1 पतरस 3:20 - राना थारु नयाँ नियम

²⁰ जे बो आत्मा रहएं, जौन बहुत समय पहिले परमेश्वरको आज्ञापालन नाए करीं। जब नोआ अपनो जहाज बनात रहए, तओ आदमी पाप करन छोडके परमेश्वर घेन घुमंगे कि कहिके परमेश्वर धैर्यतासे रुको रहए। पर आठ जनै इकल्ले बो डर लागन बारो बहाडसे बचाएगए।

परमेस्वर को सच्चो वचन

²⁰ जे बे लोगन की आत्मा रहैं जो परमेस्वर की आग्यन कै मन से यकीन नाय करीं रहैं। जब बौ बे दिनन धीरज से असियात रहैं जब नूह अपने जहाज कै बनात रहै। जहाज मैं कुछ लोग, सबै मैं आठ जनी, पानी से बच गै रहैं,

1 पतरस 3:20 Cross References

मत्ती 7:14

काहेकी पतरो हए फाटक, और अग्ठी हए बो डगर, जौन अनन्त जीबनमे पुगात हए, और थोरीए आदमी बोके पातहएं।”

लूका 12:32

“तुम भेंणनके छोटो बगाल हानी हओ, जहेमारे कोइ फिर बातके बारेमे मतडराबओ, काहेकी तुमके राज्य देनके ताहीं, तुमर स्वर्गमे होन बारो दौवा खुसी हए।

प्रेरित 2:41

जो कुछ पत्रुस कही, और जौन बोके बातमे बिश्वास करीं बे सब बप्तिस्मा लैं। बो दिन बिश्वासीन्को बो समुहसे लगभग तीन हजार आदमी बढिगए।

रोमियों 9:22

परमेश्वरके अधिकार हए, कि जौन आदमीनके बा बनाइ हए उनके अपनी इच्छाके अनुसार जैसे चाँहत हए, कर सकत हए। परमेश्वर अपनो गुस्सा दिखान चाँहत रहए और हरकोइके बिरुद्ध अपनी शक्ति प्रकट करन चाँहत रहए जो नष्ट होनको लाएक हएं। बल्कि, बा धैर्यसे बिनके सही।

इफिसियों 5:26

ख्रीष्ट मण्डलीनके पबित्र बनानके ताहीं अपनो बचनसे और बप्तिस्माको पानीसे धोएके शुद्ध बनाइ।

हिब्रू 11:7

बिश्वाससे नोआ नाउँ करोभओ आदमी कभीनाए देख भओ बहियाके बारेमे परमेश्वरसे चेतावनी पाएके बाको बडो आदरके साथ आज्ञापालन करके अपनो परिवारके बचान बारो पानीजहाज बनाइ। और नोआ बिश्वाससे पहिले, और संसारके बिश्वास नाए करन बारे आदमी दोषी ठहिरे और बिश्वाससे परमेश्वर नोआके धर्मी घोषित करी।

1 पतरस 1:22

काहेकी तुम सत्य पालन करके शुद्ध भए हओ, अब तुमके निष्कपट रुपसे अपनो बिश्वासी ददाभइयनके प्रेम करन पणत हए। एकदुस्रेके निष्कपटता साथ और पुरा हृदयसे प्रेम करतए रहाओ।

1 पतरस 1:9

काहेकी परमेश्वर तुमर आत्माके पुरा रुपमे पापको सजायसे बचाइ हए। जा येशू ख्रीष्टमे तुमर बिश्वासको इनाम हए।

1 पतरस 2:25

पहिले, तुम बराने भए भेंणा कता रहओ। पर अब तुम अपनो प्राणनको और मण्डलीके रेखदेख करन बारे अगुवा और ख्रीष्टके ठिन घुमके आए हओ।

1 पतरस 3:19

तओ बाको आत्मा गओ और परमेश्वरद्वारा जेलमे पणेभए आत्मनके अच्छो समाचार परचार करी, जहाँ मरे आदमीनको आत्मा हएं।

1 पतरस 4:19

जहेमारे परमेश्वरको इच्छा अनुसार जब कोइ दुख भोगत हए, और जीबन देन बारो परमेश्वरमे भरोसा करे रहात हए। तओ बोके ताहीं परमेश्वर हरदम अपन प्रतिज्ञा करोभओ बात पुरा करत हए। तभीमारे तुम अच्छो काम करतए रहाओ।

2 पतरस 2:5

तुमके जा फिर पता हए, कि जब बहुत समय पहिलेके आदमी परमेश्वरको डर नाए मानी, बा बिनको करोभओ दुष्ट कामके बेवास्ता नाए करी। बरु बा बिनके दण्ड देनके ताहीं पुरा संसार डुबानके ताहीं बहाड पठाइ, ताकी बे सब नष्ट होएं। पर बा धार्मिकता परचार करन बारो नोआ और औ सात आदमीनके बचाइ।

2 पतरस 3:15

हमर प्रभुके धैर्य होनको कारण जानओ, काहेकी बा आदमीनके पक्षताप करनको समय देन चाँहत हए, ताकी बा उनके बचाए पाबए। जब हम प्रेम करन बारो, हमर सँगी बिश्वासी पावलके परमेश्वर जो बुद्धि दइ हए, बहे बुद्धिके इस्तमाल करके तुमके जो चिट्ठी लिखी रहए, बो फिर जे बात कही जो मए तुमके कहो रहओं।