मत्ती 6:10 - परमेस्वर को सच्चो वचन

¹⁰ तेरो राज्य आबै, तेरी इच्छा जैसी स्वर्ग मैं पूरी होथै, बैसिये धरती मैं भी होबै।

राना थारु नयाँ नियम

¹⁰ तुमर राज्य आबए। तुमर इच्छा स्वर्गमे जैसो पुरा भओ हए, उइसीयए जा पृथ्वीमे फिर पुरा होबए।

मत्ती 6:10 Cross References

मत्ती 12:50

काहैकि जो कोई मेरे स्वर्ग मैं दऊवा की इच्छा मैं चलथैं, बहे मेरो भईय्या और बहेनिया, और अईय्या हैं।”

मत्ती 16:28

मैं तुमसे सच कहथौं, कि जो हींना ठाड़े हैं, उनमैं से कित्ते ऐसे हैं, कि जबले इंसान के लौड़ा कै बाके राज्य समेत आत भै नाय देखलेमैं, तौले मौत को स्वाद कहु नाय चखंगे।”

मत्ती 26:42

फिरौंकी बौ दुसरी बार जाएकै प्रार्थना करी, “मेरे दऊवा, अगर जौ मेरे पिये बगैर ना हट सकथै तौ तेरी इच्छा पूरी होबै।”

मत्ती 3:2

बौ कही: “पापन से मन फिराबौ, काहैकि स्वर्ग को राज्य झोने है!”

मत्ती 4:17

बौ समय से ईसु अपनो प्रचार सुनानो सुरु करी: “अपने पापन से मन फिराबौ काहैकि स्वर्ग को राज्य झोने है!”

मत्ती 7:21

“हर कोई जो मोकै, ‘प्रभु, प्रभु’ कहथै, स्वर्ग के राज्य मैं ना जाए सकैगो, लेकिन सिरफ बेईं जो मेरे परम दऊवा स्वर्ग मैं है, बाकी इच्छा मैं चलथैं।

मर्कूस 11:10

हमरो दऊवा राजा दाऊद को राज्य जो आए रौ है; धन्य है! होसन्ना।”

मर्कूस 3:35

परमेस्वर जो कहथै बहे बौ करैगो, बहे मेरो भईय्या, मेरी बहेनिया, और मेरी अईय्या है।”

लूका 19:11

जब लोग जौ सुनत रहैं, ईसु जारी रखी और उनकै एक कहानी बताई। बौ अब लमसम यरूसलेम मैं रहै, और बे मानत रहैं कि परमेस्वर को राज्य बस अब दिखन बारो है।

लूका 19:38

“परमेस्वर बौ राजा कै आसीस देबै जो प्रभु के नाओं से आथै! स्वर्ग मैं सांति और परमेस्वर कि महिमा होबै!”

लूका 22:42

ईसु कही, “दऊवा, अगर तैं चाहबै तौ जौ दुख के प्यालो कै मोसे दूर लै जा। फिर भी मेरी इच्छा ना, लेकिन तेरी इच्छा पूरी होबै।”

यूहन्ना 4:34

ईसु उनसे कही, “मेरो खानु जौ है, कि अपने भेजन बारे के मन से चलौं और बाको काम पूरो करौं।

यूहन्ना 6:40

काहैकि मेरे दऊवा की इच्छा जौ है, कि जो कोई लौड़ा कै देखथै और बाके ऊपर बिस्वास करै, बौ अनंत जिंदगी पाबै; और मैं बाकै आखरी दिन फिर से जिंदो कर देंगो।”

यूहन्ना 7:17

अगर कोई बाकी इच्छा मैं चलनो चाहबै, तौ बौ जौ उपदेस के बारे मैं जान जागो कि बौ परमेस्वर के घाँईं से है, या मैं अपने घाँईं से कहथौं।

प्रेरित 13:22

बाकै हटान के बाद, परमेस्वर दाऊद कै उनको राजा बनाई। परमेस्वर बाके बारे मैं गभाई दई: ‘मोकै एक आदमी, यिसै को लौड़ा दाऊद, मेरे मन के हिसाब से मिलगौ है। बहे मेरी सब इच्छा पूरी करैगो।’

प्रेरित 21:14

जब बौ नाय मानो तौ हम जौ कहकै चुप हुईगै, “कि प्रभु की मरजी पूरी होबै।”

प्रेरित 22:14

तौ बौ कही, हमरे पुरखा को परमेस्वर तोकै जहेमारे चुनी है कि तैं बाकी मरजी कै जानैं, और बौ धर्मी कै देखै, और बाके मोहों की बात सुनै।

रोमियों 12:2

जौ युग के जैसे मत बनौ; लेकिन तुमरे मन के नये हुई जान से तुमरो चालचलनौ बदलत जाबै, जोसे तुम परमेस्वर कै अच्छी, और बाकै भान बारी, और परख की सिद्ध इच्छा अनुभव से मालुम करत रहबौ।

इफिसियों 6:6

इंसानन कै खुस करन के ताहीं दिखाबे की सेवा मत करौ, पर मसीह के दास के तराहनी मन से परमेस्वर की मरजी से चलौ।

कलस्सी 1:13

बहे हमकै जौ अंधकार कि सक्ति से छुड़ाय कै अपने प्रिय लौड़ा के राज्य मैं आन दई,

कलस्सी 1:9

काहैकि जो दिन से जौ सुने हैं, हमउँ तुमरे ताहीं प्रार्थना और बिनती करन से नाय चूकथैं कि तुम परमेस्वर की इच्छा और सब ग्यान और समझ जो आत्मा देथै, बासे परिपूर्ड़ हुई जाबौ।

1 थेसलोनिकी 4:3

परमेस्वर चाहथै कि तुम पवित्र बनौ और व्यभिचार से बचे रहाबौ।

1 थेसलोनिकी 5:18

हर बात मैं धन्यवाद करैं। तुमरे ताहीं ईसु मसीह मैं परमेस्वर की जहे इच्छा है।

हिब्रू 1:14

का बे सब परमेस्वर की सेवा करन बारे स्वर्गदूत की आत्मा नाय हैं; जो उद्धार पानबारे की सेवकाई करन के ताहीं पनारे जाथैं?

हिब्रू 10:36

काहैकि तुमकै धीरज धरनो जरूरी है, ताकी परमेस्वर की इच्छा पूरी करकै तुम वादा बारो फल पाबौ।

हिब्रू 10:7

तौ मैं कहो, ‘देख, मैं आए गौ हौं, पवित्र सास्त्र मैं मेरे बारे मैं लिखो भौ है ताकी हे मेरे परमेस्वर मैं तेरी इच्छा पूरी करौं।’”

हिब्रू 13:21

तुमकै सब अच्छी बातन मैं सिद्ध करै, जोसे तुम बाकी इच्छा पूरी करौ, और जो कुछ बाकै भाथै, बाकै ईसु मसीह के जरिया हममैं बौ करै जो बाकै पसंद है और बाकी महिमा और आदर हमेसा बनो रहबै! आमीन।

1 पतरस 2:15

काहैकि परमेस्वर चाहथै कि तुम अपने भले कामन के जरिये मूर्ख लोगन की अग्यानी बातन कै चुप कराबौ।

1 पतरस 4:2

तौ से, तौले, तुमकै अपनी बची भइ सांसारिक जिंदगी कै परमेस्वर की इच्छा से सादनो चाहिए, नाय की इंसानी इच्छन के जरिया।

प्रकाश 11:15

तौ सातमों स्वर्गदूत तुरहई फूँकी, तौ स्वर्ग मैं जौ बारे मैं ऊँची-ऊँची अबाज आन लगी, “अब दुनिया को राज्य हमरे प्रभु को और बाके मसीह को हुई गौ, और बौ हमेसा राज्य करैगो।”

प्रकाश 12:10

तभई मैं स्वर्ग मैं एक ऊँची अबाज सुनो, “अब परमेस्वर को उद्धार और राज्य आए गौ है! अब परमेस्वर राजा के रूप मैं अपनी सामर्थ्य दिखाई है! अब बाको मसीहा अपनो अधिकार दिखाई है! काहैकि जो हमरे परमेस्वर के सामने ठाड़ो रहै, और रात-दिन हमरे भईय्यन के ऊपर दोस लगात रहो, बाकै स्वर्ग से निकार दौ गौ।

प्रकाश 19:6

फिर मैं सुनो एक बड़ी भीड़ की अबाज जैसी, एक गरजन बारे झरना की अबाज के तराहनी, और गड़गड़ाहट की तेज अबाज के तराहनी। मैं उन्हैं जौ कहत सुनो, “परमेस्वर की स्तुति करौ! काहैकि हमरो प्रभु, सर्वसक्तिमान परमेस्वर राजा है!

प्रकाश 20:4

फिर मैं सिंहासन देखो, और जो बामै बैठे रहैं, उन्हैं न्याय करन को हक दौ गौ। मैं बे लोगन की आत्मन कै भी देखो जोकी ईसु की गभाई और परमेस्वर के बचन देन की बजह से मार डारो गौ रहै। बे बौ जानवर या बाकी मूर्ति की आराधना मन से नाय करी रहैं, और न बे अपने माथे या अपने हात मैं बाकी छाप लईं रहैं। बे जिंदे भै और एक हजार साल ले मसीह के संग राजा के रूप मैं राज्य करी।