Titu 3:9 - Sura Malelaha

⁹ Agaiana ara worihe tauna au mombehehe hai mampombehanaingi atura agama Yahudi ba tuntukana pemuleanda. Nukaraohihe! Nupalehi peamohe i pombembehanainda au bara mobundu hai au bara moanti pewati i tauna.

Titu 3:9 Cross References

1 Korintu 13:2

Ane rapana, molambina kapande mopahawe lolita hangko i Pue Ala hai molambina ope-ope kapande hangko i Pue Ala au bara raisa rangangku, hai ane maroho pepoinalaingku pane kubuku mopalimba bulu, agaiana bara maahi lalungku, bara mpuu ara bunduna katuwongku.

1 Korintu 8:1

Kaliliuana, ina mololitana kana i paande au rapopenomba i anitu. Niuli, “Ikita to Sarani, mapandeke, taisami paturo au tou.” Tou mpuu agaiana kuuliangaakau: anti kamapandemi iti, arakau au mampemahile. Aginami maahike i ranganta hai tapakaroho lalunda hangka ranganta.

1 Timotiu 4:7

Ineeko motende tempomu lao mampehadingi lolita au bara tou hai au moanti peake mampeulai peundeana lalunta au kadake. Agina nupakaroho lalumu mengkoru i Pue Ala.

2 Timotiu 2:14

Timotiu! Ope-ope au kuuli ide hangangaa nupopaingaahe to sarani au ara inditi. Nuweihe lolita i lindona Pue Ala bona ineehe mampombehanaingi rara mpoagama. Lawi pombehahanai iti bara mobundu i lalu katuwonta, agaiana mopakarugi pea pepoinalainda tauna au mohadi.

2 Timotiu 2:16

Nukaraohi lolita au bara mobundu. Lawi lolita iti bara moanti tauna i katuwo au malelaha, agaiana kakakaroarihe hangko i Pue Ala.

2 Timotiu 2:23

Arahe tauna au mampombehanaingi liliu paturo au bara mobundu, agaiana bara mani manoto i lalunda paturo au tou. Inee nupesuaki pombehahanainda iti, lawi nuisa paturo iti mopaara pea posisala.

Titu 1:14

Weihe lolita bona ineemohe mohaile lolitanda to Yahudi au moula pea parenta-parenta hangko i manusia au mosapuaka paturo au tou.

Yakobu 4:1

Halalu, moapari pane ara pobungka-bungka hai pombehahanai i olomi? Bara pae hangko i peundeami haduduami au mombeala liliu i lalumi?