1 कोरिन्थी 9:18 - राना थारु नयाँ नियम

¹⁸ तओ फिर मिर कौनछो इनाम हए? जा, कि अच्छो समाचार परचार करनमे मए ख्रीष्टको अच्छो समाचार सेँतए-मेँत करदेओं; हियाँतककी अच्छो समाचारमे जो मिर अधिकार हए, बोके मए पुरो रितिसे काममे लाओं।

परमेस्वर को सच्चो वचन

¹⁸ तौ फिर मेरी कौन सी दिहाड़ी? जौ की सुसमाचार सुनान मैं, मैं मसीह को सुसमाचार सेंत मेंत कर देओं; हिंयाँ ले की सुसमाचार मैं जो मेरो अधिकार है, बाकै मैं पूरी तरहन से काम मैं लामौं।

1 कोरिन्थी 9:18 Cross References

यूहन्ना 4:36

और पहिलीयएसे काटन बारो काम कर रहे हएं, और बोको मतलब जा हए, कि बे बो आदमीनके जमा करनडटे हएं, जौन कभी फिर नाश नाए होन बारो जीबन पामंगे, ताकी जमा करन बारे आदमी और जमा भए आदमी दुनौ जनै मिलके आनन्द मनाए पामएं।

प्रेरित 18:3

पावल और अकिलासको एकए व्यपार रहए। जहेमारे पावल उनके सँग रहो और काम करी, काहेकी बो फिर उनही कता किरपाल बनान बारो काम करके जीबन चलात रहए।

रोमियों 14:15

अगर तुमर भोजनको कारण तुमर बिश्वासी भइया अब परमेश्वरको आज्ञापालन नाए करत हए कहेसे बो भोजनके मत् खाओ, काहेकी बो प्रेममे नाए चलो होत हए। ख्रीष्ट बो सँगी बिश्वासीके ताहीं फिर मरोगओ रहए।

1 कोरिन्थी 10:33

मिर देखासेखी करओ। मए जो कुछ फिर करत हओं, बे सबके खुसी करनके कोसिस करत हओं। काहेकी मए अपने भलाइके बारेमे नाए सोँचत हओं, बल्कि सब आदमीनको भलाइके बारेमे सोँचत हओं। ताकी उनके अपने पापनको न्यायसे बचाए जाए सकएं।

1 कोरिन्थी 3:8

जो पेण लगात हए बोको मोल और जो छिँचत हए बोको मोल बिरकुल एकए कता हए, और जे दुनौ जो करी हएं, बोको अनुसार इन्के परमेश्वरके घेनसे इनाम मिलैगो।

1 कोरिन्थी 7:31

और जा संसारमे जो कुछ फिर हमरे ठिन हएं, हमएं बोके बहुत मोल बारो नाए सम्झन चाहो, काहेकी जा संसारमे सब कुछ खतम हुइ जामंगे।

1 कोरिन्थी 8:9

पर होसियार होबओ, अइसो नाए होए, कि तुमर जा स्वतन्त्रता कहुँ कमजोर बिश्वास बारेनके ताहीं बिश्वासके छोडनको कारण नाए बनए।

1 कोरिन्थी 9:12

काहेकी तुम अन्य आदमीनके आर्थिक मदत करे जौन तुमर बीच परचार करी, नेहात्तओ बारनाबास और मए जाको औ फिर जद्धा लायक हएं। काहेकी हम तुमर ताहीं चुनेभए चेला रहएं। हबएतक, हम मैसे कोइ फिर जा बातमे जोर नाए दओ, कि तुम हमके बे चीजके देओ जो हमके तुमसे चाहो रहए। पर जा छोडके, हम कुछ फिर सहनके ताहीं तयार रहएं, ताकी हम ख्रीष्टके बारेमे अच्छो समाचारमे बिश्वास करनसे कोइके फिर बाधा नाए डारएं।

1 कोरिन्थी 9:15

लेकिन मए इन मैसे एकफिर अधिकार इस्तमाल नाए करो। मए जा चिट्ठी जाकेमारे नाए लिखरहो हओं, कि तुम अब मेरे ताहीं कुछ करओ। नाए! बिरकुल नाए! मेरे ताहीं मरनो अच्छो हुइहए! काहेकी कोइ फिर मोके जा बातको घमण्ड करनसे नाए रोक सकत हए, कि मए अपनो खयाल अपनए रक्खत हओं।

1 कोरिन्थी 9:17

मए जा अच्छो समाचार परचार करंगो कहेसे मोके इनाम मिलैगो। पर अगर जामे मिर कोइ इच्छा नाए हए, लेकिन अगर परमेश्वर मोके जा जिम्मेदारी दइ हए, तओ मए इनामको का आसरा कर सकत हओं? मए कोइ फिर इनामको आसरा नाए कर सकत हओं।

2 कोरिन्थी 4:5

काहेकी हम अपनो परचार नाए करत हएं, पर “येशू ख्रीष्टए प्रभु हए” कहान बारो बात परचार करत हएं, और हम येशूके खातिर तुमर कमैया हएं।

1 थेसलोनिकी 2:6

और हम ख्रीष्टसे चुनेभए चेला होनके कारण तुमसे मदत पानो हमर अधिकार रहए, तओ फिर हम आदमीनसे आदर नाए चाँहत हएं, और नए तुमसे, नए औ कोइसे।