Malongolongona Kubaana mine Iesu Luk ei niage 8:42 - Laulau na Vinalu mine Salemo

⁴² Ei isa a natuna tavine baini tasa moni, ma avalana i savulu tasa timana lua. Me bisii moni ei ni mate. De Iesu ei asu usino ne ei, ma abuna vanunua ma tavivine sou vaitole sele ei.

Malongolongona Kubaana mine Iesu Luk ei niage 8:42 Cross References

Malongolongona Kubaana mine Iesu Mak ei niage 5:24

Me Iesu i asu pilu e ei. Ma abuna vanunua ma tavivine sou ogomuli e ei, me sou vaitole sele ei.

Malongolongona Kubaana mine Iesu Luk ei niage 7:12

Ei pea agavi na tema buo na aubu, me ei poge a vanunua sanii sou tabulebule a aitolana bibi tasa. Tinana bibi ei isa a natuna tasa moni iedo, me ei buasu. Ma abuna vanunua ma tavivine taula mina aubu do sou pilu a tavine do.

Malongolongona Kubaana mine Iesu Luk ei niage 8:41

Ma bibi tasa ei sibitala, aisana e Iairus. Ei a munuganuga tasa mina luma na kinaka mine sou e Iuda. Ei totopatulu agavuale a ubune Iesu, me ei tagi e Iesu sagali ni asu usino na luma minei.

Malongolongona Kubaana mine Iesu Luk ei niage 8:43

Ma tavine tasa ino, a dala i singi ne ei taliuliu me ei muina moni mapigogoi a avala savulu tasa timana lua. Moni a bibi tasa i ma mapigogoi ete ni toekube ei.

Malongolongona Kubaana mine Iesu Luk ei niage 8:45

Me Iesu ei tagu maido, “Sei pige a kinainai minau?” Me sou vuso sou vei, “Eau boa. Eau boa.” Me Pita i vei, “Bibi Buo, abuna vanunua ma tavivine taula eili sou magili saiili e oo, me sou vaitole sele oo.”

Laulau Pol ei niage usino ne sou e Rom 5:12

Eitou muada, a bibi tasa ei goli a sinusu, me na inigogona do sinusu ei palea na magamaga. Ma sinusu i mapale a minate usinani. Ma minate i guale a vanunua vuso, vuna maido vanunua vuso sou goli a sinusu.