Matiu 9:2 - Sura Malelaha

² Kahawenda, arahe tauna au mokowa hadua topalu au rapopaturu i ale, maihe i Yesu. Kanaitana Yesu kamahilena pepoinalainda, mololitami i topalu iti, Nauli, “AnaNgku, nupakaroho lalumu! Teampungimi dosamu.”

Matiu 9:2 Cross References

Matiu 14:27

Agaiana Nakambaroahe Yesu, Nauli, “Pakaroho lalumi! Ikoto dide! Ineekau langa.”

Matiu 4:24

Pobagona Yesu tebambari i ope-ope boea i tampo Siria, alana bosa tauna au mai mampeinaohe mohidupa hai Ia. Tauna iti moantihe ranganda ba halalunda au mantodiha ngkaia pakana hakinda hai kaparinda, au napesuangi seta, au mohaki dungka, hai au palu. Yesu mopakaohahe ope-ope.

Matiu 6:12

Nuampungi wongkamia hangko i kamasalangki, nodo ikami moampungi woringkai rangangki au masala irikami.

Matiu 8:10

Tingkarami Yesu mohadi lolitana tadulako surodado iti. Ido hai Napembalilingihe au meula Iria, Nauli, “Mahile mpuu pepoinalaina tauna ide! Kehapiri i to Isaraeli, bara mani ara hadua Kuhumba au mahile pepoinalaina nodo tauna ide au bara to Yahudi.

Matiu 8:16

Kalumbami, bosa tauna mai i Yesu moanti ranganda hai halalunda au mahai hai au napesuangi seta. Yesu mampopeloho seta iti hai lolitaNa pea, hai tauna ntanina au mahai Napakaoha worihe.

Matiu 9:22

Membalilimi Yesu i towawine iti hai Nauliangaa, “AnaNgku, nupakaroho lalumu! Maohamoko, lawi mepoinalaiko Iriko.” Tempo iti pea womi, maohami towawine iti.

Matiu 9:5

Umba au mamura rauli: ‘Teampungimi dosamu,’ ba ‘Pearo hai molumaomoko.’

Matiu 9:6

Bona niisa, Iko, Ana Manusia, makuasaNa moampungi dosa i dunia. Ide-ide ina Kupatongawaakau kaarana kuasaNgku moampungi dosa.” Hangko inditi, membalilimi i topalu iti, Nauliangaa, “Mearomoko, nulolomi alemu, hai mesulemoko!”

Markus 1:32

Kalumbami, i katampuna alo, ope-ope tomahai hai au napesuangi tokadake raantimohe i Yesu.

Markus 10:49

Mengkaroomi Yesu, Nauli, “Nikakio mai!” Rakakio mpuumi tobilo iti, rauliangaa, “Patinda lalumu! Meangkamoko, lawi Nakakiomoko!”

Markus 5:34

Yesu mouliangaa towawine iti, “AnaNgku! Maohamoko lawi mepoinalaiko Iriko. Mesulemoko maroa-roa. Maohamoko, barapi ara hakimu.”

Markus 6:50

Langamohe moita Ia. Liliu nauliangaahe Yesu, “Pakaroho lalumi! Ikoto dide! Ineekau langa.”

Yohane 16:33

Ope-ope ide Kuuliangaamokau bona molambikau katinda lalu hangko i pohintuwumi hai Iko. Tangami mani i dunia ide, batemi rapopeahi-ahi. Agaiana nipakaroho lalumi, lawi kuasa tokadake au ara i lalu i dunia ide Kunangimi.”

Yohane 2:25

Bara paraluu rauliangaa tauna kanoumbana manusia, lawi Ia moisa laluna manusia.

Yohane 21:5

Nawotuihe Yesu, nauli, “Halalu, ba arami rasimi?” Rahanai, “Bara huba hambaa.”

Suro 14:9

Topalu iti mohuda mampehadingi Paulu mololita. Paulu mototoki topalu iti, naisami kamepoinalaina, ido hai ia peisa rapakaoha.

Suro 19:12

Kehapiri lencona ba komona pea raanti i tomahai, batenda maoha, hai meloho mpuuhe ope-ope seta au mampopeahi-ahihe.

Suro 23:11

Kaindi iti, i karombenginami Paulu i sou surodado iti, unga pea Pue Yesu meangka i holana Paulu, Nauli, “Pakaroho lalumu. KuposabimoKo inde i Yerusale, hai batena ina kuposabi woriKo i wanua Roma.”

Roma 5:11

Hai bara pea iti, matana mpuu lalunta mampokatana roana Pue Ala au tahumba anti kanapahuruntami Amputa Yesu Kerisitu. Lawi hangko i Yesu Kerisitu, maroami pohintuwuta hai Pue Ala.

Yakobu 2:18

Manoto ara au ina manguli node, “Hadua tauna meharunga i pepoinalaina, hai tohaduana meharunga i babehiana au maroa.” Agaiana kuuli: ane bara maroa babehiamu, bara ina raita pepoinalaimu iti. Hangko i babehiangku au maroa, ina kupopaitaa woriko pepoinalaingku i Pue.