1 Peturu 2:17 - Sura Malelaha

¹⁷ Niadaihe ope-ope tauna. Nipokaahi halalumi hampepepoinalai, mengkorukau i Pue Ala, hai nibila datumi.

1 Peturu 2:17 Cross References

Matiu 22:21

Rahanai, “Lenggena hai hangana Kaisar.” Nauli Yesu, “Ane nodo, niwei Kaisar apa au hintoto rawei Kaisar, hai niwei Pue Ala apa au hintoto rawei Pue Ala.”

Yohane 13:35

Ane mombepokaahikau, ina raisa ope-ope tauna ikamu topeguruNgkukau.”

Roma 12:10

Mombepokaahikau hadua hai hadua nodo topohalalu, hai mombeadaikau.

Roma 13:7

Nibaiari ope-ope i tauna apa au hintoto nibaiari. Nibaiari asele ba pobaiari au ntanina i topoparenta. Mengkorukau i tauna au hintoto rapengkorui. Bila tauna au hintoto rabila.

2 Korintu 7:1

Halalu-halalu au kupokaahi, anti kanaweinta Pue Ala dandiNa iti, ido hai hangangaa takabaha hinangkana au moantike i babehia au kadake, maroa au i watanta ba i lalunta. Hangangaa mampeulai mpuuke peundeana Pue Ala, hai hangangaa langake mobabehi apa pea au bara moula peundeaNa.

Epesu 5:21

Hangangaa mombepengkoruikau hadua hai hadua anti pebilami i Kerisitu.

Pilipi 2:3

Ineekau mopaioru peundeami haduduami, ineekau mampemahile. Agina mengkaiwoike hadua hai hadua, hai hangangaa taimba ranganta melumbu hangko irikita.

1 Timotiu 6:1

Halalunta hampepepoinalai au hawi tuwonda, nupaturohe bona mobilahe hai mampeulaihe ampunda i hinangkana dati ara hadua tauna au mopapakoi hangana Pue Ala ba mosapuaka paturonta.

Ibarani 13:1

Mombepokaahi liliukau hadua hai hadua nodo topohalalu.

1 Peturu 1:22

Ide-ide, malelahamokau anti pampeulaimi paturo au tou, ido hai niisami mampokaahi halalumi hampepepoinalai i katou-touana. Mewali kuweikau lolita bona mombepokaahikau hadua hai hadua hangko i lalumi mpuu.

1 Peturu 2:13

Mengkorukau i ope-ope topoparenta au napakanoto manusia, lawi nodomi peundeana Pue Ala. Mengkorukau i datu, lawi iami au tepaiwongko.

1 Peturu 5:5

Nodo wori ikamu au mangura mani, hangangaa mengkorukau i tosae. Ope-opekau hangangaa mengkaiwoi hai mombetulungi. Lawi: “Pue Ala moewahe tauna au mampemahile, agaiana tauna au mengkaiwoi Natulungihe.”