2 पतरस 3:17 - राना थारु नयाँ नियम

¹⁷ जहेमारे प्रिय हो, तुमके पहिलीए पता हए, कि जे बात होमंगे। जहेमारे होसियार रहाओ ताकी नियम कानुन नाए मानन बारे आदमी तुमके झुट बोलके नाए बहकामएं। अगर तुम बिनको देखासेखी करे कहेसे, तुम सच्चो बातमे बिश्वास करनके बन्द करदेबैगे।

परमेस्वर को सच्चो वचन

¹⁷ लेकिन तुम, मेरे प्रिय दोस्तौ, जौ सब पहलिये जानत भै तैयार रहाबौ। और चहाचीते रहबौ, ताकी तुम अधर्मी लोगन की गलतियन से बहकियो मत्ती और अपनी कुसल जघा से रपट ना जाबौ।

2 पतरस 3:17 Cross References

मत्ती 16:11

मए तुमसे, रोटीको बारेमे नाए कहो हओं करके तुम काहे नाए बुझत हओ? पर मए त फरिसीनको समुह और सदुकीनको समुहको खमिरसे होसियार रहियओ कहिके कहो हओं।”

मत्ती 16:6

येशू बिनसे कही, “ध्यान देओ, फरिसीनको समुह और सदुकीनको समुहको खमिरसे होसियार रहियओ।”

मत्ती 7:15

“झुठो अगमबक्तासे होसियार रहाओ, जो तुमर ठिन भेंणाके रुपमे भेष बादलके आत हएं। पर खासमे बे नुक्सान करन बारे गुलहा कता होत हएं।

यूहन्ना 16:4

पर जा बात मए जहेमारे तुमसे कहो हओं, कि जब परमेश्वरको पुरा होनको समय आबए तओ तुमके याद आयजाए, कि मए तुमसे पहिलीयए बताएदओ रहओं। जब तुम सुरुवातसे मेरे चेला बने तबसे लैके आजतक मए तुमसे जा बात जहेमारे नाए कहो काहेकी मए तुमर सँग रहओं।”

प्रेरित 2:42

बे चुनेभए चेलनसे, शिक्षा पान, संगती करनमे, और बे प्रभुके भोजनमे सहभागी होन और प्राथना करनमे भक्तिसाथ लागे रहात रहएं।

रोमियों 16:18

काहेकी अइसे आदमी हमर प्रभु येशू ख्रीष्टके नाए हएं पर अपने सरीरिक इच्छाके ताहीं सेवा करत हएं। और मिठी-मिठो शब्द और अच्छी बात करके निर्दोष आदमीनके धोखा देत हएं। अइसियए बे निर्दोष आदमीनके धोखा देत हएं।

1 कोरिन्थी 10:12

जहेमारे अगर हुवाँ कोइ अइसो आदमी हए, जो कहात हए कि परमेश्वरमे बोको भरोसा मजबुत हए, तओ बोके साबधान रहान चाहो। कहुँ अइसो नाए होए, कि बो अचानक परीक्षामे पड्के पाप करए।

1 कोरिन्थी 15:58

जहेमारे हे मेरे प्यारे बिश्वासी ददाभइयओ, अपने बिश्वासमे मजबुत रहाबओ, और प्रभुके ताहीं जो तुम करत हओ बोमे हमेसा बढतए जाओ, काहेकी तुम जा जानत हओ, कि जो काम तुम प्रभुके ताहीं करत हओ बो बेकार नाए होबैगो।

2 कोरिन्थी 11:3

पर जैसे शैतान साँपके रुपमे अपनी चलाँकीसे पहिले बैयर हव्वाके छली, उइसीयए ख्रीष्ट घेनको तुमर निष्कपट और बाको सेवासे तुमर बिचार भ्रममे पणहएं कि कहिके मोके डर लागो हए।

गलातियों 5:4

तुम जो मोशाको नियम कानुनके पालन करनके धर्मी ठहिरन चाँहत हओ, तुम अपनएके ख्रीष्टसे अलग कररहे हओ, और परमेश्वरको अनुग्रहके स्वीकार करनसे इन्कार करदए हओ।

इफिसियों 4:14

जहेमारे, अबसे हमके बच्चा कता नाए होन हए, और हम बे नैयाँके कता नाए होमएं जौनन्के लणुरा अग्गु-पच्छु ढकेलत हए और हबा इतएउतए घुमात हए। जाको अर्थ जा हए, कि चलाँख और ठगिया आदमी अब अपनी झुठी शिक्षासे हमके धोखा नाए दइपए हएं।

फिलिप्पी 3:2

बे खराब आदमीसे होसियार रहाओ जो कुत्ता हानी हएं। बे आदमीसे होसियार रहाओ, जो कहात हएं, कि तुमके बचाएजानके ताहीं खतना करबान जरुरी हए।

कलस्सी 2:5

काहेकी अगर मए तुमसे दुर हओं, कहेसे फिर मए तुमर बारेमे सोँचतए रहात हओं, और मए जा देखके बहुत खुसी हओं, कि तुम कित्नो नियममे रहात हओ, और ख्रीष्टमे तुमर बिश्वास कित्नो बलियो हए।

कलस्सी 2:8

ध्यान देओ, कि बेकम्मा और झुठी बातसे कोइ तुमके नाए फसाए पाबए, जौन ख्रीष्टके अनुसार नाए हुइके आदमीनको परम्परा और संसारकी शिक्षामे अधारित रहात हएं, और जौनके कारण हम आदमीनको दौवा भओ, जो शिक्षाके पिच्छु चलन नाए चाँहत हएं, बो कारण जहेहए।

2 तिमोथी 4:15

तोके अलेक्जेन्डरसे अपनएके बचान पणैगो, काहेकी अलेक्जेन्डर ख्रीष्टको बारेमे हमर शिक्षाके बहुत बिरोध करी।

हिब्रू 3:14

अगर हमर सुरुमे रहो भओ बिश्वासमे हम जीबनको अन्त तक मजबुत रएहएं तओ हम ख्रीष्ट सँग साझा हकदार हुइहएं।

1 पतरस 5:9

तुमर मजबुत बिश्वाससे तुमके शैतानके बिरोध करन पणत हए। याद करओ, कि संसार भर रहान बारे आदमी फिर अइसियए कष्टको अनुभव करन पडरहो हए।

2 पतरस 2:7

पर सदोमके नष्ट करनसे अग्गु बा लोतके बचाइ, जो एक धर्मी आदमी रहए, जब बो लोत सहर छोडके गओ तओ परमेश्वर बोके बचाइ। लोत बहुत चिन्तामे रहए, काहेकी सदोम सहरके आदमी बेसर्मी काम करीं।

2 पतरस 3:1

हे मेरे प्यारे सँगीउ, मए जे दुनौ चिठ्ठी तुमर ताहीं लिखो हओं, ताकी मए तुमके पहिले सिखाइ भइ बातके याद करबाए पामओं, और तुमर मनमे सफा बिचार जगाए पामओं।

प्रकाश 2:5

जहेमारे याद कर, कि तए सुरुवातमे मोसे कैसे प्रेम करत रहए, और अब तए मोसे उइसे प्रेम नाए करत हए। जहे बातमे पाप करन छोडके परमेश्वर घेन घुम, और मोसे अइसीयए प्रेम करन सुरु कर, जैसे तए सुरुवातमे मोके प्रेम करत रहए। अगर तए नाए बदलैगो, तओ मए तिर ठिन आमंगो और जहाँ तिर दिया धरो हए, बोके हुवाँसे हटाएके तोके दण्ड देमंगो।