Matiu 11:19 - Sura Malelaha

¹⁹ KamaiNgku Ana Manusia, maenuNa anggoro hai maandeNa. Agaiana nisapuaka woriNa, niuli, ‘Peita! Topehioro, tomalangu, ranganda toperuru asele hai tomadosa!’ Agaiana nauri nodo, kamanotona rarana Pue Ala tongawa i lalu katuwonda tauna au mampeulai peundeaNa.”

Matiu 11:19 Cross References

Matiu 5:46

Ane mampokaahi peakau tauna au mampokaahikau, babehiami iti barakau ina nahurungia Pue Ala. Mogalori toperuru asele au niimba nodo topodongko, maahihe i tauna au mampokaahihe.

Lukasi 14:1

Hambela tempo i Alo Pengkarooangaa, Yesu lao maande i souna hadua tadulakonda toParisi. Tangana i sou iti, bosa tauna mokamata lawi mohaokihe kamanawoNa.

Lukasi 19:7

Karaitana tauna bosa apa au mewali iti, mohume-humemohe, rauli, “Ae, moapari pane Ia mesonda i souna tomadosa?”

Lukasi 7:29

Lolitana Yesu iti rahadi ope-ope tauna, tepesua toperuru asele. Tauna bosa iti mampokanamohe ope-ope tunggaiana Pue Ala, lawi roomohe mampoperiu i Yohane.

Yohane 2:2

Yesu hai topeguruNa rakakio worihe lao i posusa iti.

Roma 15:2

Ikita ope-ope hangangaa mobabehi au mopamatana laluna ranganta hai au motulungi ranganta bona tapakaroho pepoinalainda.

Pampetudungia 7:12

rauli, “Amin! Tatoiami Amputa Pue Ala, Tapomahile hangaNa, Taadai kamapandeNa, Tauli ngkaia kamaroana Iria, Tabila Pue Ala, Tabambari kamarohoNa, Takatuinao kamakuasaNa, hawe i hae-haena! Amin.”