1 कोरिन्थी 12:18 - राना थारु नयाँ नियम

¹⁸ पर नेहात्तओ परमेश्वर हमर शरीरके सबए अंगके अपनी इच्छाके अनुसार शरीरके सब अंगके ब्यबस्थित रुपसे सही ठिहामे धर दइ हए।

परमेस्वर को सच्चो वचन

¹⁸ हालाकि, जौ है कि परमेस्वर कै जैसो ठीक लागो, बैसिये सब अंगन कै सरीर मैं बैसोई रखी जैसी बौ चात रहै।

1 कोरिन्थी 12:18 Cross References

लूका 10:21

बहेबेरा येशू पबित्र आत्मामे हुइके आनन्दसे भरीगओ, और कही, “हे दौवा, बादर और पृथ्वीके परमप्रभु, मए तुमके धन्यबाद चढात हओं, काहेकी तुम जा बात बुद्धिमान और समझदारसे लुकाएके धरे, और बालकाके प्रकट करे। काहेकी, दौवा तुमके जहे ठिक लागो।

लूका 12:32

“तुम भेंणनके छोटो बगाल हानी हओ, जहेमारे कोइ फिर बातके बारेमे मतडराबओ, काहेकी तुमके राज्य देनके ताहीं, तुमर स्वर्गमे होन बारो दौवा खुसी हए।

रोमियों 12:3

मोके दओगओ अनुग्रहसे तुम मैसे सबके मए बिन्ती करत हओं, जौनके अपनएके जैसो सम्झन्के हए बोसे जद्धा बडो मतसमझओ; पर परमेश्वर तुमके जित्का बिश्वास दइहए बहे कता अपनएके सम्झओ।

रोमियों 12:6

और जबकी बो अनुग्रहके अनुसार जो परमेश्वर हमके दइहए, हमके फरक-फरक बरदान मिलो हए। तओ जौनके भबिष्यबाणीको बरदान मिलो हए, बोके बेहीं बातनके मस्कन चाहो जो बिश्वास करत हए, कि परमेश्वर बोके बताइ हए।

1 कोरिन्थी 12:11

सबए बरदान एकए आत्माको काम हए। बा हर एक बिश्वासीके बरदान देतहए जौनके पबित्र आत्मा चाँहत हए।

1 कोरिन्थी 12:17

अगर पुरए शरीरमे आँखी हुइहए कहेसे तओ सुनेहए कहाँसे? अगर जम्मए शरीर कान हुइहए कहेसे तओ सुंघेहए कहाँसे?

1 कोरिन्थी 12:19

अगर एकए अंग हुइहए, त कोइ शरीर नाए रएहए।

1 कोरिन्थी 12:24

औ अच्छे अंगके हम वास्ता नाए करत हएं। पर कमजोर अंगके जद्धा आदर देन करके परमेश्वरए जा शरीरके अंग मिलाएके धरी हए।

1 कोरिन्थी 12:28

मण्डली या ख्रीष्टके जा शरीरमे, परमेश्वर हमएं बहुत परकारके काम दइ हए: पहिले, बे आदमी हएं जो येशूसे चुनेभए चेला हएं; दुस्रे, बे जो अगमबक्ता हएं जो बाके शब्दन्के मस्कत हएं; तिस्रे, बे आदमी हएं जो सिखात हएं। बाके पिच्छु, बे आदमी हएं जौनन्के बा चमत्कारको काम करनको अधिकार दइ रहए। तओ पिच्छु बो हए जौनके बा चङगाइ करनको अधिकार दइ। तओ फिर बे, जौनन्के दुस्रेन्के मदत करनको बरदान मिलो। तओ फिर बे, जो अगुवा हएं। तओ फिर बे, जौनन्के बरदान प्राप्त भओ पबित्र आत्मा द्वारा दओगओ फरक-फरक भाषा मस्कन बारेनके चुनी हए।

1 कोरिन्थी 15:38

परमेश्वर पेणके बो रुप देतहए जो बा बोके ताहीं चाँहत हए। हर मेलके बीज अपने रुपमे बढत हएं।

1 कोरिन्थी 3:5

अपोल्लोस कौन हए? पावल कौन हए? बे सेवक इकल्ले हएं, जोसे तुम ख्रीष्टमे भरोसा करे। हम मैसे सब आदमी बहे काम करे जो परमेश्वर हमके करनके ताहीं दइ।

इफिसियों 1:5

परमेश्वरको प्रेमके कारणसे बा निर्णय लइ, कि बा येशू ख्रीष्टके द्वारा हमके अपनो सन्तान होनके ताहीं चुनैगो। परमेश्वर अपनो खुसी और आनन्द अनुसार अइसो करीहए।

इफिसियों 1:9

परमेश्वर बहे करी, जो बा गुप्तमे धरी रहए, और हमके बो गुप्त योजनासे प्रकट करबाइ जो बा पहिलीयए ख्रीष्टके द्वारा पुरा करनके निर्णय लइ रहए।

प्रकाश 4:11

“हे हमर प्रभु परमेश्वर, तुम सब चिजनके सृष्टि करे। तुमर इच्छा अनुसार बे बने गए और बे अस्तित्वमे हएं। तभीमारे तुम महिमा, आदर और शक्ति पानके लायक हओ।”