Roma 4:11 - Sura Malelaha

¹¹ Burahima ratile aminami mepoinalai. Karatilena iti mewali pea tanda kamanotona i peitana Pue Ala. Mewali, tongawami irikita Burahima mewali manoto i peitana Pue Ala anti pepoinalaina nauri barato ratile. Ido hai peisa tauli Burahima rapouma tauna au barahe to Yahudi au mepoinalai i Yesu, lawi kehapirihe bara ratile moula Aturana Musa, batena mewalihe manoto i peitana Pue Ala anti pepoinalainda au himbela hai Burahima.

Roma 4:11 Cross References

Matiu 16:16

Nahanai Simo Peturu, nauli, “Oiomi Datu Topehompo, Anana Pue Ala au tuwo.”

Matiu 8:11

Mewali bona niisa, i lalu poparentaNa Pue Ala, bosa tauna au barahe to Yahudi ina mewali taunaNa. Ina maihe hangko i humalele dunia, mohudahe hai maandehe matana-tana i lalu suruga hihimbela hai Burahima, Isaki hai Yako, toiorunda to Yahudi.

Lukasi 19:9

Nauli Yesu, “I alo ide, oio hai ope-ope tinamu tehoremamokau, lawi mepoinalaimokau i Pue Ala nodo Burahima toiorunta.

Yohane 3:33

Tauna au mampoinalai lolitaNa, mopangaku katouna Pue Ala.

Yohane 3:36

Tauna au mepoinalai i Anana Pue Ala iti, molambihe katuwo maroa au bara mokahopoa. Agaiana tauna au bara mengkoru i Anana Pue Ala, barahe molambi katuwo iti. Molambirihe pehukuna Pue Ala au bara mokahopoa.

Yohane 6:35

Nauli Yesu, “Iko idemi paande au mepatuwo. Hema au mai Iriko hai mepoinalai Iriko, barapohe ina marimi hai barapohe ina mangkadou hawe i hae-haena.

Yohane 6:40

Idemi peundeana UmaNgku: bona ope-ope tauna au moitaNa hai au mepoinalai Iriko AnaNa, ina molambihe katuwo maroa au bara mokahopoa, hai ina Kupopearohe i alo pebotusi.”

Yohane 6:47

Tou lolitaNgku ide: hema au mepoinalai Iriko, molambihe katuwo maroa au bara mokahopoa.

Yohane 8:33

Mehanahe, rauli, “Ikami ide, pemuleanangkai Burahima! Barangkai hambela rapohawi. Moapari hai Nuuli ina tekabahangkai hangko i karapohawingki?”

Roma 10:11

I lalu Sura Malelaha, ara teuki node: “Hema pea au mepoinalai Iria, peharunganda ina tepabukei.”

Roma 10:4

Katouana Kerisitu mopabukeimi Atura iti bona Napakanotoke i peitana Pue Ala anti pepoinalainta Iria.

Roma 10:6

Agaiana ara wori lolitana Musa au manguli: ikita mewali manoto i peitana Pue Ala anti pepoinalainta. Nauli node, “Inee nuuli i lalumu: ‘Hema au ina mengkahe lao i suruga? Hema au ina mendaulu lao i paidaa tomate?’ ” Lawi barake paraluu mengkahe i suruga mohaoki katuwo maroa, lawi Kerisitu mendaulumi mai irikita hai bara worike paraluu mendaulu i paidaa tomate mohaoki katuwo maroa, lawi Kerisitu tuwo hulemi hangko i kapate.

Roma 3:22

Pue Ala mopamanotoke i peitaNa ane mepoinalaike i Yesu Kerisitu. Iti Nababehi i ope-ope tauna au mepoinalai, barake Napopontani-ntani.

Roma 3:26

Agaiana ane Pue Ala bara mohuku manusia au madosa, lempona Ia bara manoto. Mewali i kapatena Yesu, Pue Ala mampetudungia kamanotoNa, lawi dosa manusia nahurumi Yesu. Ido hai taisa kamanotona Pue Ala hai taisa wori Pue Ala ina moimba manoto ope-ope tauna au mepoinalai i Yesu.

Roma 3:30

Lawi Pue Ala hadua pea, hai Iami au mopamanoto to Yahudi anti pepoinalainda, hai mopamanoto worihe tauna au bara to Yahudi anti pepoinalainda.

Roma 4:10

Impira Burahima mewali manoto i peitana Pue Ala? I karoona ratile ba hangko damani ratile? Ane tabasa tuntukana, taisa, Burahima mewali manoto i peitana Pue Ala hangko damani ratile.

Roma 9:30

Mewali node: tauna au barahe to Yahudi barahe mohaoki rara bona mewalihe manoto i peitana Pue Ala. Agaiana arahe hantanga au mewali manoto i peitaNa. Pue Ala mopakanotohe i peitaNa anti pepoinalainda.

Roma 9:33

Katehubeanda iti tepahawe i lalu Sura Malelaha hangkoia. Datu Topehompo rapandiri nodo haogu watu. Nodo au teuki i Sura malelaha node: “Peita: Kuwoli haogu watu i Bulu Sion, Bosa tauna tehube i watu iti, alanda tepalumba. Agaiana hema-hema au mepoinalai Iria, peharunganda ina tepabukei.”

Roma 9:6

Ide-ide, kabosanda to Isaraeli, barahe taunana Pue Ala. Agaiana ineeri tapehangu dandina Pue Ala i to Isaraeli bara tepabukei. Bara tou lolita iti! Lawi i olonda pemuleanda to Isaraeli au napilei Pue Ala hangkoia, barahe ope mewali taunaNa.

2 Korintu 1:22

hai Naweike Inao Malelaha au mopakanoto kamewalintami taunaNa. Inao Malelaha iti mewali tanda i lalunta kaina Napabukeina haha dandiNa irikita.

Galatia 3:22

Agaiana i lalu Sura Malelaha, tepakanoto humalele dunia tetakai hai dosa. Mewali, bara ara rara ntani au mopamanotoke i peitaNa, batena pea pepoinalainta i Yesu Kerisitu. Katuwo maroa au nadandi Pue Ala, batena Nawei i hema pea au mepoinalai i Yesu Kerisitu.

Galatia 3:29

Anti pohintuwuta hai Kerisitu, Naimbamoke pemuleana Burahima, hai batena mohumbake apa au nadandi Pue Ala, iria.

Galatia 3:7

Mewali, taisami halalu: hema au mepoinalai, ihira au teimba pemuleana Burahima.

Galatia 5:5

Agaiana ikita halalu, anti peninina Inao Malelaha, meharungake i Pue Ala au mopamanotoke i peitaNa anti pepoinalainta i Kerisitu Yesu. Hai batena iti au taharunga.

Galatia 6:16

Mekakaena bona ope-ope tauna au tuwo moula paturo ide hai au mewali taunana Pue Ala ina molambi roa ngkatuwo hai ahina Pue Ala.

Epesu 1:13

Nodo wori ikamu. I kamohadimi bambari au tou mewalimokau taunana Pue Ala. Mampoinalaimokau Ngkora Marasa iti, ido hai Nahoremamokau Pue Ala hangko i huku dosami. Hai Naweimokau Inao Malelaha au Nadandi hangkoia, au mewali pekatandaina Pue Ala i lalumi au mopatongawa pewalimimi taunaNa.

Epesu 4:30

Nikampai babehiami datikau mopakasusa Inao Malelaha au naweikau Pue Ala. Nikatuinao, Inao Malelaha iami pampekatandaina Pue Ala i lalumi au mopakanoto kaikamuna taunaNa. Anti kaarana Inao Malelaha i lalumi, niisa kaina hawena tempona Pue Ala mokabahakau hangko i dunia au kadake ide.

Pilipi 3:9

hai mohintuwuna hai Ia. Pue Ala moimbana manoto i peitaNa, bara anti peulangku i Aturana Musa, agaiana anti pepoinalaingku i Kerisitu. Mewalina manoto i peitana Pue Ala anti kabulana laluNa, lawi mepoinalaina i Kerisitu.

Ibarani 11:7

Anti pepoinalaina, Noho mengkoru i hawana Pue Ala. Pue Ala mouliangaa kaina arana owai meumbala au molaboa dunia. Mewali, kehapiri bara mani naita pewalina, hawana Pue Ala napeulaimi hai nababehimi duanga mahile bona ia hai towawinena hai anana bara mate maliso. Ope-ope tauna i dunia rahuku, agaiana Noho anti pepoinalaina, ia Naimba Pue Ala manoto i peitaNa.

2 Peturu 1:1

Sura ide hangko iriko, Simo Peturu hawina hai surona Yesu Kerisitu, kupakatuakau halalu au mepoinalai i Yesu Kerisitu. Yesu Kerisitu iami Pue Ala au mohoremake hangko i huku dosanta. Anti kamanotona Pue Ala, Napopewalimokau taunaNa au mepoinalai Iria, himbela hai ikami suroNa.

Pampetudungia 9:4

Kakomba iti, barahe rapaliu mopakarugi hehi ba kau ba tuda-tuda. Au peisa pea rapakarugi, tauna au bara ara pekatandaina Pue Ala i wingkenda.