2 Peturu 1:13 - Sura Malelaha

^13-14 Lawi kuisami barapi mahae ina hawe alongku, nodo au nauliangaana Amputa Yesu Kerisitu. Mewali, tempoku mani tuwo, hangangaa kupopaingaa liliukau ope-ope ide.

2 Peturu 1:13 Cross References

2 Korintu 5:8

Ido hai maroho liliu lalunta. Kehapirike mate, taporasi lawi ane mogaake hai watanta ide, tanoananta ina hihimbela hai Pue.

Pilipi 1:7

Hintoto mpuu pekiringku nodo, lawi kupokakaiakau. I lalu bagongku au naweina Pue Ala hangko i kabulana laluNa, nidurei liliuna, maroa ide-ide tangangku i lalu tarunggu, maroa i tempoku mosabi hai mopakaroho katouna Ngkora Marasa.

Pilipi 3:10

Kupeinao moisa ntepuu Kerisitu i lalu katuwongku, bona mohadiana kuasaNa i lalu katuwongku, iami kuasa au mopatuwo hule Yesu hangko i kapate. Kupeinao molambi kapari hai kapate, nodo au Nahumba Yesu,

2 Timotiu 1:6

Mewali Timotiu, Kupopaingaako kana i bago au naweiko Pue Ala hangkoia, i tempoku moona taiengku i tanoanamu motawiko. Ido hai kuperapi bona nupakaroho mpuu lalumu mampopolumao liliu bago iti.

Ibarani 13:3

Hangangaa mokatuinaokau rangami au i lalu tarunggu. Hangangaa nihalea kaparinda nodo worikau ratarunggu hihimbela hai ihira. Hai nitulungihe tauna au rapopeahi-ahi anti pepoinalainda. Hangangaa nihalea kamaparinda nodo worikau au rapopeahi-ahi hihimbela hai ihira.

2 Peturu 1:12

Mewali halalu, nauri niisa ope-ope ide, hai nauri maroho peulami i paturo au tou, agaiana barana oha-oha mampopaingaakau paturo ide.

2 Peturu 3:1

Halalungku au kupokaahi! Idemi surangku au karombelana irikamu. I lalu surangku au nguru-nguruna hai au karombelana ide, kuhuweki lalumi hai kupopaingaakau paturo au tou bona malelaha pekirimi.