Malongolongona Kubaana mine Iesu Mak ei niage 10:45 - Laulau na Vinalu mine Salemo

⁴⁵ Natuna Bibi tamai ei ma asu oto usinani ne sou goli a pipigona buloine ei. Boa. Ei asu usinani mina buloine sou, me mina biliina mauline ei oto mina olialeliuna vanunua ma tavivine papaina.”

Malongolongona Kubaana mine Iesu Mak ei niage 10:45 Cross References

Matiu 20:28

Tomane moni e Natuna Bibi eau ma asu oto usinani ne sou buloi e eau. Boa. Eau asu usinani mina buloine sou, me mina biliina maulina minau mina oliliune sou a vanunua ma tavivine makuba.”

Malongolongona Kubaana mine Iesu Mak ei niage 10:44

Mane a bibi ei kale ni muga ane amutou, ei ni a bibi na pipigona sabubu mina vanunua vuso.

Ioanes 10:15

tomane Euma ei muada eau, me eau muada e Euma. Me eau na iabitase a maulina minau mina buloine sou a sipsip.

Ioanes 13:14

Eau e Bibi Taula ma bibi na matetengina, eau loloi a ubune amutou. Io amutou tamai ne mu loloi a ubune sou sanii.

2 Korin 5:21

Krais ei ma goli ete a sinusu, moni Salemo ei taupilipili a sinusu vuso mine eitou muata ne ei, me Krais ei palea tomane a bibi mina gunolina sinusu sele. Salemo ei toe maido, ne eitou palea a bilesina vanunua ma tavivine mine Salemo lilo ne Krais.

2 Korin 8:9

Amutou muadasi i a dinodo mine Bibi Taula mine eitou Iesu Krais. Ei vuvuti, moni ei palea tomane a kapelabena bibi. Ei palea a kapelabena bibi mina buloine amutou namutou vuvuti.

Galesia 3:13

Binea ei vei maido, eitou vanunua vuso eitou ma ogomuli ete a inade vuso mina binea, neitou mamau. Mina gualeliune eitou maino na mamauna mina binea, Krais oto ei tabule a lilotivulana mine Salemo. Laulau mine Salemo ei vei maido, “Vanunua vuso sou kulu na obu, Salemo ei ite sou tomane a vanunua na mamauna moni.”

Taitus 2:14

Krais ei iabitasesi a maulina minei oto mina gualeliune eitou maino na matamatana inigogona pagupagu vuso, me neitou malu maolo sele, me neitou ugu a abuna vanunua ma tavivine minei oto, me neitou pipigo sagali a inigogona doana vuso.

Hibru 5:8

Iesu ei e Natune Salemo, moni ei tabule a davutina, me ieli ei matetengi ivu ei oto a inigogona mina ogomulina inade mine Salemo.

1 Pita 1:19

Ei oliliuale amutou a dalane Krais. Daladala do a mapana i buo mamau. Krais ei tomane a natuna sipsip tasa ei ma isa oto a tuutuu ue poposi na vovone ei.