2 थेसलोनिकी 2:16 - राना थारु नयाँ नियम

¹⁶ हम अपनए हमर प्रभु येशू ख्रीष्टसे और हमर दौवा परमेश्वरसे प्राथना करत हएं, जो हमसे प्रेम करत हएं, और जौन अपनो अनुग्रहसे हमके कभी फिर अन्त नाए होन बारो प्रोत्सहान और मजबुत आसरा दइ हए।

परमेस्वर को सच्चो वचन

¹⁶ हमरे प्रभु ईसु मसीह खुद और हमरे दऊवा परमेस्वर, जो हमरे संग अच्छाई और प्रेम करी अपने अटूट साहस अनुग्रह और मजबूत अनंत आसा और सांति दई है,

2 थेसलोनिकी 2:16 Cross References

लूका 16:25

पर अब्राहाम कही, ‘ए लौंणा याद कर, तए अपन जीबन कालमे सबसे अच्छी-अच्छी चीज पाएडारो हए, और लाजरस खराब चीज पाइ रहए। पर अब बो हियाँ अराम पाएरहो हए, और तए कष्ट पाएरहो हए।

यूहन्ना 13:1

यहूदीनको निस्तार तेवहार सुरु होनसे पहिले येशू जानलै, कि अपना संसार छोडके दौवा परमेश्वरके ठिन लौट जानको समय आनलागो हए। बा संसारमे भए अपन चेलनके सब दिन प्रेम करत रहए। और बा बिनके आखिरी समय तक अपनए कता प्रेम करी।

यूहन्ना 15:13

एक आदमीके ताहीं अपन सँगीके जा दिखानके ताहीं, कि बो उनसे प्रेम करत हए, सबसे अच्छो तरिका जहेहए कि बो उनके ताहीं मर जाए।

यूहन्ना 15:9

“जैसे दौवा मोसे अपनए कता प्रेम करीहए, उइसीयए मए फिर तुमके प्रेम करंगो, और तुम मिर प्रेम सँग एकतामे रहियए रहाबओ।

यूहन्ना 16:22

अइसियए, तुमके फिर त पिडा हए, पर मए तुमसे फिरसे मिलंगो और तुम आनन्दित होबैगे, और तुमर आनन्द कोइ तुमसे नाए छिनाए पएहए।

यूहन्ना 3:16

काहेकी परमेश्वर संसारके आदमीनसे अइसो प्रेम करी, कि बा अपन ठिन रहो एकलौटो लौंणा दइदइ, ताकी बाके उपर बिश्वास करन बारे कोइ फिर नाश नाए होबए, पर कभी फिर नाश नाए होन बारो जीबन पाबए।

यूहन्ना 4:14

पर जौनकोइ मिर दइभइ पानी पिइहए, बोके कभु प्यास नाए लगैगो। और जौन पानी मए बोके देमंगो, बो अइसो पानी देतएरहान बारो कुँइँयाँ बन्जएहए, जौन बोके कभी फिर नाश नाए होन बारो जीबन देहए।”

प्रेरित 15:11

अइसे करन ठिक नाए हए, हमर ताहीं जा निश्चय हए, कि जौन रितिसे बे प्रभु येशूके अनुग्रहमे उद्धार पामंगे, बहे रितिसे हम फिर पामंगे; जा नाए, कि मोशाको नियम कानुन पालन करके इकल्लो पामंगे।”

प्रेरित 18:27

तओ फिर अपोल्लोस अखैया परदेशमे जानके बिचार करी। और एफिसस सहरमे भए प्रभुमे बिश्वासी ददाभइया चेलनके जानके ताहीं उत्सहा दइं और अपोल्लोसके स्वागत करीयओ कहिके हुवाँ बैठन बारे चेलनके एक चिट्ठी फिर लिखदइं। अखैया परदेशमे पुगके अपोल्लोस हुवाँ प्रभुको अनुग्रहके कारणसे बिश्वासमे आएभएनके बहुत मदत करी।

रोमियों 1:7

मए तुम सबके लिखरहो हओं जो रोम सहरमे हएं जौननके परमेश्वर प्रेम करत हए, और बाके अपने पबित्र आदमी होनके ताहीं बुलाए गए। हमरे दौवा परमेश्वर और प्रभु येशू ख्रीष्टके तरफसे तुमके अनुग्रह और शान्ति मिलतए रहाबए।

रोमियों 4:16

जहेमारे आदमी बिश्वासके द्वारा परमेश्वरको प्रतिज्ञा प्राप्त करीं। अइसो जाकेमारे होत हए, ताकी बाचा अनुग्रहसे प्राप्त होबए। तओ अब्राहामके सारे सन्ताननके बो बाचा प्राप्त हुइ सकत हए। जा सिरफ उनके ताहीं इकल्लो नाए जो मोशाको नियम कानुनके अधिन रहात हएं बल्कि हर बे आदमीनके ताहीं हए जो अब्राहाम जैसो बिश्वाससे जितो हए, जो हम सबजनैको पुर्खा हए।

रोमियों 4:4

काम करन बारेनके दिहाणी देनो दान नाए हए, पर बो बोको पान बारो हक हए।

रोमियों 5:8

पर परमेश्वर हमर उपर अपनो प्रेमको भलाइ जा रितिसे प्रकट करत हए, कि जब हम पापीए रहएं, तभीए ख्रीष्ट हमर ताहीं मरो।

इफिसियों 5:2

ख्रीष्टको उदाहरणके पालन करके दुस्रेन्के प्रति प्रेमसे भरो भओ जीबन जीबओ, जौन तुमसे प्रेम करी और तुमर पापनके उठानके ताहीं अपनएके बलिदान करके दइदइ। और परमेश्वर जा कामसे खुसी रहए, काहेकी बो बलिदान बाके ताहीं सुगंधित धुपके समान रहए।

इफिसियों 5:25

हे लोगओ, अपनी-अपनी बैयरके प्रेम करओ, जैसी ख्रीष्ट फिर मण्डलीके प्रेम करके हमर ताहीं अपनो जीबनके दइदइ।

कलस्सी 1:23

तुमर बिश्वास ख्रीष्टमे मजबुत होन पणैगो, जैसेकी एक घर बलियो जगमे बनो होतहए। जो हमरे सँग आसरा हए, और जो अच्छो समाचारमे हम बिश्वास करत हएं, बो आसराके मत् छोडओ, जौनके बारेमे बादरके तरे भए सबके परचार करोगओ हए, और मए पावल, जहे अच्छो समाचार सुनान बारो सेवक भओ हओं।

कलस्सी 1:5

तुमर बिश्वास और प्रेम तुमर आसरामे अधारित हए, जो तुमर ताहीं स्वर्गमे धरो हए, जौनको बारेमे तुम पहिलीयए सुनडारे हओ, जब आदमी सुरुमे तुमर ठिन आए, और तुमके येशूके बारेमे अच्छो समाचार सुनाइं, जोकी परमेश्वरको सच्चो सन्देश हए।

1 थेसलोनिकी 1:3

जब हम अपनो दौवा परमेश्वरसे प्राथना करत हएं, तओ हम बे कामके याद करत हएं जो तुम बिश्वासके कारण करत हओ। और दुस्रेनके उपर प्रेम दिखानके ताहीं जो कडी मेहेनत तुम करत हओ, और तुम सतावट सहे करत हओ काहेकी तुम प्रभु येशू ख्रीष्टको लौटनको आसरा कर रहेहओ।

1 थेसलोनिकी 3:11

हम प्राथना करत हएं, कि हमर दौवा परमेश्वर और हमर प्रभु येशू ख्रीष्ट तुमसे भेँट करनके ताहीं डगर तयार करए।

2 थेसलोनिकी 2:13

हे मेरे बिश्वासी ददाभइयओ, हमके लगातार परमेश्वरके धन्यबाद देन पणो काहेकी परमेश्वर तुमके प्रेम करत हए। काहेकी परमेश्वर संसारको सृष्टिसे पहिले तुमके चुनलै, ताकी तुमके बचाए पाबए। बा पबित्र आत्माके कामके द्वारा जो तुमके पबित्र बनातहए और तुमर द्वारा येशू ख्रीष्टके बारेमे सच्चो सन्देशमे बिश्वास करनके द्वारा उद्धार करैगो।

तीतुस 1:2

बोको प्रतिफलके रुपमे बे परमेश्वरके सँग हमेसाके ताहीं रहानके आसरा करत हएं। काहेकी परमेश्वर, जो कभी ठगत नाए हए, बा संसारकी सृष्टि करनसे पहिले प्रतिज्ञा करी रहए, कि बाके आदमी कभी फिर नाश नाए होन बारो जीबन पामंगे।

तीतुस 2:13

हम अइसे ब्यबहार करत हएं, जब हम बेहीं अदभुत दिनको प्रतीक्षा कर रहे हएं, जोको हमके आसरा हए; बहे दिन जब प्रभु येशू ख्रीष्ट, जो हमर महान परमेश्वर और मुक्तिदाता हए, अपनो सारे महिमाके सँग पृथ्वीमे लौटके आबैगो।

हिब्रू 7:19

काहेकी मोशाको नियम कानुन त कुछु फिर सिद्ध नाए करपाइ। और हम्रे सँग एक अच्छो आसरा हए, बो आसरा येशू ख्रीष्ट हए, जौन हमके परमेश्वरके ढिँगै पुगात हए।

1 यूहन्ना 3:16

येशू ख्रीष्ट हमर ताहीं अपनो प्राण दइ। जहेमारे हम प्रेमके बुझे हएं और हमके फिर अपने बिश्वासी ददाभइयनके ताहीं अपनो प्राण देन पणत हए।

प्रकाश 1:5

और येशू ख्रीष्टके घेनसे जौनको बचनमे भरोसा करोजाए सकत हए। बहे हए जो मरनके बाद फिरसे जिन्दा हुइगओ हए और बो जा संसारके सब राजनको सासक हए। बा हमसे प्रेम करत हए और बा हमके बचात हए, बाको खुन हमके हमर पापसे बचात हए।

प्रकाश 22:5

हुवाँ फिरसे कभी रात नाए हुइहए, और जो आदमी हुवाँ रहात हएं, बिनको डगर उजियारो करनके ताहीं दियाको कोइ जरुरत नाए हुइहए। नए बिनके उजियारो देनके ताहीं सूर्यको जरुरत हुइहए, काहेकी परमेश्वरए आदमीनके उजियारो देतहए। और जे आदमी जो हुवाँ बैठत हएं सदामानके ताहीं राज्य करंगे।

प्रकाश 3:9

बे आदमी जौन शैतानको एक समुहके सदस्य हएं, बे दाबी करत हएं कि बे यहूदी हएं पर बे सच्चे यहूदी नाए हएं और बे ठगरहे हएं। मए अइसो करंगो, कि बे आएके तेरे चरणमे पणके ढोगंगे। और मए तोके प्रेम करत हओं कहान बारी बात बे पता पामंगे।