1 कोरिन्थी 9:24 - राना थारु नयाँ नियम

²⁴ उइसीयए हमके बे सब कुछ करन चाहो जोमे हम परमेश्वरके खुसी कर सकत हएं। ताकी हम बो इनाम पाए सकएं, जो परमेश्वर भबिष्यमे देबैगो।

परमेस्वर को सच्चो वचन

²⁴ का तुम नाय जानथौ, की दौड़ मैं दौड़त सबै हैं, लेकिन इनाम एकै लै जाथै। तुम बैसिये करकै दौड़ौ, की जीत जाबौ।

1 कोरिन्थी 9:24 Cross References

रोमियों 6:16

तुम जानत हओ, कि जब तुम कोइके कमैया हओ कहेसे बो आदमी तुमर मालिक हुइजात हए और तुमके बहे करन चाहो जो बो कहात हए। तुम पापके दास हुइ सकत हओ, जो मृत्यु घेन लैजात हए, याफिर तुम परमेश्वरको आज्ञापालन करसकत हओ, जो धार्मिक जीबन घेन लैजात हए।

1 कोरिन्थी 9:13

का तुम नाए जानत हओ, कि मन्दिरमे काम करन बारे आदमीनके मन्दिरसे अपनो खानु मिलत हए? हाँ, जो आदमी बेदीमे बलि देत हएं, उनके बहे बलि करो भओ मैसे हिस्स मिलत हए।

1 कोरिन्थी 9:23

और मए सब कुछ ख्रीष्टके बारेमे अच्छो समाचारके परचार करनके ताहीं करत हओं, ताकी मोके अच्छो समाचारमे प्रतिज्ञा करेगए आशिषको हिस्सा दओजाए सकए।

1 कोरिन्थी 9:26

जहेमारे मए ख्रीष्टियन जीबन एक खास उदेश्यके साथ जीइत हओं। जैसे एक मुक्का मारन बारो, दुस्रेके शरीरमे व्यर्थमे नाए मारत हए पर अपने बिरोधीके शरीरमे मारत हए। उइसीयए मए अपनो ख्रीष्टियन जीबन एक खास उदेश्यके साथ जीइत हओं।

गलातियों 2:2

और मए हुवाँ गओ, काहेकी परमेश्वर मोके जानके कही रहए। और जब मए हुवाँ रहओं, तओ मए अगुवनसे व्यक्तिगत रुपसे मिलो, और गैर-यहूदीनके अच्छो समाचारके बारेमे बताओ, ताकी अइसो नाए होए, कि जो मए करत रहओं या जो मए करतए आएरहो हओं, बोको कुछ परिमाण नाए निकरए।

गलातियों 5:7

तुम ख्रीष्टके सँग अपने सम्बन्धमे बहुत अच्छेसे उन्नति करत रहओ, अब कौन तुमके रोकदइ, कि सच्चाईके मत् मानओ।

फिलिप्पी 2:16

और तुम जीबनको अच्छो समाचारके मजबुतसे पकणे रहाबओ। अइसो करे कहेसे जब ख्रीष्ट फिरसे आबैगो, तओ मिर दौड और मेहेनत बेकामको नाए गओ हए कहिके मए घमण्ड कर पामंगो।

फिलिप्पी 3:12

मए जा ठोकुवा नाए करत हओं, कि मए जे सब चीजके पहिलीयए पाएडारो हओं, मए कोसिस करके अग्गु बढतए जाएरहो हओं, कि मोके बो चीज मिलजाए, जौनके ताहीं येशू ख्रीष्ट मोके पहिलीयए चुनडारी हए।

फिलिप्पी 3:14

लक्ष्य घेन दौरत जात हओं, ताकी बो इनाम पामओं। जाको इनाम जा हए, कि परमेश्वर मोके स्वर्गमे बुलानडटो हए काहेकी येशू ख्रीष्ट मेरे ताहीं मरो।

कलस्सी 2:18

ख्रीष्ट शरीरको मुण हए, ख्रीष्टके माध्यमसे शरीरके सब अंग जुडे होत हएं और अंगके रेखदेख करत होतहए। जहेमारे जा परमेश्वर इच्छा अनुसार बणत हए, अपनएके अपमान करके और स्वर्गदूतनके आराधना करके कोइके अयोग्य बनान मतदेओ। अइसे आदमी दर्शनमे प्रबेश करत हएं, जौन उनको मानब सोँचके कारण मुरख घमण्डसे भरजात हएं। बे ख्रीष्टमे नाए रहिपात हएं।

हिब्रू 12:1

हमर आसपिस अइसे बहुत आदमी हएं, जौनको जीबन हमके बिश्वासको अर्थ बतात हए। बहेमारे हमर डगरमे आन बारे बाधा और हमके फसान बारो पापके हम हटामएं और हमर दौडके धैर्यसाथ दौरएं।

याकूब 1:12

बे आदमी धन्यके हएं, जो परीक्षामे स्थिर रहात हएं, काहेकी बे इमान्दार साबित होत हएं, और बे कभी फिर अन्त नाए होन बारो जीबनको मुकुट पामंगे, जौनको प्रतिज्ञा परमेश्वर बे सबके दइहए, जो परमेश्वरसे प्रेम करत हएं।

प्रकाश 3:11

मए जल्दी आएरहो हओं। बहेमारे तोके मोएमे मजबुत हुइके बिश्वास करे रहान पणैगो, ताकी कोइ तेरो जितको इनामके पानेसे रोकनाए पाबए, जो एक मुकुट कता हए।