Ioanes 10:37 - Laulau na Vinalu mine Salemo

³⁷ Mane eau ma goli ete a pipigona mine Euma, io ne amutou ma silimuli ete a inadegu.

Ioanes 10:37 Cross References

Ioanes 10:25

Me Iesu ei adeliu ane sou maido, “Eau veiosi le amutou, moni amutou ma silimuli ete. Pipigona vuso eau goli na aisane Euma, ielili i maite e amutou e eau e sei ivu.

Ioanes 10:32

Me Iesu ei vei le sou maido, “Eau maite e amutou a pipigona doana makuba mine Euma. Moni, vuna matina amutou kale namutou ubi eau a vatu?”

Ioanes 14:10

O ma silimuli ete eau eau ino lilo ne Euma, me Euma ei eili minau? Inade eau bilii e amutou, ede eau ma goli ete a damutatalana minau oto. Euma ei eili minau, ei goligoli a pipigona vuso minei.

Ioanes 15:24

Mane eau ma goli ete a pipigona buo iedo a bibi tasa sea i saboa goli lisa balivua ne sou, io ne sou ma isa oto a sinusu. Moni sou itesi a pipigona minau odo, me sou butuale eau pilu e Euma.

Ioanes 5:31

“Mane eau vululu eau veipale e eau oto, de inadegu ni ma mavaa oto.