Roma 12:2 - Sura Malelaha

² Ineekau mampeulai babehianda tauna au barahe moisa Pue Ala. Nipogiangaami Pue Ala mowouki pekirimi bona tebaliki poantimi. Lawi ane nodo babehiami, ina niisa mpuu tunggaiana Pue Ala au maroa, au mopamatana laluNa hai au bara ara kamakurana.

Roma 12:2 Cross References

Matiu 13:22

Tinuda au manawo i olo dui lempona, tauna au mampehadingi Ngkorana Pue Ala, agaiana mopailalu liliu peahe katuwonda i lalu dunia, hai mampeinao peahe morampu anu-anu dunia. Ido hai barapi ara paidaa Ngkorana Pue Ala i lalunda, hai barapi mobundu Ngkora iti i lalu katuwonda.

Markus 4:19

agaiana mampekiri liliu peahe katuwonda i lalu dunia ide. Tauna iti mampeinao peahe morampu anu-anu dunia hai mampopengaa peundeana lalunda. Ido hai Ngkora iti bara mobundu i lalu katuwonda.

Yohane 14:30

Barapi ngkaia katepakaNgku mololita hai ikamu, lawi ina hawemi Datu Tokadake. Ia au mokuasai dunia ide, agaiana bara makuasa Iriko.

Yohane 15:19

Ane rapana, hamporangaakau hai tauna au bara mepoinalai, batena rapokaahikau, lawi rangandakau. Agaiana Kupileimokau hai Kupatanikau hangko i olonda, alana barapokau raporanga. Ido hai rakahihikau.

Yohane 17:14

Kupahaweamohe lolitaMu, ido hai rakahihihe tauna au bara mepoinalai, lawi barahe hampepekiri hai ihira, himbela hai Iko baraNa hampepekiri hai tauna iti.

Yohane 7:7

lawi bara ara tauna au mokahihikau. Agaiana Iko, rakahihiNa tauna au kadake i dunia ide, lawi Kupakanotoahe kakadakena babehianda.

Roma 12:1

Mewali halalu, anti kamahilena ahina Pue Ala irikita, kuhuweki lalumi bona mohuhukau watami i Pue Ala mewali popenomba au tuwo. Ane nibabehi nodo, lempona malelaha babehiami i lindona Pue Ala, lawi itimi ada mpenomba au mopamatana laluNa.

Roma 13:14

Hangangaa tapeulai babehiana Pue Yesu Kerisitu i lalu katuwonta, inee tapeulai peundeana lalunta au kadake.

Roma 7:12

Mewali, Aturana Musa iti malelaha, hai parentana Pue batena malelaha, manoto hai maroa.

Roma 7:14

Taisa mpuu, halalu, Aturana Pue Ala batena maroa lawi hangko i Inao Malelaha. Agaiana ide iko, tomadosana, lawi napohawina dosa.

Roma 7:22

I lalungku kuunde Aturana Pue Ala.

1 Korintu 3:19

Lawi apa au rauli kapande manusia, nodo pekiri tontuli i peitana Pue Ala. Ara au teuki i lalu Sura Malelaha node: “Pue Ala mopakala tauna au mapande i lalu kamapandenda haduduanda.”

2 Korintu 4:4

Napawulihe Datu Tokadake au mokuasai dunia ide datihe mampoinalai Ngkora Marasa. Kuasa Ngkora Marasa bara mopamabaa lalunda. Mewali, barahe moisa peawana tuwona Kerisitu au mopatongawa peawana Pue Ala.

2 Korintu 5:17

Mewali, hema au mohintuwu hai Kerisitu, ia mewalimi manusia au wou. Katuwona au hangkoia liumi; ia molambimi katuwo au wou.

Galatia 1:4

Pue Yesu mokirami wataNa rapapate mohuru dosanta bona tekabahake hangko i kuasa dunia au kadake ide. Iti Nababehi moula peundeana Pue Ala Umanta.

Epesu 1:18

Kuperapi Pue Ala ina mopamanoto lalumi bona niisa apa au peisa taharunga hangko i kanakakionta Pue Ala mewali anaNa, hai ina Niisa wori noumba kamahilena sosora au Napasilolongaahe tauna au Napoana,

Epesu 2:2

I tempo iti, babehiami alo-alona moula babehianda tauna au kadake i dunia ide; lempona matundukau i Datu Tokadake au makuasa i laerawa. Kuasa iti duuna ide-ide, mobago liliu i lalunda tauna au barahe mengkoru i Pue Ala.

Epesu 5:17

Mewali, ineekau ntuli, nipekiri maroa babehia apa au naunde Pue.

Kolose 1:9

Mewali, halalu, i kakihadina bambari kana i pepoinalaimi, kipekakaea liliukau. Mekakaengkai i Pue Ala, kiperapi bona hai Inao Malelaha Napamanoto lalumi hai Napopaisaakau ope-ope peundeaNa,

Kolose 3:10

hai ide-ide mohumbamoke katuwo au wou, lawi napopewalimoke Pue Ala manusia au wou. Ia mowouki liliu lalunta bona mampeulaike babehiaNa, hai bona moisake apa au tou kana Iria.

Kolose 4:12

Tabea wori hangko i Epafras, hawina Kerisitu Yesu au hambomboeami. Napekakaea liliukau bona maroho peangkami hai manoto pepoinalaimi moula ope-ope peundeana Pue Ala bona datikau masala.

1 Tesalonika 4:3

Ide peundeanami Pue Ala bona malelaha katuwonta, hai mokaraohikau babehia au merikai.

Titu 3:5

Moapari hai Nahoremake hangko i huku dosanta? Ba Nahoremake lawi manoto babehianta? Bara. Nahoremake anti kamaahina laluNa. Yesu Kerisitu mate mohuru dosanta, mewali Datu Topehoremanta. Ido hai pane Pue Ala moweike Inao Malelaha au mokale i lalunta. Anti kuasana Inao Malelaha iti, Nabahoimoke hangko i dosanta, Napopewalike anaNa haduduaNa, hai Naweike katuwo au wou.

Yakobu 1:27

Ane mampeinaoke mewali tauna au maroa posaraninta hai au bara ara kamakuranta ba kamasalanta i peitana Pue Ala Umanta, idemi au hangangaa tababehi: motulungike anangkoi au ilu hai tobemba au meahi-ahi tuwonda, hai ineeke moula babehianda tauna au barahe moisa Pue Ala.

Yakobu 4:4

Halalu, bara hintoto ane mopalehike Amputa hai moulake babehia au kadake i dunia ide. Niisami halalu, ane mampeulaike babehia au kadake i dunia ide, batena mampopewalike watanta iwalina Pue Ala. Hambela mani kuuli: hema au mounde babehia au kadake, ia au mampoiwali Pue Ala!

1 Peturu 1:14

Napoanamokau Pue Ala, ido hai hangangaa nipeulai hawaNa. Ineekau moula peundeami haduduami nodo hangkoia i tempomi mani tuwo i lalu kamakaindi.

1 Peturu 1:18

Hangangaa mengkorukau i Pue Ala, lawi niisami noumba kanahompokimi Pue Ala. Ia mokabahamokau hangko i tuwomi hangkoia au bara mobundu. Tuwomi iti iami sosorami hangko i toiorumi. Hai i kaNahompokimi Pue Ala iti, bara hai anu-anu au bara mantaha nodo bulawa ba salaka,

1 Peturu 2:3

Inee nikabaha peulami i Ngkorana Pue Ala, lawi nipeminami noumba kamaroaNa irikamu.

1 Peturu 4:2

Mewali, i tempomi mani tuwo i dunia ide, inee nipeulai peundeana lalumi au kadake. Hangangaa moulakau peundeana Pue Ala.

2 Peturu 1:4

Hangko i peawana tuwoNa hai kamaroana laluNa, Naweimoke dandiNa au maroa ntepuu. TunggaiaNa moweike dandiNa iti bona moulakau poantina Pue Ala hai bona datikau moula peundeana lalumi au kadake au peisa mopakarugikau, nodo au mopakarugihe tauna au bara moisa Pue Ala.

2 Peturu 2:20

Meahi-ahi mpuuhe tauna iti. Nguru-nguruna moisamohe Amputa Yesu Kerisitu, ido hai tekabahahe hangko i babehia au kadake i dunia ide, agaiana roo indo mesule hulehe i babehianda au kadake duuna moulahe babehia iti. Kahopoana rumihi mpuu kamaruginda hangko i nguru-nguruna.

1 Yohane 3:13

Mewali halalu, ineekau tingkara ane rakahihikau tauna au bara mepoinalai i Yesu.

1 Yohane 5:19

Hai taisami: ikita ide napoanamoke Pue Ala, hai ope-ope dunia ide nakuasai Datu Tokadake.

Pampetudungia 12:9

Mewali, naga au mahile iti, ratende hangko i suruga hawe i dunia hihimbela hai malaekana. Iami ile au arami hangkongkoia, au rahanga Datu Tokadake ba Tadulako Seta. Ia au mopakanawo tauna au maida i humalele dunia.

Pampetudungia 13:8

Ope-ope tauna au maida i dunia menomba iria. Au bara menomba iria, batena pearaihe tauna au teuki hanganda i lalu Sura Ngkatuwo hangko damani dunia rapopewali. Sura Ngkatuwo iti, iami surana Ana Dimba au rasambale. I lalu sura iti, teuki hanganda tauna au molambi katuwo maroa au bara mokahopoa.