1 पतरस 2:23 - राना थारु नयाँ नियम

²³ जब आदमी येशूके अपमान करीं, तओ बा उनको अपमान नाए करी। जब आदमी बाके कष्ट दइं, बा बदलामे उनके चोट पुगानके कोसिस कभीनाए करी। बरु, बा मदतके ताहीं परमेश्वरमे भरोसा करी। बाके पता रहए, कि परमेश्वर हर बखत आदमीनको न्याय ठिक रितिसे करत हए।

परमेस्वर को सच्चो वचन

²³ जब बाको अपमान करो गौ, तौ बौ अपमान के संग बापस जबाब नाय दई; जब बौ दुखी भौ, तौ बौ धमकी नाय दई, लेकिन बाके आसन कै सई ढंग से फैसला करन बारे परमेस्वर मैं रखी।

1 पतरस 2:23 Cross References

लूका 23:41

और हम त न्याय अनुसार दण्ड पाए रहे हएं, जा हम अपन कामको ठिक फल पाए रहे हएं, पर जा आदमी त कोइ गलत काम नाए करीहए।”

लूका 23:46

बडो उँचो सोरसे चिल्लाएके येशू कही, “हे दौवा, मए मिर आत्मा तुमर हातमे सौँपत हओं।” इतकए कहिके बा अपनो प्राण त्याग दइ।

लूका 23:9

राजा हेरोद येशूसे बेढम बात पुँछत रहो, पर येशू बाके कुछु जबाफ नाए दइ।

प्रेरित 17:31

काहेकी संसारके सबए आदमीनको न्याय करन बारो दिन बा तोक दइ हए और बो दिन बा अपनए छानो भओ व्यक्ति द्वारा न्यायसाथ इन्साफ करैगो। आदमीको लौंणाके न्याय करनके अधिकार हए कहान बारो प्रमाण सबए आदमीनके देओ कहिके परमेश्वर येशूके मरो मैसे जिन्दा करी।”

प्रेरित 4:29

अब हे प्रभु बिनको धम्कीके सुनओ और तुमर सन्देशके सहाससे परचार करन अपने सेवकनके शक्ति देओ।

प्रेरित 7:59

जैसी बे स्तिफनसके पत्थर मारत रहएं, बो प्राथना करी, “हे प्रभु येशू, मिर आत्माके ग्रहण करओ।”

प्रेरित 9:1

शाऊल, प्रभु येशूके चेलनके मारनके धमकी देत नेँगत रहए। बो प्रधान यहूदी पुजारीके ठिन गओ।

रोमियों 2:5

पर तुम जिद्दी हओ और पाप बन्द करनसे इन्कार करत हओ। बो दिन जब परमेश्वर अपनो क्रोध दिखाबैगो, जोमे परमेश्वरको सच्चो दण्ड प्रकट होबैगो। जब परमेश्वर न्याय करैगो तओ, बा तुमके और जद्धा कष्ट देबैगो।

इफिसियों 6:9

अइसियए हे मालिकओ, तुमके कामदारनके धम्कि नाए देन चाहो, बल्कि तुमके अपनो कामदारनके सँग उइसे ब्यबहार करनके चाहो, जैसे मए उनसे कहो हओं, कि बे तुमरसँग ब्यबहार करएं। काहेकी तुम जान्त हओ, कि उनको और तुमर दुनौको मालिक स्वर्गमे हए, और बा कोइको पक्षपात नाए करत हए।

2 थेसलोनिकी 1:5

और परमेश्वर जा सतावटके प्रयोग अपनो न्यायके दिनके ताहीं, और तुमके अपने राज्यके लायक बनाके ताहीं करैगो, जौनके ताहीं तुम दुख उठाए रहेहओ।

2 तिमोथी 1:12

जहेमारेसे हए, कि मए आदमीनके ख्रीष्टके बारेमे जा सन्देशको परचार करत हओं, कि मए हियाँ जेलमे फिर दु:ख उठाए रहो हओं, पर सर्मात नाए हओं। काहेकी मए ख्रीष्टके जानत हओं, जोके उपर मए भरोसा करो हओं। और मोके पक्का बिश्वास हए, कि जब तक ख्रीष्ट दुबारा लौटके नाए आबैगो, तबतक परमेश्वर बो चीजके रक्षा करैगो, जो चीज बा आदमीनके दइ हए।

2 तिमोथी 4:8

अब, परमेश्वर स्वर्गमे मेरे ताहीं एक मुकुट धरेपणे हए, काहेकी मए अपनो जीबनमे बाके खुसी करन बारो जीबन जिइयो हओं। हमर प्रभु येशू ख्रीष्ट जो धार्मिकताको न्यायधीश हए, जब बा लौटके आबैगो मोके बा मुकुट देबैगो। जो मुकुट बा मोके देबैगो बो मेरे ताहीं इकल्लो नाए हुइहए, बल्कि सबके ताहीं जो बाको लौटनको आसरा कर रहे हएं।

हिब्रू 12:3

जहेमारे येशूको उदाहरणके बारेमे बिचार करओ, बाके घृणा करन बारे पापी आदमीनसे बा इतनो बिरोध कैसे सहिहुइहए, ताकी तुम थकके हरेस नाएखाबओ।

1 पतरस 3:9

खराबीको बदला खराबी, और अपमानको बदला अपमान नाए मत् करओ। बल्कि, बोको बदलामे आशिष देनके ताहीं परमेश्वर तुमके बुलाइ हए। अगर तुम अइसे करे कहेसे, परमेश्वर तुमके फिर आशिष देबैगो।

1 पतरस 4:19

जहेमारे परमेश्वरको इच्छा अनुसार जब कोइ दुख भोगत हए, और जीबन देन बारो परमेश्वरमे भरोसा करे रहात हए। तओ बोके ताहीं परमेश्वर हरदम अपन प्रतिज्ञा करोभओ बात पुरा करत हए। तभीमारे तुम अच्छो काम करतए रहाओ।

प्रकाश 19:11

तओ मए स्वर्ग खुलो देखो और हुवाँ एक सेतो घोडा रहए। बक उपर सवार होन बारो परमेश्वरको बिश्वासयोग्य और सच्चो सेवक कहोजात हए। परमेश्वरके दृष्टिमे सही भए अनुसार बा बाके दुश्मनको इन्साफ और युद्ध करैगो।