Malongolongona Kubaana mine Iesu Luk ei niage 24:50 - Laulau na Vinalu mine Salemo

⁵⁰ Io Iesu ei maasi sou a disaipel usino ne Betani. Me ei beilange a limane ei me ei maibalave sou.

Malongolongona Kubaana mine Iesu Luk ei niage 24:50 Cross References

Matiu 21:17

Me ei ilisitase sou mei asu usala na aubu buobuo mei asu muina ne Betani na lodo iedo.

Malongolongona Kubaana mine Iesu Mak ei niage 10:16

Me ei goe selebanini mei tau a limana muata mine sou mei kake Salemo ni maibalave sou.

Malongolongona Kubaana mine Iesu Mak ei niage 11:1

Iesu pilu e sou a disaipel minei sou agavualesi e Ierusalem, me sou divi ne Betpage me Betani mina loena e Oliv. Me Iesu ei peltase a disaipel lua,

Malongolongona Kubaana mine Iesu Luk ei niage 24:51

Na ilala ei maibalavelave sou, ei ilisitase sou, me Salemo ei guale ei uata na langi.

Aposel 1:12

Sou a disaipel sou veletase a loena sou vate e Oliv, me sou asu liu usino ne Ierusalem. A loena e Oliv do ei agavuale moni e Ierusalem, ei mapigogoi a bulagona kilomita tasa.

Aposel 1:9

Iesu ei pulu a inade do, ei ilisi uata na matane sou. Ma ausa i tau oovi ei, me sou ma itesi e ei.

1 Timoti 2:8

Maido me eau kale a vanunua mina aububuna vuso ne sou beilange a limane sou me ne sou kaka. Eau kale ne sou danivusetase a inigogona paselepusina ma maisinoana.