1 पतरस 1:7 - राना थारु नयाँ नियम

⁷ जे समस्यान्को उदेश्य जा दिखानके ताहीं हए, कि तुम नेहात्तओ परमेश्वरमे भरोसा करत हओ। तुमर येशू ख्रीष्टमे बिश्वास सोनोसे जद्धा महिंगो हए। जैसे नाश होन बारो सोनो आगीसे जाँचो जातहए और शुद्ध बनाओ जातहए। अगर तुमर बिश्वास आगी कता परीक्षासे जँचके फिर मजबुत रहाबैगो कहेसे येशू ख्रीष्ट लौटके आन बारो दिनमे तुमके बहुत प्रसंसा, महिमा और सम्मान लाबैगो।

परमेस्वर को सच्चो वचन

⁷ उनको उद्देस्य जौ साबित करनो है कि तुमरो बिस्वास असली है। हिंयाँ ले कि सोनो, जोकै नास करो जाए सकथै, आगी के जरिया परखो जाथै; और तभई तुमरो बिस्वास, जो सोने से भौत जद्धे कीमती है, जहो परिक्छड़ करो जानो चाहिए, ताकी जौ सहन हुई सकै। तौ तुमकै ईसु मसीह के दिखाई देन के दिन बड़ाँईं और महिमा और आदर मिलैगो।

1 पतरस 1:7 Cross References

मत्ती 19:28

येशू बिनसे कही, “नेहात्तओ, मए तुमसे कहात हओं, तुम जो मिर पिच्छु लागेहओ, नयाँ सृष्टिमे जब आदमीको लौंणा अपन महिमाके सिंहासनमे बैठैगो, तओ तुम बाह्र जानै फिर सिंहासनमे बैठैगे, और इस्राएल देशके बाह्र कुल उपर इन्साफ करैगे।

मत्ती 25:21

मालिक बोसे कही, ‘स्याबास! तए असल और बिश्वासयोग्य नोकर हए, तए थोरी धनमे बिश्वासयोग्य भओ, मए तोके बहुत चीजको जुम्मा देहओं। तए अप्नो मालिकको आनन्दमे सहभागी हो।’

मत्ती 25:23

बो मालिक बोसे कही, ‘स्याबास, असल और बिश्वासयोग्य नोकर, तए थोरी धनमे बिश्वासयोग्य भओ, अब मए तोके बहुत चीजको जुम्मा देहओं। तए अप्नो मालिकको आनन्दमे सहभागी हो।’

लूका 12:33

तुम सम्पति बेँचके दान देबओ। अपन ताहीं स्वर्गमे धन जमा करओ, जो कभी नाश नाएहोए। हुवाँ नए चुट्टा आत हएं और नए किरा लगत हएं।

लूका 17:30

मए, आदमीको लौंणा प्रकट होन दिनमे अइसियए हुइहए।

यूहन्ना 12:26

कोइ मिर सेवा करहए कहेसे बो मिर चेला बननके ताहीं मिर पिच्छु लागए, तओ जहाँ मए हओं हुवाँ मिर चेला फिर हुइहए। अगर कोइ मिर सेवा करहए कहेसे दौवा परमेश्वर बोके आदर करैगो।

यूहन्ना 5:44

पर तुम मिर उपर बिश्वास नाए करपए हओ, काहेकी तुम एकदुस्रेसे प्रसंसा चाँहत हओ, और तुम परमेश्वरसे प्रसंसा पानके कोसिस नाए करत हओ।”

प्रेरित 8:20

तओ पत्रुस कही, “तए और तेरे रुपैया नाश होएं, काहेकी तए परमेश्वरको बरदान रुपैयासे किनन्के बिचार करो।

रोमियों 2:10

पर महिमा, आदर और शान्ति हर आदमीके मिलैगो, जो असल काम करत हए। परमेश्वर पहिले यहूदी आदमीनके न्याय करैगो। तओ फिर उनके, जो ग्रीक देशके आदमी हएं।

रोमियों 2:29

एक सच्चो यहूदी बो हए जौनको हृदय परमेश्वरमे ठिक हए। मोशाको कानुन मानन इकल्लो सच्चो खतना नैयाँ, पर सच्चो खतनाको मतलब, परमेश्वरको आत्मासे हृदय बदल्नो हए। अइसे आदमी, आदमीनसे नाए बल्कि परमेश्वरसे प्रसंसा पात हएं।

रोमियों 2:7

जौन असल काममे स्थिर रहिके महिमा, आदर और अमरकी खोजिमे हए, उनके परमेश्वर कभी फिर नाश नाए होन बारो जीबन देबैगो;

रोमियों 8:19

सृष्टि बडो आसरा भरी दृष्टिसे परमेश्वरको सन्तान प्रकट होनको प्रतिक्षा कररहो हए।

1 कोरिन्थी 3:13

जब ख्रीष्ट फिरसे आबैगो तओ आगी हर आदमीको करोभओ कामके दिखाबैगो। आगी जहे दिखाबैगो, कि बो आदमीको कामको कोइ मोल हए या नाए हए।

1 कोरिन्थी 4:5

जहेमारे जब तक प्रभु नाए लौटए तबतक कोइको न्याय मत् करओ। परमेश्वर स्पष्टसे बे सब बिचारनके बताबैगो जो आदमीनको भितर हए, जौनके बारेमे कोइ नाए जानत हए। परमेश्वर उदेश्यन्के प्रकट करैगो जो उनको दिलमे हए।

याकूब 1:12

बे आदमी धन्यके हएं, जो परीक्षामे स्थिर रहात हएं, काहेकी बे इमान्दार साबित होत हएं, और बे कभी फिर अन्त नाए होन बारो जीबनको मुकुट पामंगे, जौनको प्रतिज्ञा परमेश्वर बे सबके दइहए, जो परमेश्वरसे प्रेम करत हएं।

1 पतरस 1:13

बहेमारे, तुम का करत हओ कहिके बारेमे अच्छेसे सोँचओ और अपनएके नियन्त्रण करओ। मुक्ति पानको आसरा करओ जौन अनुग्रहसे आत हए, जो तुमके येशू ख्रीष्टको जा संसारमे लौटके आन बारो दिनमे दओ जाबैगो।

1 पतरस 1:5

परमेश्वर अपनो बडो शक्ति द्वारा तुमके सुरक्षित रक्खैगो काहेकी तुम येशूमे बिश्वास करत हओ। बा तुमके अनन्त दिनतक सुरक्षित रक्खैगो, जब ख्रीष्ट लौटके आबैगो। तओ तुमके पता चलैगो, कि परमेश्वर तुमके पुरा रुपसे पाप और मृत्युसे बचाइ हए।

1 पतरस 2:4

प्रभु येशूके जिन्दा पत्थरसे तुलना करोगओ हए। बो पत्थर आदमीनके द्वारा फेंकोगओ रहए, काहेकी बे कहीं, कि जा बिना कामको हए। पर परमेश्वरको नजरमे बा एकदम अनमोल हए और परमेश्वर बाके जगको मूल पत्थर होनके चुनी। और तुम सँगी बिश्वासी फिर प्रभु येशू ठिन आओ, ताकी तुम फिर बाके द्वारा बनाए भए जिन्दा पत्थर जैसो बन पाबओ, जौन परमेश्वरके ताहीं आराधना करन बारो मन्दिर बनानके ताहीं प्रयोग करोजात हए। बा तुमके पबित्र पुजारी फिर बनाइ। जैसे पुजारी परमेश्वरके बलि चढात हएं, उइसीयए तुम फिर अपनो हृदयके बलिके रुपमे परमेश्वरके अर्पण करओ। और बो भेँटी परमेश्वरके खुसी बनाबैगो काहेकी तुम येशू ख्रीष्टके हओ।

1 पतरस 2:7

तुम येशू ख्रीष्टमे बिश्वास करन बारेनके ताहीं जा पत्थर बहुत मुल्यवान हए, पर बामे बिश्वास नाए करन बारे आदमीनके बारेमे पबित्र-शास्त्र कहात हए कि, “जौन पत्थरके घर निर्माण करन बारे प्रयोग करनके इन्कार करीं बहे पत्थर घर बनात पेती बहुमुल्य पत्थर बनो हए।”

1 पतरस 4:12

प्रिय हो, तुम जो भोग रहेहओ बो दुख लगान बारो बातमे अचम्मो मत् मानओ, काहेकी तुम ख्रीष्टके हओ। पार जे बात जा दिखानके ताहीं हुइ रहो हए, कि तुम सचमे परमेश्वरमे बिश्वास करत हओ या नाए करत हओ। बहेमारे, जा मत् सोँचओ, कि तुमर सँग कुछ अचम्मो हुइ रहो हए।

1 पतरस 4:13

जाके बारेमे खुसी होबओ, काहेकी तुम ख्रीष्टको भोगो भओ कष्टमे सहभागी भए हओ। बहेमारे जब ख्रीष्ट सबए आदमीनके अपनो महिमा प्रकट करनके फिरसे आबैगो, तओ नेहात्तओ तुमर आनन्द बहुत होबैगो।

1 पतरस 5:1

मए हुवाँके मण्डलीके अगुवनके फिर कुछु कहान चाँहत हओं। काहेकी मए फिर तुमर कता एक अगुवा हओं। मए अपनए ख्रीष्टके मिलो भओ दुखके बहुत समय अग्गु देखो हओं। जब बा फिरसे लौटके आबैगो, मए फिर बाके महिमामे साझेदार होमंगो। अब मए तुमके आग्रह करत हओं,

2 पतरस 1:1

मए सिमोन पत्रुस, तुमर ताहीं जा चिट्ठी लिखनडटो हओं, मए येशू ख्रीष्टको सेवक और चुनो भओ चेला हओं। मए तुम सबके लिखनडटो हओं, जौन हम सबके समान अनमोल बिश्वास प्राप्त करीहए। जा बिश्वास हमर परमेश्वर और मुक्तिदाता येशू ख्रीष्टद्वारा हमके दओगओ हए, जौन हमके परमेश्वर द्वारा धर्मी बनातहए।

2 पतरस 1:4

और बाको महिमा और भलाइके कारण बा हमके बहुत बडो और अनमोल प्रतिज्ञा दइ हए। जे बरदान इस्तमाल करके हम जा संसारको खराब इच्छनसे बचपामंगे, जौन आदमीनके नष्ट करत हए और ईश्वरीय स्वभाबमे हम सहभागी होन सिकत हएं।

2 पतरस 3:14

जहेमारे प्रिय हो, परमेश्वर संसारको न्याय करन बारो दिनको तुम प्रतिक्षा करत पेती तुम पबित्र और खोट नाए भओ होन और बाके सँग शान्तिमे बैठनके सबसे अच्छो कम करन पणत हए।

यहूदा 1:24

परमेश्वर तुमके बचान सिकैगो, ताकी तुम पापमे जीबन जीइनके ताहीं धोखामे नाए पणओ। बा महिमित परमेश्वर तुमके निष्कलङक और आनन्दसे भरो भओ बनानके तुमके अपने ठिन फिर्ता करलेबैगो।

प्रकाश 1:7

सुनओ, बा बादरके सँग आन बारो हए, हर एक आदमी बाके देखंगे, हियाँतककी जब येशू क्रूसमे चढाओगओ रहए तओ बाके पसुरीमे भाला मारी रहए, बो फिर देखैगो। और जब बे बाके देखंगे तओ पृथ्वीके सब आदमी उँची अबाजमे रोमंगे। अइसियए होबए। आमेन।

प्रकाश 2:10

बे दुखसे मत् डराए जो तोके मिलंगी। शैतान तुम मैसे कुछ आदमीनके पकणबाबैगो और तुमके जेलमे डार देबैगो, ताकी बे तुमर जाँच कर्पामएं। तुम दश दिनतक बहुत कष्टको महसुस करैगे। पर मोएमे बिश्वास करन कभु मत् छुणियओ, चहुँ तुमके मरनके पणए। काहेकी तुमके तुमर जितको पुरुस्कारके रुपमे कभी नाश नाए होन बारो जीबन देमंगो।

प्रकाश 3:10

तए मेरे सन्देशके पालन करो ताकी जब तए दुख उठाबए तओ बोके धैर्य साथ सहिपाबए। जहेमारे, मए तोके बडी परीक्षाके समयमे रक्षा करंगो। परीक्षाको जा समय संसारके सब आदमीनमे आबैगो।

प्रकाश 3:18

तभीमारे, मए तोके सल्लाहा देहओं, कि आगीसे शुद्ध भओ सोनो मोसे खरिद, ताकी तए नेहात्तओ धनी बनपाबए। तोके अपनए लगान ताहीं सेतो लत्ता फिर किनन पणैगो, जौनके कारण तेरे सँग लता होबए और तए सरममे नाए पडए। और तोके तेरे आँखीमे लगानके ताहीं कुछ मलम फिर किनन पणैगो, ताकी तए देख पाबए।