Ioanes 12:28 - Laulau na Vinalu mine Salemo

²⁸ Ouma, oo no beilange a aisamu.” De a baligolu tasa i vele muata na langi maido, “Eau goliosi a aisagu i palea buo, me eau na goli lei simaido.”

Ioanes 12:28 Cross References

Matiu 11:25

Na ilala do Iesu ei vei maido, “Ouma, oo Bibi Taula na langi me na magamaga, eau vate kubaana usino minio, vuna maido oo tau oovi a golugolu iedo usino ne sou a vanunua sou isa a damutatalana doana ma muadana, me oo maite sou e selebanini moni.

Matiu 11:26

E, Ouma, oo ogomuli moni a masagana minio mo goli simaido.”

Matiu 17:5

Pita ei saboa ino adeade maido, ma ausa tasa ei kea muada mamau sele mei avisobe sou. Ma baligoluna bibi tasa ino lilo na ausa do ei vei maido, “Ielili ei e Natugu, eau kale mamai sele ei mea mongemonge e ei. Amutou longemuli a inade minei.”

Matiu 26:42

Ei asu lou mei kaka maido, “Ouma, mane a taogo li ei ma mapigogoi ete ni asuleletase eau, eau na inu i. Io, oo no goli moni a masagana minio.”

Matiu 3:17

Me na langi a tinola tasa ei ade maido, “Ielili e Natugu, eau kale sele ei. Lilogu i mongemonge sele e ei.”

Malongolongona Kubaana mine Iesu Mak ei niage 1:11

Me muata na langi a baligolu tasa ei tola maido, “Oo e Natugu. Eau kale sele oo. A lilogu ei mongemonge sele e oo.”

Malongolongona Kubaana mine Iesu Mak ei niage 14:36

Ei kaka maido, “Aba, Ouma, oo mapigogoi no goli a golugolu vuso. Eau kale no tauleletase a mavaana minau ie. Moni oo ma ogomulimuli lei a masagana minau. Boa. Oo ogomuli moni a masagana minio.”

Malongolongona Kubaana mine Iesu Mak ei niage 9:7

De a ausa tasa i palea mei avisobe sou. Ma tinola tasa lilona ausa do ei vei maido, “Iede ei e Natugu, eau kale mamai sele ei. Amutou longemuli a inadena.”

Malongolongona Kubaana mine Iesu Luk ei niage 3:22

ma Maolona Nunu i sivo utano ne ei tomane a manu a kuau. Me maino na langi a tinola tasa i tola maido, “Oo e natugu. Eau kale sele oo. Lilogu ei mongemonge e oo.”

Malongolongona Kubaana mine Iesu Luk ei niage 9:35

Ma baligolu tasa malilo na ausa do i vei maido, “Iedele ei e natugu. Eau matoalesi e ei. Amutou longemuli e ei.”

Ioanes 11:4

Iesu ei longe do me ei vei maido, “Sinobe ieli ei ni ma goli ete a bibi ie ni mate. Moni sinobe ieli ni goli a vanunua ma tavivine ne sou ite a aisa buo mine Salemo. Na vea moni ieli Natune Salemo tamai ei ni guale a aisa buo.”

Ioanes 18:11

Me Iesu ei vei ane Pita, “Tau liu a viso na muina. Vuna matina oo damu ve eau na ma ini ete a taogo Euma ei bilii e eau odo?”

Ioanes 9:3

Me Iesu ei adeliu maido, “Bibi ieli ei ma goli ete a sinusu, me tamana me tinana tamai sulu ma goli ete a sinusu. Ei palea mata ego ne sou a vanunua ma tavivine ne so ite a pipigona mine Salemo na maulina minei.

Epesus 2:7

Na pipigona mine Krais Iesu, Salemo ei goli a inigogona doana do usinani ne eitou, vuna maido ei kale ni maite a dinodo buo sele minei usino na vanunua vuso, na avalavala vuso mulimuli.

Epesus 3:10

Lisa ei tau oovi, moni seidei ei toe a viepiluna kinaka minei i palea, me na inigogona ieli, ei toe a matamatana damutatalana kubaana minei i palea muada mamau sele ane sou a bineanea sagali ma nunu mina langi, ne sou muada a damutatalana doana mine Salemo.

Epesus 3:21

Maido me taliuliu taliuliu a viepiluna kinaka ei ni beilange a aisane Salemo lilo ne Krais Iesu i mapigogoi a malada vuso mulimuli. Moliana.

2 Pita 1:17

Salemo Tamane eitou i bilii e ei a aisa buo ma muada buo. Me Salemo oto ei ino na muada buo sele mina langi iedo me ei ade e Iesu maido, “Ielili ei e Natugu, eau kale mamai sele e ei, me eau mongemonge e ei.”