2 थेसलोनिकी 2:13 - राना थारु नयाँ नियम

¹³ हे मेरे बिश्वासी ददाभइयओ, हमके लगातार परमेश्वरके धन्यबाद देन पणो काहेकी परमेश्वर तुमके प्रेम करत हए। काहेकी परमेश्वर संसारको सृष्टिसे पहिले तुमके चुनलै, ताकी तुमके बचाए पाबए। बा पबित्र आत्माके कामके द्वारा जो तुमके पबित्र बनातहए और तुमर द्वारा येशू ख्रीष्टके बारेमे सच्चो सन्देशमे बिश्वास करनके द्वारा उद्धार करैगो।

परमेस्वर को सच्चो वचन

¹³ पर भईय्यौ, हमैं हर समय परमेस्वर को धन्यवाद करनो चाहिए, दोस्तौ, जोकै तुम्हैं प्रभु प्रेम करथै। काहैकि परमेस्वर तुमकै सबसे पहले उद्धार के ताहीं चुन लई है कि पवित्र आत्मा की सक्ति से पवित्र लोग बनान के ताहीं और सच्चाई मैं तुमरे बिस्वास के जरिया बचाबौ।

2 थेसलोनिकी 2:13 Cross References

लूका 1:75

जब तक हम जिमंगे तबतक पबित्रतामे और धार्मिकतामे बाके अग्गु बाको सेवा कर पामएं।

यूहन्ना 1:1

जा पुरो संसारको सृष्टि होनसे पहिले एक जनै रहए जोके बचन कहोजात हए, और बचन परमेश्वरके सँग रहए, और बचनए परमेश्वर रहए।

यूहन्ना 14:6

येशू बिनके जबाफ दइके कही, “मए बो डगर और सच्चाई हओं, जो जीबन देतहए। मोए बिना कोइ फिर दौवाके ठिन नाए आए पएहए।

प्रेरित 13:48

जा बात सुनके गैर-यहूदी खुसी होत परमेश्वरको दओ भओ अच्छो समाचारको प्रसंसा करन लागे। कभी फिर नाश नाए होन बारो जीबनके ताहीं अग्गुवएसे परमेश्वरसे चुनेभए आदमी येशू ख्रीष्टमे बिश्वास करीं।

प्रेरित 15:9

बा यहूदी और गैर-यहूदी आदमीनमे भेदभाव नाए करी। पर गैर-यहूदीके आदमी बिश्वास करीं और परमेश्वर बिनको मनके शुद्ध बनाइ।

रोमियों 6:17

तुम पापको कमैया होए करत रहओ, पर अब तुम बहे शिक्षन्के पालन करेहओ, जो तुमके मिलो। जहेमारे मए परमेश्वरके धन्यबाद करत हओं।

रोमियों 8:33

कोइ फिर हमर उपर परमेश्वरके अग्गु दोष नाए लगाए पएहए काहेकी बा बहे हए जो हमएं धर्मी घोसित करत हए।

रोमियों 9:11

जन्मनसे अग्गुवए कुछ अच्छो और कुछ खराब काम करनसे पहिलीयए परमेश्वर रेबिकासे कही रहए, कि बक बाणो लौंणा छोटो लौंणाको सेवा करैगो। परमेश्वर जा दिखानके ताहीं कही, कि बा अपनो इच्छा अनुसार अपनए बनातहए और जा कोइ फिर कामके कारण नाए रहए, जो बे करीं।

1 कोरिन्थी 1:21

मए जा जहेमारे कहात हओं, काहेकी परमेश्वर बुद्धिमानके साथ जा फैसला लइ, कि जा संसारके आदमी अपनो ज्ञानके द्वारा बोके जाननमे सक्षम नाए होमंगे। जहेमारे परमेश्वर बे आदमीनके बचानको बिचार करी जो बो अच्छो समाचारमे बिश्वास करत हएं जौनको हम परचार करे, हियाँतककी बे आदमी जो बिश्वास नाए करत हएं, कि हमर परचारको कोइ फाइदा नाए हए।

गलातियों 3:1

हे गलातिया परदेसके बिश्वासीउ, कोइ जरुर तुमके भणकाए दइ हए। मए तुमके अच्छेसे सम्झाओ हओं कि येशू ख्रीष्टके क्रूसमे टाँगनको कारण का रहए।

इफिसियों 2:8

काहेकी जब तुम बिश्वास करे तओ परमेश्वर अपने अनुग्रहसे तुमके बचाएलै, और तुम अपनए कोसिस करके बचे नाए हओ, बल्कि जा परमेश्वरको बरदान हए।

कलस्सी 1:5

तुमर बिश्वास और प्रेम तुमर आसरामे अधारित हए, जो तुमर ताहीं स्वर्गमे धरो हए, जौनको बारेमे तुम पहिलीयए सुनडारे हओ, जब आदमी सुरुमे तुमर ठिन आए, और तुमके येशूके बारेमे अच्छो समाचार सुनाइं, जोकी परमेश्वरको सच्चो सन्देश हए।

कलस्सी 3:12

जहेमारे जबकी परमेश्वर तुमके अपने पबित्र आदमी होनके ताहीं चुनी हए, और तुमसे प्रेम करत हए, तभीमारे तुम सब करुणा, भलाइ, नम्रता और धैर्य धारण करओ।

1 थेसलोनिकी 1:4

और हे मेरे बिश्वासी ददाभइयओ, तुमके जा बात पता होबए, कि परमेश्वर आदमीनके प्रेम करत हए। परमेश्वर तुमके अपनो बनानके ताहीं चुनी हए।

1 थेसलोनिकी 2:12

कि अइसो जीबन जिइयओ, जो परमेश्वरके खुसी करत हए, जो तुमके अपने राज्य और महिमामे बुलातहए।

1 थेसलोनिकी 4:7

काहेकी परमेश्वर हमके अशुद्ध जीबन जीइनके ताहीं नाए, पर पबित्र जीबन जीइनके ताहीं बुलाइ हए।

1 थेसलोनिकी 5:9

काहेकी परमेश्वर हमके जाकेमारे नाए चुनी, कि अपने दिक्कसे हमएं दण्ड देबए। बल्कि हम अपने प्रभु येशू ख्रीष्टके द्वारा उद्धार पानके ताहीं छानेगए हएं।

2 थेसलोनिकी 1:3

हे मेरे बिश्वासी ददाभइयओ, तुमर ताहीं हमके लगातार परमेश्वरके धन्यबाद देन पणो, और अइसो करनो हमरे ताहीं सही हए। काहेकी तुम प्रभु येशूमे लगातार बहुतसे बहुत बिश्वास करत हओ, और तुम सब लगातार एकदुस्रेसे बहुतसे बहुत प्रेम करत हओ।

2 थेसलोनिकी 2:10

और बो दुष्ट आदमी हर मेलके खराब काम करैगो। और बेहीं आदमीके धोखा देबैगो जो परमेश्वरके द्वारा नाश करेजामंगे। काहेकी बे आदमी बो सत्यतामे बिश्वास करनसे अस्वीकार करत हएं, जौन सत्यता बिनके बचाए सिकत हए।

2 थेसलोनिकी 2:12

और परमेश्वर बे सब आदमीनको न्याय करैगो, जो येशू ख्रीष्टको सच्चो सन्देशमे बिश्वास नाए करत हएं और दुष्टके कामके प्रेम करत हएं।

2 थेसलोनिकी 2:16

हम अपनए हमर प्रभु येशू ख्रीष्टसे और हमर दौवा परमेश्वरसे प्राथना करत हएं, जो हमसे प्रेम करत हएं, और जौन अपनो अनुग्रहसे हमके कभी फिर अन्त नाए होन बारो प्रोत्सहान और मजबुत आसरा दइ हए।

2 तिमोथी 1:9

जौन हमर उद्धार करी, और हमके एक पबित्र जीबनके ताहीं बुलाइ, और बा हमके जाकेमारे नाए बुलाइ, कि हम अच्छे काम करेहएं; पर अपनो योजना और अनुग्रहके अनुसार बुलाइ हए, जो संसारको सृष्टिसे पहिलीए येशू ख्रीष्टके पठाएके परमेश्वर हमके बाको अनुग्रह दिखानको योजना बनाएलै रहए।

2 तिमोथी 2:15

कडी मेहेनत कर, ताकी तए अपनएके परमेश्वरके अग्गु अइसो आदमीके रुपमे दिखाए पाबए, जोसे बे ग्रहण करपामएं। एक अइसो कामदार हानी बन, जो अच्छेसे काम करत हए, और जोके अपनो कामके कारण सर्मान नाए पणत हए, और जो सत्यको बचनके सही रितिसे काममे लात हए।

2 तिमोथी 3:15

और बच्चएसे तए पबित्र-शास्त्रके सिखो हए, जो तोके जा सम्झनमे मदत करत हए, कि जब तए येशू ख्रीष्टमे बिश्वास करत हए तओ परमेश्वर तोके बचात हए।

हिब्रू 1:10

परमेश्वर अपन लौंणाके बारेमे अइसो फिर कही हए, “हे प्रभु, सुरुवातमे तुम संसारके सृष्टि करे, और बादरमे भए सब चीजके तुम बनाए।

याकूब 1:18

परमेश्वर अपनी इच्छासे हमके सच्चाईको बचनसे नयाँ जीबन दइहए, ताकी परमेश्वरको सृष्टि करोभओ सब चीजमे हम सबसे महत्वपूर्ण हुइ पामएं, जैसेकी फसलको पहिलो हिस्सा सबसे खास हिस्सा होतहए।

1 यूहन्ना 4:10

सच्चो प्रेम जा हए, कि हम परमेश्वरसे प्रेम नाए करे बल्कि परमेश्वर हमके प्रेम करीहए, और हमर पाप क्षमा करनके ताहीं अपन लौंणाके बलिदान होनके पठाइ।

1 यूहन्ना 4:19

हम परमेश्वरसे और एक-दुस्रेनसे प्रेम करत हएं, काहेकी सुरुमे परमेश्वर हमके प्रेम करी।