Matiu 21:12 - Sura Malelaha

¹² Hangko inditi, mesuami Yesu i tabangaa Souna Pue Ala. Inditi, Nawurahe ope-ope tauna au mobalu-balu. Nadungkami mejanda topointolohi doi, hai Nadungka wori pohudaanda topobalu-balu tadasi manggebodo.

Matiu 21:12 Cross References

Markus 11:11

Kahawena Yesu i wanua Yerusale, liliu mesua i lalu Souna Pue Ala. Inditi Ia moparesa mantoleli Sou iti. Roo indo, lawi ina kaindimi, mesule mbulimi hai topeguruNa, laohe mohambengi i boea Betania.

Lukasi 2:24

Ido hai moanti worihe popenombanda i Pue Ala nodo au tepakanoto i lalu Sura Aturana Musa: hamboko tadasi tokuku ba rombaa ana tadasi manggebodo.

Yohane 2:13

Ina hawemi tempona alo mahile agama Yahudi au rauli Alo Posusa Pasa, laomi Yesu i Yerusale.