Epesu 6:19 - Sura Malelaha

¹⁹ Hai nipekakaea worina bona i tempoku mololita, Pue Ala moweina lolita au manoto bona datina langa mopahawe Ngkora Marasa au tewuniangi hangkoia.

Epesu 6:19 Cross References

Kolose 4:3

Hai nipekakaea woringkai bona nabungkahiangkai Pue Ala rara mopahawe NgkoraNa au mampololita tunggaiaNa au napabukei Kerisitu. Hangkoia tunggaiaNa iti tewuniangi mani, agaiana ide-ide bambari kana i Kerisitu kupahawemi. Ido hai ratarungguna.

Suro 4:29

Pue, ide-ide Nuhadimi lolitanda tauna au mampopalangangkai! Ido hai kiperapi Irio bona ikami hawiMungkai ide, Nuweingkai roho lalu datingkai langa mopahawe NgkoraMu.

2 Tesalonika 3:1

Mewali, halalu, kiperapi bona nipekakaea woringkai. Mekakaekau i Pue Ala bona kabosa-bosaa tauna au mohadi hai modoko Ngkorana Pue, nodo au mewali irikamu hangkoia.

1 Tesalonika 5:25

Halalu, kiperapi bona nipekakaea woringkai.

Ibarani 13:18

Kiperapi bona nipekakaea liliungkai. Kiisa kabulana lalungki, lawi i paka-pakana kipeinao mobabehi liliu au manoto.

Suro 4:31

Karoonda mekakae, modua-duami sou au rapaidai, hai nakuasaimohe Inao Malelaha. Ido hai bai mpuumohe mopahawe Ngkorana Pue Ala i tauna bosa.

1 Tesalonika 2:2

Niisami tuntukana halalu! Hangko damaningkai hawe i boeami, rapopeahi-ahingkai hai rakakabosaingkai i wanua Pilipi. Hai nauri raewangkai tauna, Pue Ala mopakaroho lalungki datingkai langa mopaliliu pobagongki mopahaweakau Ngkora Marasa au hangko i Pue Ala.

2 Korintu 8:7

Halalu, i paka-pakana ikamu tepaiwongkomokau: tepaiwongkokau i pepoinalaimi, i paturo au tou, i kapandemi mepaturo, i kaniisana metulungi, hai i kamahilena kamaahimi irikami. Idomi halalu hai kuperapi hangangaa tepaiwongko worikau i lalu pobagomi motulungi rangami au meahi-ahi tuwonda.

Epesu 1:9

Moula peundeaNa, Napopaisaamoke tunggaiaNa au tewuniangi mani. TunggaiaNa iti iami bona hinangkana, maroa au i suruga ba i dunia, ina Napahintuwuhe hai Kerisitu au mewali tadulako i hinangkana. Hai tunggaiaNa iti batena Napopewali melempo i Kerisitu ane hawemi tempona.

1 Korintu 4:1

Ane ikami, agina niuli peamongkai hawi, lawi hawinangkai Kerisitu, au Naharungangkai moanti bambari hangko i Pue Ala au bara mani raisa tauna i dunia.

Suro 28:31

Hai bara ara kalanga-langana mopahaweahe kana i poparentana Pue Ala hai kana i Pue Yesu Kerisitu. Hinangkana iti, bara ara au mosalempori.

Suro 19:8

I lalu talu wulana Paulu i wanua Epesu, ia lao liliu i sou penombaanda to Yahudi. Ia mopaturo tauna au teruhu inditi, hai bara langa-langa mopakanotoahe kana i poparentana Pue Ala bona rapoinalai.

Suro 13:46

Agaiana Paulu hai Baranaba pebaihe mouliangaa to Yahudi iti, “Katouana, Ngkorana Pue Ala nguru-nguruna hangangaa rapahawe hampai irikamu to Yahudi, agaiana bara nidoko. Ikamu haduduami au mopakanoto kadami hintoto molambi katuwo maroa au bara mokahopoa. Ido hai ina kipalehimokau lao i tauna au barahe to Yahudi!

Pilemo 1:22

Hai kuperapi wori bona nupasilolongaana haogu lincu i soumu, lawi kuharunga Pue Ala ina mohanai pekakaemi bona tekabahana hangko i tarunggu ide, alana peisakau kusondaki.

Kolose 2:2

Tunggaiaku bona maroho lalumi hai mombepokaahikau, alana mohintuwukau hadua hai hadua. Peundeaku bona tongawa i lalumi tunggaiana Pue Ala au tewuniangi hangkoia hai bara bata-bata lalumi; tunggaiaNa iti bona moisakau Kerisitu.

2 Korintu 3:12

Mewali, anti peharungangki i dandina Pue Ala au wou, ido hai barangkai langa mopahawe Ngkora Marasa i kanoto-notoana.

1 Korintu 1:5

Anti pohintuwumi hai Kerisitu, Naweimokau hinangkana pewati au mobundu i katuwomi: Napopaisaamokau paturo au tou, hai Naweimokau kapande mopahawe paturo iti.

Suro 14:3

Maidamohe Paulu hai Baranaba bahangkia kamahaena i wanua iti. Barahe langa mopahawe bambari kana i Pue. Pue moweihe kuasa mobabehi tanda au metingkarai bona manoto i ope-ope tauna katouna Ngkora Marasa au raanti. Ngkora Marasa iti mampololita kabulana laluna Pue Ala au mowei katuwo maroa i manusia.

Suro 9:27

Agaiana laomi Baranaba mampohimada Saulu, hai naporangai lao i suronahe Pue Yesu. Baranaba motuntuahe noumba Saulu moita Pue Yesu i polumaona lao i wanua Damsik, hai noumba Pue mololita iria. Napahawea worihe kapebaina Saulu mopahawe bambari kana i Pue Yesu i Damsik.

1 Timotiu 3:16

Maroa ntepuu paturo au tapeulai anti pengkorunta i Pue Ala. Hangkoia paturo iti bara raisa tauna, agaiana ide-ide natudungiamoke Pue Ala. Lawi idemi au tapoinalai kana i Yesu Kerisitu: Iami au mewali manusia, au napakanoto Inao Malelaha, hai au raita malaeka. BambariNa rapahawe i tauna au bara manihe moisa Pue Ala, hai Ia rapoinalai tauna i humalele dunia, hai naore Pue Ala lao i suruga i lalu peawaNa.

2 Korintu 7:4

Halalu, barana langa mololita irikamu i katou-touana. Matana mpuu lalungku lawi meulakau i Pue. Kehapiringkai narumpa ngkaia kapari, agaiana anti kaikamuna, tepalindo lalungku hai matanana.

2 Korintu 1:11

Hai nipekakaea woringkai. Lawi ane bosa tauna mampekakaengaangkai, Pue Ala ina motulungingkai, alana bosa tauna ina manguli ngkaia kamaroana Iria.

1 Korintu 2:7

Au kipahaweakau, iami kapande au hangko i Pue Ala. Mopahawengkai tunggaiana Pue Ala moweike katuwo au meawa i alo au ina mai. TunggaiaNa iti, bara mani raisa tauna hangkoia. Agaiana hangko damani dunia ide rapopewali, Pue Ala mopakanoto amimi kaina Naweinta katuwo au meawa iti.

Roma 15:30

Halalu! Mohintuwumoke hai Amputa Yesu Kerisitu, hai mombepokaahimoke anti pokalena Inao Malelaha i lalunta. Ido hai kuperapi bona mekakaekau i Pue Ala, nipekakaea wongkoia i lalu pobagongku.

Suro 18:26

I tempo iti, napepongkami Apolo mololita i sou penombaanda to Yahudi hai bara ara kalangana. Karahadina Priskila hai Akwila lolitana, rakakiomi lao i sounda hai rapakanotoa mbuli Ngkorana Pue Ala au bara mani naisa.

Suro 4:13

Tingkara mpuumohe tadulako iti moita kapebainda Peturu hai Yohane mololita. Apa mani Peturu hai Yohane, tauna biasa peahe au barahe mosikola. Raisa wori ihirami au hihimbela hai Yesu.

Suro 2:4

Roo indo, ope-ope tauna iti nakuasaimohe Inao Malelaha, hai mepongkamohe mololita i lalu ngkaia pakana basa au bara mani raisa, moula apa au napakanotoahe Inao Malelaha.

Suro 9:29

Ia mololita hai mampombehehea to Yahudi au mobasa Yunanihe. Ido hai to Yahudi iti, rapeinao mopapate Saulu.

Roma 16:25

Toiami Pue Ala! Lawi Iami au makuasa mopakaroho pepoinalaimi anti Ngkora Marasa au kupahaweakau bona niisa kahemana Yesu Kerisitu. Iatunami parena, tunggaiana Pue Ala iti bara raisa tauna.

2 Korintu 6:11

Halalungku to Korintu! Lolitangki manoto, hai bara ara au kiwuniangi irikamu. Niita mpuumi kamaahina lalungki irikamu.

Epesu 3:9

Nawei worina Pue Ala bago mopakanotoahe ope-ope tauna, noumba Pue Ala au mampopewali langi hai tampo ina mampobago tunggaiaNa au tewuniangi hangkoia.