1 Korintu 8:6 - Sura Malelaha

⁶ Agaiana irikita, hadua pea Pue Ala, iami Umanta au mampopewali hinangkana au ara; Ia pea pongkana katuwonta. Hai hadua wori Amputa, Yesu Kerisitu, Iami au napopatoa Pue Ala mampopewali hinangkana au ara. Iami au moweike katuwo.

1 Korintu 8:6 Cross References

Matiu 11:27

Roo indo, nauli mbuli Yesu, “Hinangkana NaweimoNa UmaNgku. Bara ara hadua au moisaNa, Iko Anana Pue Ala, batena pea UmaNgku au moisaNa. Nodo wori, bara ara au moisa UmaNgku, batena pea Iko AnaNa hai hema pea au Kupopaisaa.

Matiu 28:18

Yesu mohungkuki topeguruNa, Nauliangaahe, “Ope-ope kuasa i suruga hai i dunia rahuhuamoNa.

Yohane 1:10

Ia au napopatoa Pue Ala mampopewali dunia ide. Agaiana i tempoNa ara i dunia, Ia bara raisa kahemaNa.

Yohane 1:3

Iami au napopatoa Pue Ala mampopewali hinangkana au ara. Bara ara hampaka au mewali ane bara Ia.

Yohane 10:30

Iko hai UmaNgku, hadua peaNgkai.”

Yohane 13:13

NikakioNa Guru hai Pue. Lolitami iti tou, lawi tou mpuu Ikomi Guru hai Pue.

Yohane 14:20

Ane hawe tempo iti, ina niisa Iko mohintuwuNa hai UmaNgku, hai ikamu mohintuwukau hai Iko, nodo wori Iko mohintuwu hai ikamu.

Yohane 17:3

Au Kutunggai hai ‘katuwo maroa au bara mokahopoa’ iami: Moisahe kaOiona Pue Ala au tou, au bara ara karoduaNa, hai moisa worihe Yesu Kerisitu au Nutudu mai i dunia.

Yohane 20:17

Nauli Yesu i Maria, “IneeNa nukingki, lawi bara maniNa mengkaore lao i UmaNgku. Laomoko i halaluNgkuhe, nuuliangaahe ina laomona i UmaNgku hai Umamu wori, Pue AlaNgku hai Pue Ala au nipenombai.”

Suro 17:28

Lawi idemi lolitanda toiorunta: ‘Hangko Iria pea katuwonta. Ido hai peisake maida hai mokale i dunia ide.’ Himbela wori au nauki hadua toiorumi hangkoia, nauli: ‘Ikita ope-ope napoanamoke Pue Ala.’

Suro 2:36

Hangko inditi, napahopomi Peturu lolitana, nauli, “Mewali, ido hai ikamu to Yahudi, hangangaa nipakanoto i lalumi apa au kuuli ide: Yesu au nipaku i kau mombehape, Iami au napilei Pue Ala mewali Amputa hai Datu Topehompo.”

Suro 5:31

hai Napopohuda ntanda i koanaNa. Naweimi kuasa mewali Tadulako hai Topehorema bona to Isaraeli menosohe hangko i dosanda hai molambihe peampungi.

Roma 11:36

Lawi ope-ope au ara, napopewali hai nakuasai Pue Ala bona Ia pea au rapomahile. Tetoiami Pue Ala hawe i hae-haena! Amin!

1 Korintu 12:3

Ido hai kupopaisaakau, hadua tauna au mololita anti peninina Inao Malelaha, bara ina manguli, “Hararami Yesu!” Nodo wori bara ara hadua tauna au manguli, “Yesu iami Pue!” ane bara nanini Inao Malelaha.

1 Korintu 6:13

Ara wori lolita, “Paande mobundu i tainta, hai tai mobundu rapoihii paande.” Tou lolita iti, agaiana hambela tempo hinangkana iti ina napatuna Pue Ala. Agaiana watanta ide bara napopewali Pue Ala bona mebualosike. Watanta hangangaa tapake mobabehi peundeana Pue. Iami ampuna watanta.

1 Korintu 8:4

Mewali, kana i paande au rapopenomba i anitu, niuli peisa raande, lawi taisa kadana ara pue ntanina, batena pea Pue Ala. Hai taisa ope-ope lengge anitu au rapenombai, bara ara au tou.

Epesu 1:3

Tatoiami Pue Ala, Umana Amputa Yesu Kerisitu, au mowatike hai hinangka pewati au maroa hangko i suruga, anti pohintuwuta hai Kerisitu.

Epesu 3:14

Ido hai halalu au barakau to Yahudi, ane kukatuinao ope-ope pewati au nihumba anti pohintuwumi hai Kerisitu, batengku molingkudu i lindona Pue Ala Umanta.

Kolose 1:6

Ngkora Marasa iti, tebambarimi i humalele dunia alana kabosa-bosaa tauna au mepoinalai i Pue Yesu hai mobabehi apa au maroa. Himbela hai au mewali irikamu, halalu. I kamohadimi Ngkora Marasa iti, liliumokau mepoinalai i Pue Yesu, alana moisa ntepuukau kabulana laluna Pue Ala irikita.

1 Peturu 1:21

Anti kahaweNa, ido hai mepoinalaikau i Pue Ala au mopatuwo hule Yesu hangko i kapate hai mowei katuwo mahile Iria, alana mepoinalaikau hai meharungakau i Pue Ala.

Pampetudungia 1:18

Ikomi au tuwo. MateNa hangkoia, agaiana tuwo huleNa, hai ina tuwoNa i hae-haena. Iko au mokingki pegili baba ngkapate hai baba paidaa tomate.