Matiu 9:33 - Sura Malelaha

³³ Yesu mampopelohomi seta hangko i tauna iti, pane peisami mololita. Rapotingkara tauna bosa moita au mewali iti, rauli, “Mahile ntepuu kuasaNa! Bara mani hambela taita au nodo Ia i tamponda to Isaraeli!”

Matiu 9:33 Cross References

Matiu 8:10

Tingkarami Yesu mohadi lolitana tadulako surodado iti. Ido hai Napembalilingihe au meula Iria, Nauli, “Mahile mpuu pepoinalaina tauna ide! Kehapiri i to Isaraeli, bara mani ara hadua Kuhumba au mahile pepoinalaina nodo tauna ide au bara to Yahudi.

Matiu 9:32

Kapadunda tobilo iti, raanti wori i Yesu hadua tauna au mahai. Tauna iti bara peisa mololita lawi napesuangi seta.

Markus 2:12

Mearo mpuumi topalu iti, mololo alena, hai molumaomi lao i olonda tauna bosa. Karaitana tauna bosa apa au mewali iti, tingkaramohe ope-ope, hai motoiahe Pue Ala, rauli, “Bara mani hambela taita au mewali nodo!”

Lukasi 11:14

Hambela tempo, ara hadua tauna au raanti i Yesu. Tauna iti napesuangi seta, hai bara peisa mololita. Yesu mampopeloho seta iti hangko i watana, alana peisa mololita. Mewali tingkaramohe tauna bosa.

Lukasi 7:9

Tingkara Yesu mohadi lolitana tadulako iti. Ido hai membalili i tauna bosa au meula Iria, Nauliangaahe, “Mahile mpuu pepoinalaina tauna ide! Kehapiri i to Isaraeli, bara mani ara hadua Kuhumba au mahile pepoinalaina nodo tauna ide.”