Malongolongona Kubaana mine Iesu Mak ei niage 7:37 - Laulau na Vinalu mine Salemo

³⁷ Ma vanunua ma tavivine sou longe a inade iedo, me sou saga mamau sele, me sou ade maido, “A golugolu vuso ei goli, ei goli kubaana moni. Ei toekube e sou a tagilagilane sou sobo sou longe a inade, me sou a asene sou sobo sou ade lou.”

Malongolongona Kubaana mine Iesu Mak ei niage 7:37 Cross References

Matiu 9:32

Na ilala bibi lua do su ilisitase Iesu me su asu, sou a vanunua ma tavivine sou guale a bibi tasa asena sobo ei isa a nunu pagu, me sou maasi ei usinani ne Iesu.

Malongolongona Kubaana mine Iesu Mak ei niage 1:27

Me sou a vanunua ma tavivine sou saga sele, me sou maiade baoli lilo ne sou oto maido, “Sei golu ei sibitala seidei? Ei a matetengina tasa alaba i isa a sagagalina. Ei vei le sou a nunu pagu, sou longemuli a inadene ei.”

Malongolongona Kubaana mine Iesu Mak ei niage 2:12

Ma bibi iedo ei ilisi mei guale a mavutavutana minei mei asu na matane sou a vanunua ma tavivine vuso. Maido ma vanunua ma tavivine sou saga sele, me sou beilange a aisane Salemo me sou vei, “Lisa amiteu ma ite ete a golu tasa maido.”

Malongolongona Kubaana mine Iesu Mak ei niage 4:41

Me sou lae mamau sele, me sou ade balivua ne sou oto maido, “Ei sei bibi oto, me a avivili ma dasi su longemuli a inadene ei?”

Malongolongona Kubaana mine Iesu Mak ei niage 5:42

Ma tabaa oto a tavine baini iedo ei ilisi mei asu. Sou ite maido, me sou saga mamau sele. Tavine do a avalana i savulu tasa timana lua.

Malongolongona Kubaana mine Iesu Mak ei niage 6:51

Me ei sae na bot mei ugu pilu e sou, ma avivili i mate. Me sou saga mamau sele,

Malongolongona Kubaana mine Iesu Mak ei niage 7:36

Me Iesu ei magilisobe sagali e sou a vanunua ma tavivine ne sou ma veivei lei le sou a golu sou oite. Ei magilisobe sele, moni boa, sou sagali sele lou a veipalena inade do.

Malongolongona Kubaana mine Iesu Mak ei niage 8:1

Na malada iedo abuna vanunua ma tavivine taula sou asu usinani me sou viepilu lou, me sou a gona inani boa. Me Iesu ei toleale sou a disaipel minei usinani, mei vei le sou maido,

Malongolongona Kubaana mine Iesu Luk ei niage 23:41

Ei bilesi neitau guale a mavaana na sinusu eitau goli. Moni a bibi ieli, ei ma goli ete a sinusu tasa.”

Aposel 14:11

Vanunua ma tavivine makuba sou ite a golu Pol i goli iodo, me sou tola a inade mine sou e Likonia maido, “Sou e salemo sou paleasi tomane a bibi, me sulu sivo utano ne eitou.”