Pampetudungia 13:16 - Sura Malelaha

¹⁶ Ope-ope tauna natudu bona modokohe tanda binata au nguru-nguruna. Tanda iti hangangaa rawoli i taie koananda ba i wingkenda. Mewali, ope-ope tauna, maroa au mahile ba au koi tuwonda, au pebuku ba au meahi-ahi, au hawi ba au bara hawi, ope-opehe napari-pari bona modoko tanda binata iti.

Pampetudungia 13:16 Cross References

Suro 26:22

agaiana nauri nodo, duuna ide-ide, Nakampaina Pue Ala, Hai peisa manina meangka inde mampololita posabikingku kana i Pue Yesu i ope-ope tauna, maroa i tauna au mapangka lantina, maroa i tauna biasa. Apa au kuuli ide, batena himbela hai apa au rapahawe amimi Musa hai nabi-nabi hangkoia

1 Korintu 12:13

Nodo wori ikita. Ikita ope-ope mewali nodo hambua wata, lawi rariuke ope-ope hai Inao Malelaha au hadua pea. Ikita ope-ope molambi Inao Malelaha au himbela, maroa to Yahudi ba au bara to Yahudi, maroa au hawi tuwonda ba au bara hawi.

Galatia 3:28

Pue Ala bara mampopontani tauna maroa to Yahudi ba bara to Yahudi, maroa hawi ba au bara hawi, maroa tobalilo ba towawine; i peitana Pue Ala himbela haha peake anti pohintuwuta hai Kerisitu Yesu.

Galatia 6:17

Kahopoana, kuperapi bona datipi ara au mopakasusana. Lawi lari i watangku ide mopakanoto kaikona surona Pue Yesu.

Epesu 6:8

Bona niisa: ope-ope tauna, maroa hawi ba au bara hawi ane mobabehi apa au maroa batena molambihe saronda hangko i Pue.

Kolose 3:11

Mewali, anti kaNapopewalintami manusia au wou, barapi ara pontaniana to Yahudi hai au barahe to Yahudi, lawi i peitana Pue Ala, tauna au ratile hai au bara ratile himbela pea. Ia bara mampopontani tauna au mosikola hai au bara mosikola, tuana ba hawi. Kerisitu iami au tepaioru. Ia au tuwo i lalunta ope-ope.

2 Timotiu 3:8

Guru au mepakanawo iti, kadake pekirinda, hai barapi ara pepoinalainda, alana Pue Ala mosapuakahe. Moewahe paturo au tou, nodo Yanes hai Yambres au moewa nabi Musa i tampo Masiri hangkoia.

Pampetudungia 11:18

Ope-ope tauna au barahe meula Irio, mohihomohe moewaKo. Agaiana hawemi tempona Nupopaitaahe karumpuMu. Hawemi tempona Nubotusi kara-karanda tauna au mate. Hawemi tempona nabi au mobambari NgkoraMu, tauna au meula Irio hai ope-ope tauna au mobilaKo, maroa au mahile ba au koi tuwonda, Nuhurungi babehianda au maroa. Hawemi tempona Nuhuku tauna au mopakarugi dunia ide.”

Pampetudungia 15:2

Hai kuita ara au nodo tahi kamaembana, lenggena nodo kaca mogalo api. Hai i wiwi ntahi au nodo kaca iti, kuita bosa tauna meangka. Tauna iti au monangihe binata au kadake, lawi barahe menomba iria, barahe menomba i lengge binata iti, hai barahe modoko lamoro au mopahuru hangana. Tauna au menangi iti, meangkahe i wiwi ntahi au nodo kaca, hai mokingkihe kecapi au naweihe Pue Ala.

Pampetudungia 19:18

Maikau moande ontonda datu hai tadulako, ontonda surodado au keate, ontonda dara hai ontonda topodara. Maimokau moande ontonda tauna, maroa au mahile ba au koi tuwonda, maroa au hawi tuwonda ba au bara hawi.”

Pampetudungia 19:20

Kahopoana binata au kadake iti rahaka hihimbela hai nabi au mepawuli iti. Ihira, ratendehe i lalu tahi api au lolaa hai au mawaa. Nabi au mepawuli iti, iami au mobabehi tanda kuasa hai kuasana binata au kadake. Anti tanda kuasa iti, ia mopakanawohe tauna au modoko tanda binata hai au menomba i lengge binata iti.

Pampetudungia 19:5

Roo ido, kuhadi hambua wotu au mololita hungku i kadera kadatua iti, manguli, “Toiami Pue Ala Amputa, ikamu ope-ope au mewali hawiNa! Nitoiami Pue Ala, ikamu au mengkoru Iria, maroa au koi tuwomi ba au mahile tuwomi!”

Pampetudungia 20:12

Hai kuitahe tomate au rapatuwo hulemohe, maroa au koi ba au mahile tuwonda, meangkahe i lindo kadera kadatua iti. Tauna au mate maliso i tahi hai ope-ope tauna au ara i paidaa tomate, meangkamohe ope-ope i lindo kadera kadatua iti. Hai rabungkahimi sura, inditi teuki ope-ope babehianda. Mewali, ope-ope tomate au rapatuwo hulemohe ina rahukuhe hintoto hai apa au teuki i lalu sura iti, karahukunda moula babehianda. Hai rabungkahi worimi sura au hambuana, hangana Sura Ngkatuwo.

Pampetudungia 20:4

Roo indo, kuita bahangkia kadera kadatua au rapohudai tauna au raweihe kuasa mobotusi kara-kara. Kuita wori tanoananda tauna au rabohoki tambolonda anti popangakunda kaYesuna Ampunda hai popahawenda Ngkorana Pue Ala. Tauna iti, barahe hambela menomba i binata au kadake ba i lengge binata iti, hai bara worihe modoko tanda binata i wingkenda ba i taienda. Ido hai tuwo hulehe hai moparentahe hihimbela hai Kerisitu i lalu hasabu parena.

Pampetudungia 6:15

I tempo iti, datu-datu i dunia, tuana, tadulako pombeala, topebuku, tauna au makuasa, tauna biasa hawe i hawi, mentabungimohe ope-ope i lalu lia watu ba i kala watu.

Pampetudungia 7:3

“Inee hampai nipakarugi tahi, lorena hai pandulu, ane bara mani kiwoli tanda i wingkenda taunana Pue Ala Amputa, datihe narumpa rugi iti.”