1 पतरस 2:4 - राना थारु नयाँ नियम

^4-5 प्रभु येशूके जिन्दा पत्थरसे तुलना करोगओ हए। बो पत्थर आदमीनके द्वारा फेंकोगओ रहए, काहेकी बे कहीं, कि जा बिना कामको हए। पर परमेश्वरको नजरमे बा एकदम अनमोल हए और परमेश्वर बाके जगको मूल पत्थर होनके चुनी। और तुम सँगी बिश्वासी फिर प्रभु येशू ठिन आओ, ताकी तुम फिर बाके द्वारा बनाए भए जिन्दा पत्थर जैसो बन पाबओ, जौन परमेश्वरके ताहीं आराधना करन बारो मन्दिर बनानके ताहीं प्रयोग करोजात हए। बा तुमके पबित्र पुजारी फिर बनाइ। जैसे पुजारी परमेश्वरके बलि चढात हएं, उइसीयए तुम फिर अपनो हृदयके बलिके रुपमे परमेश्वरके अर्पण करओ। और बो भेँटी परमेश्वरके खुसी बनाबैगो काहेकी तुम येशू ख्रीष्टके हओ।

परमेस्वर को सच्चो वचन

⁴ प्रभु के झोने आबौ, बौ जिंदो पथरा जोकै लोगन के जरिया बेकार समझकै ठुकराओ दौ गौ, लेकिन परमेस्वर बाकै कीमती समझकै चुनी।

1 पतरस 2:4 Cross References

मत्ती 11:28

“हे सब थके भए और बोझसे दबेभए, मिर ठिन आओ, मए तुमके बिश्राम देमंगो।

मत्ती 12:18

“मिर सेवक जौनके मए चुनो हओं, मिर प्रिय जौनसे मए प्रसन्न हओं, मए अप्नो आत्मा बोमे डारंगो, और बा जाति-जातिके आदमीके न्यायको परचार करैगो।

मत्ती 21:42

येशू बिनसे कही, “का तुम कभी पबित्र-शास्त्रमे लिखो भओ बचन नाए पढे हओ? ‘जौन पत्थरके घर निर्माण करन बारे रद्द करीं, बहे कुनैठोको मुण-पत्थर बनो, जा परमप्रभुसे भओ हए, और हमरे नजरमे जा अचम्मकी बात हए।’

यूहन्ना 14:19

जल्दीयए संसार मोके फिरसे नाए देखपएहए, पर तुम मोके देखैगे काहेकी मए फिरसे जिन्दा हुइ जामंगो। और जहेमारे तुम फिर जिन्दा रहाबैगे।

यूहन्ना 14:6

येशू बिनके जबाफ दइके कही, “मए बो डगर और सच्चाई हओं, जो जीबन देतहए। मोए बिना कोइ फिर दौवाके ठिन नाए आए पएहए।

यूहन्ना 5:26

काहेकी जौन रितिसे दौवा अपने आपमे जीबनको स्रोत हए, उइसी रितिसे बो लौंणाके फिर जीबनको स्रोत बनाइ हए।

यूहन्ना 5:40

तहुँफिर तुम कभी फिर अन्त नाए होन बारो जीबन पानके ताहीं मिर ठिन आनके नाए चाँहत हओ।”

यूहन्ना 6:37

जौन-जौनके दौवा मोके दइहए, बे मिर ठिन आमंगे। और जौन-जौन मिर ठिन आमंगे मए उनके कभु नाए छोडंगो

यूहन्ना 6:57

जैसी जीवित दौवा परमेश्वर, मोके पठाइ हए और मए दौवा परमेश्वरके कारणसे जिइतहओं। उइसी करके मोके खान बारो फिर मेरी कारणसे जिइबैगो।

रोमियों 5:10

काहेकी जब हम परमेश्वरके दुश्मन रहएं तओ बाको लौंणाको मृत्युके द्वारा बा हमरे सँग मेलमिलाप करी, जहेमारे हम नेहात्तओ जा जान सकत हएं, कि अब जबकी हमर बाके सँग मेलमिलाप हए, तओ बा हमके बचाबैगो। काहेकी ख्रीष्ट जिन्दा हए।

1 कोरिन्थी 3:11

कोइ फिर तुमके बचाए जानको कोइ नयाँ तरिका नाए सिखाबए। बचाए जानको सिर्फ एकए तरिका हए। और बो तरिका मए तुमके पहिलीयए बताए डारो हओं; परमेश्वर हमके येशू ख्रीष्टके द्वारा बचात हए।

कलस्सी 3:4

जब ख्रीष्ट, जो तुमके नयाँ जीबन देत हए, जब बा जा पृथ्वीमे लौटके आबैगो, तओ तुम फिर बाके सँग दिखाइ देबैगे, और तुम बाके महिमामे सहभागी होबैगे।

1 पतरस 1:19

पर ख्रीष्टको बहुमोल खुनसे किनेगए हओ, जो निर्दोष और निष्खोट भेंणा कता रहए।

1 पतरस 1:7

जे समस्यान्को उदेश्य जा दिखानके ताहीं हए, कि तुम नेहात्तओ परमेश्वरमे भरोसा करत हओ। तुमर येशू ख्रीष्टमे बिश्वास सोनोसे जद्धा महिंगो हए। जैसे नाश होन बारो सोनो आगीसे जाँचो जातहए और शुद्ध बनाओ जातहए। अगर तुमर बिश्वास आगी कता परीक्षासे जँचके फिर मजबुत रहाबैगो कहेसे येशू ख्रीष्ट लौटके आन बारो दिनमे तुमके बहुत प्रसंसा, महिमा और सम्मान लाबैगो।

1 पतरस 2:7

तुम येशू ख्रीष्टमे बिश्वास करन बारेनके ताहीं जा पत्थर बहुत मुल्यवान हए, पर बामे बिश्वास नाए करन बारे आदमीनके बारेमे पबित्र-शास्त्र कहात हए कि, “जौन पत्थरके घर निर्माण करन बारे प्रयोग करनके इन्कार करीं बहे पत्थर घर बनात पेती बहुमुल्य पत्थर बनो हए।”

2 पतरस 1:1

मए सिमोन पत्रुस, तुमर ताहीं जा चिट्ठी लिखनडटो हओं, मए येशू ख्रीष्टको सेवक और चुनो भओ चेला हओं। मए तुम सबके लिखनडटो हओं, जौन हम सबके समान अनमोल बिश्वास प्राप्त करीहए। जा बिश्वास हमर परमेश्वर और मुक्तिदाता येशू ख्रीष्टद्वारा हमके दओगओ हए, जौन हमके परमेश्वर द्वारा धर्मी बनातहए।

2 पतरस 1:4

और बाको महिमा और भलाइके कारण बा हमके बहुत बडो और अनमोल प्रतिज्ञा दइ हए। जे बरदान इस्तमाल करके हम जा संसारको खराब इच्छनसे बचपामंगे, जौन आदमीनके नष्ट करत हए और ईश्वरीय स्वभाबमे हम सहभागी होन सिकत हएं।