2 कोरिन्थी 3:8 - राना थारु नयाँ नियम

⁸ पबित्र आत्माको सेवा औ जद्धा महिमामय होबैगो।

परमेस्वर को सच्चो वचन

⁸ तौ फिर आत्मा के वाचा की सेवा मैं औरौ अगरो उजीतो ना होगो?

2 कोरिन्थी 3:8 Cross References

यूहन्ना 1:17

काहेकी मोशाको नियम कानुन मोशासे दओगओ, पर परमेश्वर येशू ख्रीष्टके माध्यमसे अनुग्रह और सत्यता दिखाइ।

यूहन्ना 7:39

जब येशू “जीबन देन बारो पानीको नदिया” कही तओ बा पबित्र आत्माके बारेमे बताइ रहए और हबएतक बाके उपर बिश्वास करन बारे पबित्र आत्मा नाए पाइ रहए। काहेकी अभएतक उनके पबित्र आत्मा नाए दओगओ रहए। और परमेश्वर अभएतक येशूको महिमा नाए दिखाइ रहए।

1 कोरिन्थी 3:16

निश्चित रुपसे तुम जानत हओ, कि तुम अपनए परमेश्वरके मन्दिर हओ, और परमेश्वरको पबित्र आत्मा तुममे बास करत हए।

2 कोरिन्थी 11:4

कोइ आएके, तुम हमर द्वारा परचार करोभओ येशू बाहेक और दुस्रो येशूके परचार करे कहेसे, वा तुम पाए भए आत्मा बाहेक और दुस्रो आत्मा ग्रहण करे कहेसे, वा तुम उत्सहापूर्वक पाए भए अच्छो समाचार बाहेक और दुस्रो कोइ अच्छो समाचार ग्रहण करे कहेसे, तुम बो शिक्षा ग्रहण करके गल्ती करैगे।

2 कोरिन्थी 3:17

अब प्रभु आत्मा हए, और जाहाँ प्रभुको आत्मा हए, हुवाँ नियम कानुनसे स्वतन्त्र होत हए।

2 कोरिन्थी 3:6

नयाँ करारको सेवक होन बा हमके खुबी दइ, जा पबित्र आत्माको करार हए, नियम कानुनको जुणो भओ करार नाए हए। काहेकी लिखो भओ बातके नाए माननको परिणाम मृत्यु हए पर पबित्र आत्मा अनन्त जीबन देतहए।

2 कोरिन्थी 3:7

जब मोशाको नियम कानुन पत्थरको पेटिनमे लिखो भओ रहए, बहे बेला परमेश्वरको महिमामय ज्योति दिखाइ पणो। इस्राएल देशके आदमी बहुत समय तक मोशाको अनुहार देख नाए पाइं, काहेकी जा चमकन डटो रहए। जबकी जा चमक लम्बो समय तक नाए रहो। बहेमारे अगर मोशाको नियम कानुनमे आधारित सेवा मृत्यु लात हए, जोमे उइसो महिमा रहए कहेसे,

2 कोरिन्थी 3:9

काहेकी दोषी ठहिरान बारो नियम कानुन महिमामय रहए कहेसे, आदमीनके परमेश्वरके अग्गु धर्मी ठहिरान बारो नयाँ करार औ जद्धा महिमामय होबैगो।

गलातियों 3:14

ख्रीष्ट अइसो जाकेमारे करी, ताकी गैर-यहूदीनके बहे आशिष मिलए, जौनको प्रतिज्ञा परमेश्वर अब्राहामके सँग येशू ख्रीष्टके द्वारा करी रहए, और ख्रीष्टमे बिश्वासके द्वारा, हम परमेश्वरको आत्मा पामएं, जौनको परमेश्वर हमके देनके प्रतिज्ञा करी रहए।

गलातियों 5:5

मए अइसे कहे सकत हओं, काहेकी हमके पबित्र आत्माके घेनसे पुरा आसरा हए, कि परमेश्वर हमके धर्मीके रुपमे स्वीकार करैगो, काहेकी हम ख्रीष्टमे भरोसा करत हएं।

इफिसियों 2:18

ख्रीष्टके कारण, हम सब एकए पबित्र आत्माके द्वारा दौवाके ठिन आएसकत हएं।

2 थेसलोनिकी 2:13

हे मेरे बिश्वासी ददाभइयओ, हमके लगातार परमेश्वरके धन्यबाद देन पणो काहेकी परमेश्वर तुमके प्रेम करत हए। काहेकी परमेश्वर संसारको सृष्टिसे पहिले तुमके चुनलै, ताकी तुमके बचाए पाबए। बा पबित्र आत्माके कामके द्वारा जो तुमके पबित्र बनातहए और तुमर द्वारा येशू ख्रीष्टके बारेमे सच्चो सन्देशमे बिश्वास करनके द्वारा उद्धार करैगो।

1 पतरस 1:2

दौवा परमेश्वर पहिलीए तुमके अपनो आदमी होनके और पबित्र आत्माको कामसे बिनके पबित्र बनानके ताहीं छाननके फैसला करी रहए। बा अइसो करी ताकी तुम येशू ख्रीष्टको आज्ञापालन करओ और बाको खुनसे शुद्ध हुइ पाबओ। ताकी चुनेभए बारेनके अनुग्रह और शान्ति प्रशस्त होत जाबए।