1 Korintu 16:9 - Sura Malelaha

⁹ lawi kehapirihe bosa tauna au moewana, mobundu mani mpuu pobagongku inde.

1 Korintu 16:9 Cross References

Suro 14:27

Kahawenda i Antiokia, rakakiomohe ope-ope topepoinalai i Pue Yesu, hai ratuntuahe apa au Nababehi Pue Ala i polumaonda. Rapololita wori noumba Pue Ala mobungkahiahe rara bona tauna au barahe to Yahudi mepoinalaihe i Yesu.

1 Korintu 15:32

Tangangku inde i wanua Epesu, raewana tauna au nodo binata maila. Ane rapana tomate bara ina rapatuwo hule, apa bunduna hinangkana au kutodiha iti? Ane rapana tomate bara ina rapatuwo hule agina taula lolita au manguli node: “Maande hai maenu peamoke mohaoki katana-tana, lawi hangalo rongalo tuwoke, hai roo indo matemoke.” Nodomi lolitanda tauna hanggaa.

2 Korintu 1:6

Ane narumpangkai kapari, kapari iti kihalea bona mopakarohongkai lalumi hai bona molambikau katuwo maroa. Mewali, karoho lalu au kihumba hangko i Pue Ala, ina kipake wori mopakaroho lalumi bona sabarakau hai mantahakau mantodiha i lalu kapari nodo au kihumba

2 Korintu 2:12

Kaliliuana halalu, hangkoia i kapadungku hangko i wanua Epesu, laona mobambari Ngkora Marasa kana i Kerisitu i wanua Troas. Kahawengku i Troas, Pue mobungkahiana rara bona mobagona inditi.

Pilipi 3:18

Lawi apa au paka kuuliangaakau, iti wori au kuuliangaa mbulikau ide-ide i lalu poteriangku: arahe bosa tauna au manguli katoSaraninda, agaiana kadake babehianda hai mosapuakahe tunggaiana kapatena Kerisitu i kau mombehape.

Kolose 4:3

Hai nipekakaea woringkai bona nabungkahiangkai Pue Ala rara mopahawe NgkoraNa au mampololita tunggaiaNa au napabukei Kerisitu. Hangkoia tunggaiaNa iti tewuniangi mani, agaiana ide-ide bambari kana i Kerisitu kupahawemi. Ido hai ratarungguna.

Yakobu 5:16

Ido hai hangangaa mangaku salakau i hangka rangami, hai mombepekakaeakau bona maohakau. Tauna au manoto babehianda pemoso mpuu pekakaenda.