1 पतरस 3:13 - राना थारु नयाँ नियम

¹³ अगर तुम रोजए अच्छो काम करनके ताहीं कोसिस करैगे कहेसे, तओ नेहात्तओ कोइ फिर तुमके चोट नाए पुगाए पाबैगो।

परमेस्वर को सच्चो वचन

¹³ अगर तुम जो अच्छो है बाकै करन के ताहीं हुस्कान मैं तुमकै कौन नुकसान पहोंचाबैगो?

1 पतरस 3:13 Cross References

रोमियों 13:3

काहेकी अगर कोइ अच्छो काम करत हए तओ बोके सासकनसे डरानके जरुरत नाए हए। पर अगर बे खराब काम करत हएं तओ बोके डरानके चाहो। अगर तुम शासन करन बारे अधिकारीनसे डरान नाए चाँहत हओ कहेसे अच्छो काम करओ और बे तुमके सम्मान देमंगे।

रोमियों 8:28

और हम जानत हएं, कि जो आदमी परमेश्वरसे प्रेम करत हए, परमेश्वर उनके ताहीं सब चिजनके एक अच्छी अन्तमे लात हए; अर्थात् बिनके ताहीं जौनन्के बो चुनी हए।

1 कोरिन्थी 14:1

एक-दुस्रेसे प्रेम करन कोसिस करओ, और आत्मिक बरदानन्के फिर उत्सुकताके साथ इच्छा करओ। खास करके जा, कि भबिष्यबाणी मस्कनको बरदानके ताहीं इच्छा करओ।

इफिसियों 5:1

तुम परमेश्वरके प्यारे बच्चा हओ, जहेमारे तुमर ब्यबहार बाके स्वभाबके अनुसार होबए।

1 थेसलोनिकी 5:15

जा याद करओ, कि कोइसे फिर खराबको बदला खराब नाए करए; बल्कि तुमके हमेसा एकदुस्रेके ताहीं और सबके ताहीं भलो काम करनके कोसिस करन पणो।

1 तिमोथी 5:10

और अन्य आदमीके जे बातके पहिचान करन चाहो, कि बो हमेसा अच्छे काम करीहए। उदाहरणके ताहीं, बो अपने बालकनके अच्छेसे पालन पोषण करी, बो यात्रा करन बारे बिश्वासीनके अपने घरमे स्वागत करी, बो दुस्रे बिश्वासीनको सेवा अइसे करके करी, जैसेकी बो एक नोकरानी हानी हए। और बो बेहीं आदमीनको मदत करी, जो परेसानीसे हुइके जात रहएं। बो हर तरिकासे भलो काम करनके ताहीं अपनएके सौँपदइ होए।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

3 यूहन्ना 1:11

हे मेरो प्यारो सँगी, बे आदमीनको देखासेखी मत् कर, जो खराब काम करत हएं, पर बे आदमीके देखासेखी कर, जो भलो काम करत हएं। अगर कोइ भलो काम करत हए, तओ जा दिखात हए, कि बो परमेश्वरको सन्तान हए। अगर कोइ खराब काम करत हए, तओ जा दिखात हए, कि बो परमेश्वरके नाए जानत हए।