Suro 7:44 - Sura Malelaha

⁴⁴ “Tanganda toiorunta i pada wungi, Pue Ala motudumi Musa mobabehi Bambaru Penombaa au peisa rapombegeroa hai raanti-anti iumba pea kalaoanda. Bambaru Penombaa iti mewali tanda kaarana Pue Ala i olonda to Yahudi, hai rababehi moula hawana Pue Ala i Musa.

Suro 7:44 Cross References

Ibarani 8:2

Ia mampopolumao bago mewali Tadulako Mpenomba Mahile i paidaa malelaha, iami Bambaru Malelaha au naaro Pue, bara au naaro manusia.

Ibarani 8:5

Tadulako mpenomba iti mobagohe i lalu sou penombaa i dunia ide. Sou penombaa iti mewali pandiri irikita kana i apa au ara i suruga. Ido hai hangko damani nabi Musa moaro Bambaru Malelaha hangkoia, Pue Ala mouliangaa node: “Nukatuinao! Ope-ope iti hangangaa nubabehi moula apa au ratudungiamoko i wongko bulu!”