Matiu 26:55 - Sura Malelaha

⁵⁵ I tempo iti, nauli mbuli Yesu i tauna bosa, “Tauna kadakeriNa pae dide, pane moantikau piho hai pewombe mai mohakaNa? Alo-alona mohudaNa mepaturo i Souna Pue Ala. Moapari hai baraNa nihaka i tempo iti?

Matiu 26:55 Cross References

Matiu 21:23

Roo indo, Yesu mesua i lalu Souna Pue Ala hai mepaturo. Tangana mepaguru, hawemohe kapala-kapala tadulako mpenomba hai totosaenda to Yahudi mekune Iria, rauli, “Nuuliangaangkai, hangko iumba kuasaMu mobabehi ope-ope iti i Souna Pue Ala? Hema au moweiKo kuasa iti?”

Matiu 26:47

Tangana mani Yesu mololita, hawemi Yudasi, hadua hangko i topeguruNa au hampulo hai rodua, hihimbela hai bosa tauna au moanti piho hai pewombe. Tauna iti ratuduhe kapala-kapala tadulako mpenomba hai totosaenda to Yahudi bona laohe mohaka Yesu.

Markus 10:1

Meangkami Yesu hangko i boea Kapernaum lao i tampo Yudea hai i tampo au ara ntanda i orupena owai Yarade. Bosahe tauna hawe motoleliki, hai Ia mopaturohe nodo biasana.

Markus 12:35

I tempona Yesu mepaguru i tabangaa Souna Pue Ala, Nauli, “Moapa hai rauli guru agama Datu Topehompo iami pemuleana Datu Daudi?

Lukasi 19:47

Alo-alona Yesu mepaguru i Souna Pue Ala. Kapala-kapala tadulako mpenomba hai guru-guru agama hai totosaenda to Yahudi mampeinaohe mopapate Yesu,

Lukasi 20:1

Hambela tempo, Yesu mepaturo hai mopahawe Ngkora Marasa i tauna bosa au mogulu i Souna Pue Ala. Unga peahe hawe kapala-kapala tadulako mpenomba hai guru-guru agama hai totosaenda to Yahudi. Mekunehe i Yesu, rauli,

Lukasi 4:20

Karoona mobasa, Nawilolo hulemi sura iti, Napopesule i ampu bago, pane mohudami hai mepongka mepaturo. Ope-ope tauna i lalu sou penombaa iti metotokihe iria lawi mampeinaohe mohadi lolitaNa.

Yohane 7:14

I tanga mposusa iti, Yesu mesua i lalu Souna Pue Ala, hai mepongkami mepaguru.

Yohane 7:28

Mewali, tangana Yesu mepaguru i lalu Souna Pue Ala, mololitami masisimbuku, Nauli, “Niisa kahemaNgku hai kahangko iumbaKu. Agaiana maiNa bara anti peundeaKu haduduaNgku; maiNa moula peundeana UmaNgku au motuduNa mai. Iami au hintoto rapoinalai. Agaiana ikamu, Ia bara niisa.

Yohane 8:2

Kahalona madondo-dondo, lao mbulimi Yesu i Souna Pue Ala. Maimi rahungkuki tauna bosa, hai mohudami Ia mepaguru i tabangaa Souna Pue Ala.

Yohane 8:20

Ope-ope iti napahawe Yesu tangana mepaguru i tabangaa Souna Pue Ala i hola peti pambolia doi popenomba. Agaiana bara mani rahaka, lawi bara mani hawe tempoNa.