Ioanes 10:24 - Laulau na Vinalu mine Salemo

²⁴ Me sou e Iuda so asu maino me sou magili saiili e ei, me sou tagi e ei maido, “Oo no ma ademuada oto ane amiteu pea ne sei malada? Mane oo e Krais, de oo no adepalea muada ane amiteu.”

Ioanes 10:24 Cross References

Matiu 11:3

Me sou tagi e Iesu maido, “Oo a bibi moni e Salemo ei adegatunasi ni peltase usinani, ue namiteu magitali e tasa sea?”

Malongolongona Kubaana mine Iesu Mak ei niage 8:32

Ei veimuade pale sele a inade iedo usino ne sou. Me Pita ei guale Iesu usino na aliali mei soke a sinoana ane ei.

Malongolongona Kubaana mine Iesu Luk ei niage 3:15

Vanunua ma tavivine sou ite a golugolu odo ma lilone sou ilisi me sou damutatala papai maido, “Nane Ioanes ei a bibi e Krais?”

Ioanes 1:19

Ne Ierusalem sou e Iuda sou peltase sou a prist me sou e Livai usino ne Ioanes, me sou asu sou tagi e Ioanes maido, “Oo sei?”

Ioanes 10:31

Sou e Iuda sou longe a inade maido me sou pa lou a vatu ne sou ubi e ei.

Ioanes 10:33

Sou e Iuda sou adeliu usino ne ei maido, “Amiteu ma ubi ete oo a vatu a vuna ieli. O puisobe a muine Salemo, na vuna moni ieli amiteu kale namiteu ubi e oo. Oo a bibi sabubu, moni o vei maido oo oto oo e Salemo.”

Ioanes 16:25

“Eau veiosi le amutou a inade sou ieli a adetinovona. Mulimuli eau na ma goli ete a adetinovona lou usino ne amutou. Eau na veimuada ane amutou e Euma.

Ioanes 8:25

Sou tagi e ei, “Oo sei?” Me Iesu ei vei le sou, “Eau e sei, ede eau veiosi ane amutou lisa palasi.

Ioanes 8:53

Nane oo vululusi e tubune eitou, Abraham, io? Ei matesi, me sou a profet tamai so matesi. Oo damu i oo sei ivu?”

Ioanes 9:22

Tamana me tinana sulu lae e sou e Iuda, maido me sulu goli a inade maido. Sou e Iuda so maiademuliosi maido, mane a bibi tasa i veipale e Iesu ei e Krais, de ne sou taulele ei maino na luma na kinaka mine sou e Iuda.

2 Korin 3:12

Amiteu isa a silimulina ieli, maido me amiteu malongo sagali.