Ioanes 20:14 - Laulau na Vinalu mine Salemo

¹⁴ Ei ade maido, me ei sauvule me ei ite Iesu i magiligili nado. Moni e Maria ei ma muada oto ve ei e Iesu.

Ioanes 20:14 Cross References

Matiu 28:9

Me Iesu ei poge sulu na vea mei vei, “Autupola sele.” Me sulu asu agavi me sulu lapitole a ubune ei, me sulu kaka ane ei.

Malongolongona Kubaana mine Iesu Mak ei niage 16:12

Me mulimuli a disaipel lua sulu veletase a aubu buobuo me sulu asu usino. Me Iesu ei palea sea mei sibitala le sulu.

Malongolongona Kubaana mine Iesu Mak ei niage 16:9

Iesu ei ilisi na autupola siisii na munugana malada. Me ei palea pala ane Maria maino ne Makdala. A tavine iedo lisa Iesu ei tauleletase a nunu pagu padilua ino ne ei.

Malongolongona Kubaana mine Iesu Luk ei niage 24:16

Moni a golu tasa ei taboboli a matane sulu, me sulu ma iteilale ete ei.

Malongolongona Kubaana mine Iesu Luk ei niage 24:31

Ma tabaa oto matane sulu i peo, me sulu iteilale ei. Moni ei bualetase sulu.

Malongolongona Kubaana mine Iesu Luk ei niage 4:30

Moni ei ilisitase sou me ei asu balivua ne sou usinosi.

Ioanes 21:4

Na autupola siisii sou ite Iesu ei magiligili na mado. Moni sou a disaipel sou ma muada oto ve ei e Iesu.

Ioanes 8:59

Io sou guale a vatu ve ne sou ubi e ei, moni Iesu ei ovu me ei ilisitase a luma mine Salemo me ei asu usala.