Lukasi 5:11 - Sura Malelaha

¹¹ Roo indo, modiimohe duanganda i lorena hai mopalehihe ope-ope anu-anunda, pane meulahe i Yesu.

Lukasi 5:11 Cross References

Matiu 10:37

Hema au melumbu pampokakaiana inana ba umana pane pepokaahina Iriko, bara hintoto mewali topeulaNgku. Hema au melumbu pampokakaiana anana pane pepokaahina Iriko, bara hintoto mewali topeulaNgku.

Matiu 19:27

Hangko inditi, nauli Peturu i Yesu, “Noumbami ikami? Kipalehimi hinangkana bona kiulaKo. Apa au ina kihumba?”

Matiu 19:29

Hema au mopalehi halaluna, inana ba umana, anana ba souna ba bondena lawi meula Iriko, batena molambi hurungina hangatu belana hangko i apa au napalehi, hai molambi wori katuwo maroa au bara mokahopoa.

Matiu 4:20

Rapalehi mpuumi dalanda, hai mepongka alo iti, meulamohe i Yesu.

Matiu 4:22

Rapalehimi duanganda hai umanda, hai meula worihe i Yesu.

Markus 10:21

Yesu mototoki tauna iti lawi maahi laluNa, pane Nauliangaa, “Ara mani hampaka au hangangaa nubabehi. Laomoko hampai mampobalu hinangka anu-anumu, hai holona nuweihe tauna au meahi-ahi tuwonda. Ane nubabehi nodo, ina mahile hurungina au nuhumba i lalu suruga. Roo indo, maimoko meula Iriko.”

Lukasi 5:28

Meangka mpuumi Lewi mopalehi hinangka anu-anuna, pane meula Iria.