1 कोरिन्थी 15:13 - राना थारु नयाँ नियम

¹³ मरे भए आदमी फिरसे जिन्दा नाए हुइते कहेसे ख्रीष्ट फिर मरके जिन्दा नाए हुइतो।

परमेस्वर को सच्चो वचन

¹³ अगर मरे भैन को पुनरुत्थान नाय है, तौ मसीह भी जिंदो नाय उठो;

1 कोरिन्थी 15:13 Cross References

प्रेरित 23:8

काहेकी सदुकीनको समुहको जा बिश्वास हए, कि आदमी मरके फिरसे जिन्दा नाए होत हएं, और स्वर्गदूत और भुत फिर नाए हएं। पर फरिसीनको समुह जे सब बातमे बिश्वास करत हएं।

रोमियों 8:11

अगर तुममे परमेश्वरको आत्मा बास करत हए, जौन ख्रीष्ट येशूके मरो भओ मैसे जिन्दा करी कहेसे, बा जौन ख्रीष्ट येशूके मरो भओ मैसे जिन्दा करी, बा तुमर नाशवान शरीरके फिर जिन्दा करैगो जो आत्मा तुमरमे बास करत हए।

रोमियों 8:23

और जा सृष्टि इकल्लो नाए, पर हम फिर, जौनमे होनबालो महिमाके पहिलीयएसे स्वाद चाखानके रुपमे पबित्र आत्माको निबास हए, हम पबित्र आत्माके हमर ताहीं परमेश्वरको प्रतिज्ञाकी निसानीके रुपमे पाए हएं। पर हम अभौफिर बो समयको आसरा कर रहे हएं जब हमके अपने बच्चा बनानके ताहीं परमेश्वर उठाएलेबैगो और हमर शरीरके सब दुष्टतासे छुटकारा करैगो।

1 कोरिन्थी 15:12

जहेमारे मए तुमसे जा पुछन चाँहत हओं: काहेकी हम सब तुमर बीच जहे परचार करे, कि जब ख्रीष्ट मारोगओ तओ परमेश्वर ख्रीष्टके फिरसे जिन्दा करदइ। पर तुम मैसे कोइ फिर अइसे नाए कहाबए, कि परमेश्वर बिश्वासीनके, मरे मैसे फिरसे जिन्दा नाए करत हए।

1 कोरिन्थी 15:14

और अगर ख्रीष्ट मरो मैसे जिन्दा नाए हुइतो, तओ जौन सन्देशको परचार हम करत हएं, बो सन्देश और ख्रीष्टमे तुमर बिश्वासको कोइ अर्थ नाए हुइतो।

1 कोरिन्थी 15:20

पर सच्चाई जहेहए, कि परमेश्वर नेहात्तओकमे ख्रीष्टके मृत्युसे जिन्दा करी, बहे भरोसामे परमेश्वर बे आदमीनके फिर जिन्दा करैगो जो मरीगए हएं।

1 थेसलोनिकी 4:14

काहेकी अगर हम बिश्वास करत हएं, कि येशू मरो, और जीइउठो। तओ अइसियए परमेश्वर उनके फिर, जो येशूमे बिश्वास करतए मरिगए हएं, परमेश्वर उनके येशूके सँग लौटाएके लाबैगो।

2 तिमोथी 4:8

अब, परमेश्वर स्वर्गमे मेरे ताहीं एक मुकुट धरेपणे हए, काहेकी मए अपनो जीबनमे बाके खुसी करन बारो जीबन जिइयो हओं। हमर प्रभु येशू ख्रीष्ट जो धार्मिकताको न्यायधीश हए, जब बा लौटके आबैगो मोके बा मुकुट देबैगो। जो मुकुट बा मोके देबैगो बो मेरे ताहीं इकल्लो नाए हुइहए, बल्कि सबके ताहीं जो बाको लौटनको आसरा कर रहे हएं।

हिब्रू 13:20

और अब, शान्तिको परमेश्वरको अनुग्रह, जो प्रभु येशूके मरो मैसे जिन्दा करी। बाको इच्छा पुरा करनके ताहीं तुमके चाहन बारो सब चीजसे सजाबैगो। बाके मन पणन बारो सब चीज येशू ख्रीष्टको शक्तिसे तुममे उत्पन्न करबाबैगो। येशूए भेंणनको बहुत अच्छो बकरेहेरा हए कहान बारी बात सदाकालको प्रतिज्ञाको चिन्हा बाको खुनसे दिखात हए। बाके सदासर्वदा महिमा मिलए। आमेन।

हिब्रू 2:14

काहेकी परमेश्वर जौननसे लौंणालौंणीया कही, बे आदमी हएं। येशू हर किसिमसे हमरी हानी भओ और आदमी हुइके आओ, ताकी बाको मृत्युके माध्यमसे, मृत्युके उपर अधिकार भओ शैतानके नष्ट कर पाबए।

1 पतरस 1:3

हमर प्रभु येशू ख्रीष्टको दौवा और परमेश्वरके प्रसंसा होबए। परमेश्वरको हमर प्रतिको महान कृपासे बा हमके एक नयाँ जीबन दइ हए। काहेकी परमेश्वर येशू ख्रीष्टके मृत्युसे जिन्दा बनाइ हए, बा हमके निर्धक्कसे बचन सक्षम बनाइ हए; बोको मतलब बा हमके प्रतिज्ञा करोभओ बातके पानके पुरा आसरा करनो हए।

प्रकाश 1:18

मए जीबनको स्रोत हओं। मए एकचोटी मरिगओ रहओं, पर अब जिन्दा हुइगओ हओं और मए सदादिनके ताहीं जिन्दा रहामंगो। और मेरे सँग बेहीं पातालके कुन्जी हएं, जो मोके बो ठाँउके खोलनको शक्ति देत हएं जहाँ मरे भए आदमी हएं। और उनके फिरसे जिन्दा करनकी शक्ति देतहए।