Suro 23:9 - Sura Malelaha

⁹ Kahopoana, rumihimi pombehanainda. Ara bahangkia guru agama meangka sambelahe hai toParisi hai mehanaihe, rauli, “Moula pelambiaki, tauna iti bara masala. Babila ara malaeka ba tomate au mololita iria.”

Suro 23:9 Cross References

Markus 2:16

Inditi arahe bahangkia guru agama au moula paturonda toParisi. Kamoitanda Yesu maande hihimbela hai tauna au kadake babehianda, mekunehe guru agama iti i topeguruNa, rauli, “Moapari pane gurumi maande sambela hai toperuru asele hai tomadosa?”

Lukasi 23:22

I kataluna belana, Pilatu mololita irihira, nauli, “Apa dakeNa? Mogalori hampaka salaNa au hintoto rapapatea, bara ara kulambi. Kupapahai pea hai kukabaha.”

Lukasi 23:4

Hangko indo, nauli Pilatu i kapala-kapala tadulako mpenomba hai i tauna bosa, “Tauna ide bara kulambi salana au ina kuhukua.”

Lukasi 5:30

Inditi ara worihe toParisi hai guru-guru agama au mampeulai paturonda toParisi. Ihira mosasalaihe Yesu i topeguruNa, rauli, “Moapari pane ikamu maande hai maenu hihimbela hai toperuru asele hai tauna ntanina au kadake babehianda?”

Yohane 12:29

Tauna bosa au mohadi wotu iti, mololitahe rauli, “Iti pomoni gumpata!” Agaiana hanggaahe manguli, “Bara. Ara malaeka au mololita Iria.”

Suro 11:17

Mewali, halalu, nauri barahe to Yahudi, agaiana naweimohe Pue Ala Inao Malelaha, nodo au Naweike anti pepoinalainta i Pue Yesu Kerisitu. Ane nodo, hemana pae ide iko, pane peisana moewa tunggaiana Pue Ala?”

Suro 22:6

“Tanga pualo, i lalu polumaongku iti, hungkumongkai i wanua Damsik. Unga pea ara au mewangka hangko i langi au motolelikina.

Suro 22:7

Madungkana, hai mohadina hambua wotu au manguli, ‘Saulu, Saulu, moapari hai nupopeahi-ahiNa?’

Suro 23:29

Raparesami, agaiana bara ara salana ralambi au hintoto rapapatea ba ratarunggua. Rasalai pea moula ada agamanda.

Suro 23:8

Pombehanainda iti, lawi toSaduki mosapuaka katuwonda hule tauna au mate, hai barahe mampoinalai kaarana malaeka, hai bara worihe mampoinalai kaarana tanoana. Agaiana toParisi, batenda mampoinalai ope-ope iti.

Suro 25:25

Nauri bara ara salana au kuhumba au hintoto rapapatea. Agaiana anti kanaperapina Paulu bona kara-karana rapahawe i Kaisar i wanua Roma, ido hai kupakanotomi bona Paulu raanti i Datu Mahile Kaisar.

Suro 26:31

Hawemohe i raoa, mololitahe, rauli, “Tauna iti, bara woia ara salana au hintoto rahukua mate ba ratarunggu.”

Suro 27:23

Lawi inona kaindi, Pue Ala au kupenombai hai au mokadipurana, motudumi malaekaNa mai iriko.

Suro 5:39

Agaiana ane hangko i Pue Ala, barahe peisa ninangi. Lawi ane niewahe, himbela peakau moewa Pue Ala.” Mewali, lolitana Gamaliel iti radoko tadulako.

Suro 9:4

Madungkami Saulu hai mohadi hambua wotu au manguliangaa, “Saulu, Saulu, moapa hai nupopeahi-ahiNa?”

1 Korintu 10:22

Ba baikau mopaara karumpuna Pue? Ba niuli meliu kamarohonta hangko i Pue?