Matiu 12:35 - Sura Malelaha

³⁵ Tauna au maroa, batenda mohowara apa au maroa, lawi lalunda buke roa. Tauna au kadake, batenda mohowara apa au kadake, lawi lalunda buke dake.

Matiu 12:35 Cross References

Matiu 12:34

Ikamu tauna au kadake! Bara mpuukau peisa mohowara lolita au maroa anti kakadakena lalumi. Lawi apa au ara i lalunta, iti wori au mesuwu i humenta.

Matiu 13:52

Hangko inditi, Nauliangaa mbulihe, “Ane nodo, ara mbuli hampaka ngkora pandiriKu: ane ara hadua guru agama to Yahudi au meula Iriko hai au rapaguru paturo kana i poparentana Pue Ala, guru agama iti peisa rapandiri nodo ampu sou au ara anu-anuna au hae hai ara wori anu-anuna au wou.”

Matiu 7:17

Kau au marudu, maroa wuana. Kau au maduhu, bara maroa wuana.

Lukasi 6:45

Nodo wori i manusia. Tauna au maroa ina mohowara apa au maroa, lawi lalunda buke roa. Tauna au kadake ina mohowara apa au kadake, lawi lalunda buke dake. Lawi apa au ara i lalunta, iti wori au mesuwu hangko i humenta.”

Epesu 4:29

Inee ara lolita kadake mesuwu hangko i humemi. Agina mohowarakau lolita au hintoto au ina motulungi hai mopakaroho laluna hangka rangami. Lolita au nodo ina moanti roa ngkatuwo i tauna au mohadi.

Kolose 3:16

Hangangaa nipailalu liliu Ngkorana Kerisitu. Mombepakaroho mpolalumokau hai mombepaturokau moula sukana kanotona lalumi. Mampolingakau nani petoia, hai nani pepomahile, hai nani ntanina au naweikau Inao Malelaha. Hangko i lalumi mpuu, monanikau manguli ngkaia kamaroana i Pue Ala.

Kolose 4:6

Ane molololitakau hai ihira, nipamaalusu lolitami bona moantikau katuwo maroa irihira. Hai nipekiri maroa apa au nipahaweahe bona niisa mohanai pampekunenda.