1 कोरिन्थी 16:6 - राना थारु नयाँ नियम

⁶ हुइ सकत हए, कि मए तुमर सँग लम्बो समय तक रहाओं या शायद पुरी ठण्डीके मौसम तक, और फिर जहाँ मए जामंगो, तुम मोके मदत करन सकत हओ।

परमेस्वर को सच्चो वचन

⁶ हुई सकथै कि तुमरे हींना रुक जामौं और सर्दी को मौसम तुमरे हिंयाँ गुजारौं, तौ जितै मोकै जाने होबै, उतै तुम मोकै पनार सकौ।

1 कोरिन्थी 16:6 Cross References

प्रेरित 15:3

मण्डलीके बिश्वासी ददाभइया और दिदिबहिनिया बिनके यात्रामे जानके ताहीं रुपैया और भोजन उपलब्ध करीं। और बे फोनिके और सामरिया परदेश होतए गैर-यहूदीनके अच्छो समाचार सुनात, कैसे ख्रीष्टमे बिश्वासी बनरहेहएं कहिके सुनातए गए, और सब बिश्वासी बहुत आनन्दित भए।

प्रेरित 17:15

पावलके पुगान जान बारे ददाभइया बोके सँग एथेन्स सहर तक गए। हुवाँ पुगके पावल अपनएके पुगान बारे ददाभइयनके, सिलास और तिमोथी जल्दी आमएं कहिके खबर पठाइ।

प्रेरित 20:38

बिनसे पावल कही, कि मोके दुबरा नाए देखैगे, बे भइया जा बातमे बहुत शोक करीं। और बे बोके पानीजहाजके ठिन पुगएदइं।

प्रेरित 21:5

हुवाँ पर हम, सात दिनके पिच्छु नेँगनको बेरा भओ, तओ हम बिदा हुइके अपन यात्रामे निकरे। अपन जहाज और बालबच्चा समेत बे जम्मए हमके सहर बाहिर तक पुगान आए। तओ हम समुन्दर किनारे घुँटो टेकके प्राथना करे, और एकदुस्रेसे बिदा भए।

प्रेरित 27:12

जाडोको समय बितानके बो बन्दरगाह अच्छो फिर नाए रहए। जहेमारे बहुत जैसे आदमी कोइ हालतमे फिर हुवाँसे जाएके फोनिक्स सहरमे पुगनके कोसिसमे रहएं। क्रेट टापूमे भओ बो फोनिक्स सहरमे दक्खिन-पछार और सिरे-पछार घेन घुमो भओ बन्दरगाह रहए।

प्रेरित 28:11

हम तीन महिना पिच्छु अलेक्जेन्ड्रिया सहरमे जान बारो पानीजहाजमे यात्रा सुरु करे। जा जहाज ठण्डोके मारे माल्टा टापूएमे रुको रहए। जा पानीजहाजके अग्गुके भागमे जुरिया देवताको एक मूर्ति रहए।

रोमियों 15:24

जहेमारे जब स्पेन देशमे जामंगो तओ तुमर ठिन भेँट करके जामंगो काहेकी मोके आसरा हए, कि बो यात्रामे तुमसे भेँट कर्पामओं, और जब तुमर सँग कुछ समय तक संगतीको आनन्द लैके मए चाँहत हओं, कि तुम मोके मेरी स्पेन देशके यात्राके ताहीं मदत करओ।

1 कोरिन्थी 16:11

जहेमारे कोइ फिर बोके अनादर नाए करए, पर शान्तिसे हुवाँ पुगाए दियओ, ताकी मेरे ठिन आएजाए; काहेकी मए बोको आसरा करतए आएरहो हओं, कि बो बिश्वासी ददाभइयनके सँग आबए।

2 कोरिन्थी 1:16

मिर योजना जा रहए, कि मए माकेडोनिया परदेश जात पेती तुमके भेँटके जान और लौटके फिरसे तुमके भेँटन, और हुवाँसे यहूदिया परदेशको मिर यात्रामे तयारीके ताहीं तुम मिर मदत करैगे।

तीतुस 3:12

मए क्रेट टापूमे अर्तिमास और तुखिकसके तिर ठिन पठाएरहो हओं, जब बे क्रेट टापूमे पुगंगे तओ तए मेरे ठिन निकोपोलिस सहरमे आनके कोसिस करिए; काहेकी मए ठण्डो महिनामे निकोपोलिस सहरमे बितानके बिचार करो हओं।