Ioanes 19:31 - Laulau na Vinalu mine Salemo

³¹ Ei a malada na masusuluna golugolu vuso mina Maolona Malada ne sou e Iuda. Ma Maolona Malada do ei a malada buo sele, maido me sou e Iuda sou ma kale ete a matea ni muina na tauvaleuti na malada do. Maido me sou vei ane Pailat ne sou sagilote a ubune sou so kulu na tauvaleuti, ne sou mate asi me ne sou taulele a aitolane sou.

Ioanes 19:31 Cross References

Matiu 27:62

Malada savulo ei a Maolona Malada mine sou e Iuda, maido me sou a munugana prist pilu e sou e Parisi sou asu sou ite Pailat.

Malongolongona Kubaana mine Iesu Mak ei niage 15:42

Na lavilavi Iosep mine Arimatea ei asu usinani. Ei e tasa mine sou a vanua na toebilelesina inade, me ei isa a aisa kubaana na matane sou a vanunua ma tavivine. Ei tamai ei kale ni ite a niitealalena mine Salemo. A malada do ei a malada na masusuluna mina Maolona Malada. De Iosep ei ma lae oto mei gali ulilo mei magili na matane Pailat. Ei nai e Pailat ve ni longo ane ei ni guale a aitolane Iesu.

Ioanes 19:1

De Pailat ei guale Iesu me sou tibi e ei.

Ioanes 19:14

Malada iedo ei a malada na masusuluna mina Malada na Asuleletasena. Ma matailala ei pantasa mina autupola. Me Pailat ei vei le sou e Iuda, “Mu ite a mapana mine amutou.”

Ioanes 19:42

Ei a malada mine sou e Iuda ne sou masusulu a golugolu mina Maolona Malada me a muina minate do tamai ino agavi, maido me sulu tau a aitolane Iesu na muina minate do.