कै खतम कर दई है और सुसमाचार के जरिया अनंत जिंदगी कै दिखाई है।

2 तिमोथी 1:10 Cross References

लूका 11:36

अगर तुमर सब शरीर उजियारोसे भरोहए कहेसे, और कोइ भाग अँध्यारो नाए हए कहेसे, बो सब अइसीयए उजियारो हुइहए, जैसेकी दियाको किरण तुमके उजियारो देतहए।”

लूका 13:7

तओ बो खितहरासे कही, ‘देख तीन सालसे मए जा अञ्‍जीरको रुखा मे फरा ढुँणन आएरहो हओं, पर नाए पातहओं। जाके काट डार, काहेकी जा अच्छी जमिन अगोरे पणेहए।’

लूका 2:11

आज बेथलेहम सहरमे, जो राजा दाऊदको सहर हए। हुवाँ तुमर ताहीं एक मुक्तिदाताको जनम भओ हए, जौन ख्रीष्ट प्रभु हए।

यूहन्ना 1:9

बो एक सच्चो उजियारो हए, जौन सब आदमीनके उजियारो देतहए, बहे संसारमे आन बारो हए।

यूहन्ना 14:6

येशू बिनके जबाफ दइके कही, “मए बो डगर और सच्चाई हओं, जो जीबन देतहए। मोए बिना कोइ फिर दौवाके ठिन नाए आए पएहए।

यूहन्ना 20:31

पर जा जहेमारे लिखोगओ हए, कि तुम बिश्वास करओ, कि येशू इकल्लो परमेश्वरको लौंणा ख्रीष्ट हए: और बामे बिश्वास करके बाके नाउँसे कभी फिर अन्त नाए होन बारो जीबन मिलए।

यूहन्ना 4:42

और बे बैयरसे कहीं, “अब हम तेरे कहानसे बिश्वास नाए करे हएं। काहेकी हम अपनए सुनेहएं, और हम जानत हएं, कि नेहात्तओ संसारको मुक्तिदाता जेहीँ हएं।”

यूहन्ना 5:40

तहुँफिर तुम कभी फिर अन्त नाए होन बारो जीबन पानके ताहीं मिर ठिन आनके नाए चाँहत हओ।”

प्रेरित 13:23

अपनो करोभओ बाचा पुरा करके परमेश्वर इस्राएल देशमे रहान बारेनके ताहीं दाऊद राजाको कुलमे एक मुक्तिदाता पठाइ, जो येशू हए।

प्रेरित 5:31

बहेके परमेश्वर अपन दहिना घेन सृष्टिकर्ता और मुक्तिदाता बनाइ हए। ताकी इस्राएल देशके आदमी अपनो खराब बिचार और खराब डगरसे परमेश्वर घेन घुमएं। और बाके द्वारा अपनो पापको क्षमा पाए सकएं।

रोमियों 16:26

पर अब अनन्तको परमेश्वरको आज्ञाके अनुसार अगमबक्ताके लिखेभए पबित्र-शास्त्र द्वारा प्रकट करोगओ हए और परचार करोगओ हए जा हेतुसे, कि सबए जाति बिश्वास करएं और आज्ञापालन करएं।

रोमियों 2:7

जौन असल काममे स्थिर रहिके महिमा, आदर और अमरकी खोजिमे हए, उनके परमेश्वर कभी फिर नाश नाए होन बारो जीबन देबैगो;

रोमियों 3:31

तओ का, हम नियम कानुनके बिश्वासके द्वारा बेकामको बनात हएं? नाए! बिरकुल नाए! बल्कि हम नियम कानुनके प्रमाणित करत हएं, कि जा परमेश्वर मोशाके द्वारा दइ रहए।

रोमियों 6:6

काहेकी हम जानत हएं, कि हमर पुरानो पापमय स्वभाब, ख्रीष्ट येशूके सँग क्रूसमे चढाओगओ, ताकी हमर शरीरमे पापमए स्वभाब नाश हुइजाबए और अब अइसो हम पापको कमैया नाए होमएं।

1 कोरिन्थी 15:26

जौन शत्रुके सबसे अन्तमे नष्ट करो जएहए, बो हए; मृत्यु।

1 कोरिन्थी 4:5

जहेमारे जब तक प्रभु नाए लौटए तबतक कोइको न्याय मत् करओ। परमेश्वर स्पष्टसे बे सब बिचारनके बताबैगो जो आदमीनको भितर हए, जौनके बारेमे कोइ नाए जानत हए। परमेश्वर उदेश्यन्के प्रकट करैगो जो उनको दिलमे हए।

2 कोरिन्थी 5:4

काहेकी हम जा शरीरमे रहातए चिन्तासे हम सुस्केरा डारतहएं। और हम जे शरीरसे छुटकारा पान नाए चाँहत हएं, पर परमेश्वर हमके स्वर्गीय शरीर देबए कहिके हम चाँहत हएं, ताकी जे शरीर मरनके बाद अनन्त जीबनमे बदल पाबए।

गलातियों 5:4

तुम जो मोशाको नियम कानुनके पालन करनके धर्मी ठहिरन चाँहत हओ, तुम अपनएके ख्रीष्टसे अलग कररहे हओ, और परमेश्वरको अनुग्रहके स्वीकार करनसे इन्कार करदए हओ।

इफिसियों 1:18

मए जा फिर प्राथना करत हओं, कि बा सच्चाईके सम्झनमे तुमर मदत करैगो ताकी तुम बाको महिमाको धनके जान पाबओ, कि बो आसरा जो तुमके दओगओ हए, जब परमेश्वर तुमके चुनी रहए। और ताकी तुम जानपाबओ, कि बे आशिष कित्ने महान और महिमामय हएं जौनको प्रतिज्ञा परमेश्वर अपने पबित्र आदमीसे करीहए।

इफिसियों 1:9

परमेश्वर बहे करी, जो बा गुप्तमे धरी रहए, और हमके बो गुप्त योजनासे प्रकट करबाइ जो बा पहिलीयए ख्रीष्टके द्वारा पुरा करनके निर्णय लइ रहए।

2 थेसलोनिकी 2:8

तओ दुष्ट आदमी दिखाइ पणैगो, पर पिच्छु प्रभु येशू जब आबैगो, तओ बा एक हुकुमके द्वारा जो बाको मुँहुँसे निकरत हए और अपना आनको महिमासे दुष्ट आदमीके नाश करैगो।

2 तिमोथी 1:1

मए, पावल जा चिट्ठीके लिखरहो हओं। परमेश्वर मोके जाकेमारे चुनी, कि मए ख्रीष्ट येशूसे चुनो भओ चेला बनओं। ताकी मए जा सन्देशके परचार करपामओं, कि परमेश्वर नाश नाए होन बारो जीबन दइके प्रतिज्ञा करीहए, जो येशू ख्रीष्टमे बिश्वास करनसे आत हए।

2 तिमोथी 1:8

जहेमारे दुस्रे आदमीनके हमर प्रभु येशू ख्रीष्टके बारेमे बतानमे मत् सर्माबए, और तोके जा बातसे फिर सर्मानके नाए चाहो, कि मए ख्रीष्टको सेवा करनके कारण जेलमे हओं। बल्कि तोके बहे शक्तिके प्रयोग करनके चाहो जो परमेश्वर तोके देतहए, और अच्छो समाचारके ताहीं जो दुख मए सहत हओं बोमे तए मोके साथ देए।

2 तिमोथी 4:1

जब येशू ख्रीष्ट राजाके रुपममे राज्य करन आबैगो, तओ बा जिन्दा और मरेभइनके न्याय करैगो। तभीमारे, परमेश्वर और येशू ख्रीष्टको साक्षीके रुपमे मए तोके अनुग्रह करत हओं,

2 तिमोथी 4:8

अब, परमेश्वर स्वर्गमे मेरे ताहीं एक मुकुट धरेपणे हए, काहेकी मए अपनो जीबनमे बाके खुसी करन बारो जीबन जिइयो हओं। हमर प्रभु येशू ख्रीष्ट जो धार्मिकताको न्यायधीश हए, जब बा लौटके आबैगो मोके बा मुकुट देबैगो। जो मुकुट बा मोके देबैगो बो मेरे ताहीं इकल्लो नाए हुइहए, बल्कि सबके ताहीं जो बाको लौटनको आसरा कर रहे हएं।

तीतुस 2:11

बिश्वासीनके अइसे करके सिखा, काहेकी परमेश्वर सब आदमीनके पापसे उद्धार पानको डगर दिखाएके अपनो अनुग्रह दिखाइ हए।

तीतुस 2:13

हम अइसे ब्यबहार करत हएं, जब हम बेहीं अदभुत दिनको प्रतीक्षा कर रहे हएं, जोको हमके आसरा हए; बहे दिन जब प्रभु येशू ख्रीष्ट, जो हमर महान परमेश्वर और मुक्तिदाता हए, अपनो सारे महिमाके सँग पृथ्वीमे लौटके आबैगो।

तीतुस 3:4

तहुँफिर, हमर मुक्तिदाता परमेश्वर हमके अपनी दया और प्रेम दिखाइ।

हिब्रू 10:32

सुरुको दिनके सम्झओ जब तुम ख्रीष्टके बारेमे सुरुक चोटी सिखे रहओ। याद करओ, कि तुम कैसे इमान्दार रहे, जबकी डर लगन बारो दुख रहए।

2 पतरस 1:1

मए सिमोन पत्रुस, तुमर ताहीं जा चिट्ठी लिखनडटो हओं, मए येशू ख्रीष्टको सेवक और चुनो भओ चेला हओं। मए तुम सबके लिखनडटो हओं, जौन हम सबके समान अनमोल बिश्वास प्राप्त करीहए। जा बिश्वास हमर परमेश्वर और मुक्तिदाता येशू ख्रीष्टद्वारा हमके दओगओ हए, जौन हमके परमेश्वर द्वारा धर्मी बनातहए।

2 पतरस 1:11

और जाके सँगएसँग परमेश्वर तुमके येशू ख्रीष्ट भओ राज्यमे भव्य स्वागत करैगो, जो हमर प्रभु और मुक्तिदाता हए, बा हुवाँ सदादीनके ताहीं राजा हुइके राज्य करैगो।

2 पतरस 1:3

परमेश्वर अपनो ईश्वरीय शक्ति द्वारा बाके खुसी बनान बारो जीबन जिनके ताहीं हमके चाहो भओ सब चीज दइ हए। जा सम्भब हए, काहेकी हम परमेश्वरके चीन्हत हएं और बहे हए जो हमके अपनो महिमा और नैतिक भलाइ द्वारा हमके अपनो आदमी होनके बुलाइ हए।

2 पतरस 2:20

येशू ख्रीष्टके, अपनो प्रभु और मुक्तिदाता कहिके चिनहएं तओ आदमी संसारको दुष्टतासे भागंगे। पर अब बे फिरसे गलत काम करनमे सामिल हुइगए हएं, और बे गलत बात अब बिनके अधिनमे करलै हए, तभीमारे अब बे ख्रीष्टके अस्वीकार करदेनके बाद उनको अन्तिम अवस्था, उनको बिश्वासी बननसे पहिलेको अवस्थासे फिर बुरो हुइगओ हए।

2 पतरस 3:18

पर तुम लगातार हमर प्रभु और मुक्तिदाता येशू ख्रीष्टको अनुग्रहके बहुतसे बहुत अनुभव करे रहान पणत हए, और बाके बारेमे तुमर सम्झना बढन जरुरी हए। बाके अभए और सदासर्वदा प्रसंसा होए। आमेन।

2 पतरस 3:2

मए अइसे करत हओं, काहेकी अगमबक्ता बहुत समय पहिले बोलो भओ बचन और हमर प्रभु येशू ख्रीष्ट, हाम्रो मुक्तिदाताको शिक्षाके तुम याद करओ कहिके मए चाँहत हओं, जौन तुमर ठिन आएके चुनेभए चेला तुमके सिखाइ रहएं।

1 यूहन्ना 1:2

जा जीबन हियाँ पृथ्वीमे आओ, और हम बाके देखे, और बाकी गवाही देत हएं, और तुमके बा कभी फिर नाश नाए होन बारो जीबनके बारेमे परचार करत हएं, जो दौवाके सँग रहए, और हमर ठिन प्रकट भओ।

1 यूहन्ना 4:14

हम लौंणाके देखे हएं और जहेको गवाही देत हएं, कि दौवा परमेश्वर अपनो लौंणाके संसारके आदमीनके ताहीं मुक्तिदाताके रुपमे पठाइ हए।

प्रकाश 18:1

तओपिच्छु मए एक औ स्वर्गदूतके स्वर्गसे तरे आत देखो। बोके ठिन बडो अधिकार रहए और बोको बडो महिमामय ज्योतिके कारण जम्मए पृथ्वी उजियारो भओ।

प्रकाश 2:7

हरकोइ, जो मिर सन्देशके सम्झन चाँहत हए, बोके बे बातके ध्यानसे सुनन पणो जो परमेश्वरको पबित्र आत्मा मण्डलीनसे कहात हए: ‘बे आदमी जो बुराइके हराए देत हएं, उनके मए जीबन देन बारो पेणसे फल खानको अधिकार देमंगो, जो पेण परमेश्वरको स्वर्गको बगियामे हए।’”

प्रकाश 20:14

बे सबए आदमी, जोको नाउँ जीबनको किताबमे लिखो नाए रहए, बिनके आगी और गन्धकमे फेँको गओ। जाके पिच्छु अब मृत्यु नैयाँ, अब मृतकनको कोइ ठाउँ फिर नैयाँ, काहेकी बे सब आदमी जौनको नाउँ जीबनको किताबमे लिखो नाए रहए, उनके आगी और गन्धकमे फेँको गओ, जहेके दुस्री मृत्यु कहोजात हए, जोकी आगीको कुण्डामे मिलन बारो दण्ड हए।

प्रकाश 22:14

अपनो लत्ता धोएके, सफा करके धरन बारे धन्यके हएं। काहेकी बिनके बहे सहरको फाटकसे घुसन अधिकार दओ जाबैगो। और उन्हएं बो पेणको फरा फिर खानके अधिकार दओ जाबैगो जो जीबन देतहए।

प्रकाश 22:17

पबित्र आत्मा और थुमाको दुलहीन येशूसे कही, “तुमके जरुर करके आन पणैगो।” हर एकजनै, जो जा बात सुन्तहएं बोके फिर कहान पणैगो, “आबओ।” जो फिर प्यासो हए, बो आबए और बहे पानी पिबए जो सेँतएमे जीबन देतहए।