Suro 27:5 - Sura Malelaha

⁵ Roo indo, mosumombamongkai i tahi au nalindo propinsi Kilikia hai propinsi Pampilia duungki hawe i wanua Mira i propinsi Likia.

Suro 27:5 Cross References

Suro 13:13

Hangko i Pafos, Paulu hai rangana mesawimohe i kapala tahi lao i wanua Perga i Propinsi Pampilia. Inditimi, Yohane au rakakio wori Markus mopalehihe rangana hai mesule i Yerusale.

Suro 15:23

I lalu sura iti, teuki node: “Ikami, surona Pue Yesu hai penatua-penatua hahalalumi hampepepoinalai au arangkai inde, mopakatungkai sura ide irikamu halalu hampepepoinalaingki au barakau to Yahudi i wanua Antiokia hai humalele Siria, hai i propinsi Kilikia. Tabea!

Suro 15:38

agaiana nauli Paulu, “Bara maroa taporanga, lawi napalehimoke hangkoia i propinsi Pampilia hai bara mantaha mamporangaike duuna roo bagonta.”

Suro 15:41

Paulu hai Silas mampolumaongi tampo Siria hai propinsi Kilikia, mopakaroho lalunda to Sarani au ara inditi.

Suro 2:10

hangko i Frigia hai Pampilia, hangko i Masiri hai hangko i tampo Libia au hungku i wanua Kirene. Arake au hangko i wanua Roma. Hantangake to Yahudi, hai ara worihe tauna ntanina au mesua agama Yahudi.

Suro 21:39

Nahanai Paulu, “Iko to Yahudina, hangko i Tarsus, wanua au tehanga i tampo Kilikia. Kuperapi bona niwei wongkoia tempo mopahawe lolitangku i tauna bosa.”

Suro 22:3

“Iko to Yahudina. Boea karapoanakangku, Tarsus i tampo Kilikia, agaiana hangko koi-koi peamona maidamona inde, i Yerusale. Mosikolana inde, napaguru maroana hadua guru au rabila ntepuu, hangana Gamaliel. Napaturo ntepuuna ope-ope atura au naweihe Musa i toiorunta hangkoia hai madotana mampeulai ope-ope aturana Pue Ala, nodo ikamu.

Suro 6:9

Agaiana ara worihe au moewa Setepanu. Topeewa itihe iami tauna au menomba i sou penombaa au rahanga Sou Libertini (Libertini lempona: tauna au rakabaha hangko i karapohawinda). Ihira iti, to Yahudi au hangko i wanua Kirene hai Aleksandria. Ara worihe to Yahudi hangko i Kilikia hai Asia, au mai moewa hai mampombehehea Setepanu.

Galatia 1:21

Hangko inditi, laomona i tampo Siria hai Kilikia.