Matiu 10:27 - Sura Malelaha

²⁷ Apa au Kuuliangaakau au bara rahadi tauna ntanina, hangangaa nipololita i ope-ope tauna. Apa au Kukaneniakau i talingami, nipasimbuku kanipahawena i talinganda tauna bosa.

Matiu 10:27 Cross References

Matiu 24:17

Tauna au mohuda-huda i pengkangkalahea i wongko sou, ineehe mesua i lalu sou mangala ba apa-apa.

Lukasi 12:3

Mewali, apa au nipololita i kakaindiana batena ina tewungkehi i kabaakana. Hai apa au nikanenia rangami i lalu soumi au tetuko, batena tebambari i humalele boea.”

Lukasi 8:10

Nahanaihe Yesu, Nauli, “Hangkoia, tewuniangi mani paturo kana i poparentana Pue Ala. Ide-ide naweikau Pue Ala pekiri bona niisa lempona paturo iti. Agaiana tauna bosa, Kupaturohe hai ngkora pandiri bona lempona tewuniangi irihira. ‘Meitatohe, agaiana bara raisa lempona apa au raita. Mehaditohe, agaiana bara raisa tunggaiana apa au rahadi.’

Yohane 16:1

“Ope-ope ide Kuuliangaakau bona dati tekabaha pepoinalaimi Iriko.

Yohane 16:13

Ane hawe Inao Malelaha, Ia au ina moninikau hai mampopaisaakau ope-ope paturo au tou. Ia bara mololita moula peundeaNa. Apa au Nahadi hangko i UmaNgku, iti au Napololita. Hai Ia ina mopahaweakau apa au mewali i alo au ina mai.

Yohane 16:25

“Ope-ope ide Kupololitami irikamu hai ngkora pandiri. Agaiana hambela tempo barapoNa mopake ngkora pandiri. Ina Kupololitaakau kana i UmaNgku i katotongawaana.

Yohane 16:29

Rauli topeguruNa, “Pue, ide-ide tongawami apa au Nupololita, lawi barapoKo mopake ngkora pandiri.

Suro 17:17

Ido hai i sou penombaa, Paulu mombepakana i lolita hai to Yahudi hai tauna ntanina au mesua agama Yahudi. Alo-alona Paulu mopaturo worihe hema-hema pea au nalambi i pobalu-balua.

Suro 5:20

“Laomokau i Souna Pue Ala, nipahawe ope-ope Ngkora kana katuwo au wou i tauna bosa.”

Suro 5:28

“Kikontomokau hangkoia, ineekau mepaturo mokabelai hangana Yesu. Peita au nibabehi! I humalele wanua Yerusale bosa tauna mampehadingi paturomi iti! Ba nipehangu ikami au masala i karapapatena tauna iti?”

2 Korintu 3:12

Mewali, anti peharungangki i dandina Pue Ala au wou, ido hai barangkai langa mopahawe Ngkora Marasa i kanoto-notoana.