1 Tesalonika 3:3 - Sura Malelaha

³ Kiuliangaa nodo bona dati ara hadua au mousuli hangko i pepoinalaina anti kapari au morumpakau. Lawi niisato halalu, kapari au morumpake ide moula tunggaiana Pue Ala.

1 Tesalonika 3:3 Cross References

Suro 14:22

I ope-ope boea au rapolumaongi, Paulu hai Baranaba mohuweki hai mopakaroho lalunda tauna au mepoinalai i Yesu bona tetida pepoinalainda, rauliangaahe, “Ikita hangangaa molambi ngkaia pakana kapari hangko damanike mesua i lalu poparentana Pue Ala.”

Roma 5:3

Hai bara iti pea, matana worike i lalu kapari au morumpake, lawi taisa hangko i kapari iti, meguruke bona mantaha.

Suro 9:16

Hai ina Kutudungia wori hinangka kapari au hangangaa nahalea anti pobagona Iriko.”

Yohane 16:33

Ope-ope ide Kuuliangaamokau bona molambikau katinda lalu hangko i pohintuwumi hai Iko. Tangami mani i dunia ide, batemi rapopeahi-ahi. Agaiana nipakaroho lalumi, lawi kuasa tokadake au ara i lalu i dunia ide Kunangimi.”

1 Korintu 15:58

Mewali halalu au kupokaahi, hangangaa nipakaroho pepoinalaimi. Inee bata-bata lalumi. Hangangaa nipopolumao liliu bagona Pue, lawi niisa apa au nipobago i Pue bara ina mbero-mbero.

Suro 21:13

Agaiana nahanairingkai, nauli, “Moapari hai moteriakau? Ineekau mopamalede lalungku! Kehapiri rahiluna ba rapapate mpuuna anti peulangku i Pue Yesu, masilolongamona lao i Yerusale.”

1 Tesalonika 5:9

Napileike Pue Ala bona barake rahuku, agaiana Napileike bona molambike katuwo maroa i lalu kaNahoremanta Amputa Yesu Kerisitu.

1 Korintu 4:9

Agaiana, moula pelambiaku, ikami surona Pue Yesu napopewalimongkai Pue Ala tauna au meahi-ahi tuwona hangko i ope-ope tauna. Ikami rapahimbela hai tauna au ina rahuku mate i lindonda tauna bosa. Tepaiwoi tuwongki i lindonda manusia hai malaeka.

1 Peturu 2:21

Idomi pongkana pane nakakiokau Pue Ala bona maroa babehiami kehapirikau rapopeahi-ahi. Lawi Kerisitu mohalea kapari anti kaikamuna, hai Ia mewali pandiri irikamu bona nipeulai poantiNa.

Kolose 1:23

ane mepoinalai liliukau, mantahakau, hai barakau mampogiangaa tauna mopakanawokau. Mewali halalu, hangangaa nipakaroho peulami i paturo au nihadimi. Ineekau mokabaha peharungami i apa au nadandiamokau Pue Ala i lalu Ngkora Marasa. Ngkora Marasa iti rabambarimi i humalele dunia. Hai iko wori, mewalina hawina Pue au mopahawe Ngkora Marasa iti.

Epesu 3:13

Ido hai pane kuperapi bona inee masusa lalumi mohadi karapopeahi-ahingku hai karatarungguku anti poantiku Ngkora Marasa irikamu, lawi apa au kutodiha ide moanti pewati irikamu.

Suro 2:25

Lawi arami lolitana Datu Daudi hangkoia kana i Yesu au manguli: ‘Kukatuinao liliu Pue; Lawi Napohiolaa peamona, idomi hai maroho liliu lalungku.

Yohane 16:2

Ina rawurakau hangko i sou penombaa. Hai bara iti pea, agaiana hambela tempo ane tauna mopapatekau, ina rauli, itimi peundeana Pue Ala.

Lukasi 21:12

Agaiana hangko damani ope-ope iti mewali, ikamu ina rahaka hai rapopeahi-ahi. Ina rasalaikau i lalu sou penombaa hai ratarunggukau. Anti peulami Iriko, ikamu ina rahuhu i datu hai topoparenta.

2 Timotiu 1:8

Ido hai kuweiko lolita bona ineeko maea mewali sabina Pue Yesu, hai inee woriko maea manguli kaikona rangamu nauri ratarungguna anti pobambaringku Ngkorana Pue. Mewali oio wori hangangaa masilolonga mohalea kapari anti pobagomu mobambari Ngkora Marasa. Pue Ala moweiko roho mohalea kapari iti.

2 Tesalonika 1:4

Ido hai i jumaa ntanina, kitoiakau i lindonda halalunta hampepepoinalai. Anti kamatanangki, ido hai kiuliangaahe: “To Tesalonika iti, nauri rapopeahi-ahihe hai narumpahe kapari, batena mepoinalai liliuhe i Pue Yesu.”

Pampetudungia 2:13

Nauli: Kuisa iumba paidaami. Maidakau i wanua pohudaana Datu Tokadake. Agaiana nipangaku liliuNa. I karapapatena sabiNgku Antipas, bara nisapuaka kanipoinalaiNgku. Antipas iti iami sabiNgku au mopangaku liliuNa duuna rapapate i boeami au nakuasai Datu Tokadake.

Pampetudungia 2:10

Bona niisa: Datu Tokadake ina motarunggu hanggaa hangko irikamu, hai ina nakelokau bona mousulikau hangko i pepoinalaimi. Ina rapopeahi-ahikau hampulo alona kamahaena. Agaiana inee nipokalanga pepopeahi-ahi iti. Hangangaa mantahakau i lalu pepoinalaimi kehapirikau rapapate. Ane nodo nibabehi, ina Kuweikau katuwo maroa au bara mokahopoa, hurungina penangimi.

Pilipi 1:28

Inee mpuukau langa i tauna au moewakau, lawi iti au mopakanotoahe kaina nahukunda Pue Ala, hai ikamu halalu manotomi kaina nahoremami Pue Ala.

Suro 21:11

Ia mangala pampouna Paulu, napopohilu bitina hai taiena haduduana. Roo indo, Agabus mololita, nauli, “Idemi lolitana Inao Malelaha: ampu pampou ide ina rahaka to Yahudi i Yerusale. Ia ina rahilu node, hai rahuhu i tauna au barahe to Yahudi.”