2 Korin 6:17 - Laulau na Vinalu mine Salemo

¹⁷ Maido me Bibi Taula i ade lou maido, “‘Ne amutou ilisitase sou me amutou asu mu malu na avena tasa sea. Me amutou tilale, dae ne amutou valitole amutou na golu i ma alaba oto na matane Salemo. Me eau oto na guale amutou

2 Korin 6:17 Cross References

Aposel 2:40

Me Pita ei veimuade tamai a matamatana inade sanii usino ne sou, me ei ade sagali ane sou maido, “Mu gualeliu e amutou oto, dae ne amutou vilua pilu e sou a tetena vanunua sou goli a matamatana inigogona pagu.”

Laulau Pol ei niage usino ne sou e Rom 15:7

Maido me amutou vuso namutou mongemonge a gualene sou a Kristen sanii usinani ne sou ugu pilu e amutou, tomane Krais tamai ei mongemonge e amutou namutou ugu pilu e ei. Me na inigogona li namutou masalalai a aisa buo mine Salemo.

2 Korin 7:1

Tamtamaigu ivu, eitou gualesi a adegatuna mine Salemo ie, maidolo me ne eitou taulele a inigogona vuso mumugu mina vovo me mina nunu, me ne eitou palea alaba vuso na matane Salemo. Me ne eitou lae me neitou matano moni ne Salemo me ne eitou bilii e eitou vuso oto usino ne Salemo me neitou ogomuli ivu a inigogona maolo taliuliu.

Inade i Ovu 18:4

Me eau longe a baligolu tasa sea i palea na langi maido, “‘Amutou a vanunua ma tavivine minau, namutou ilisitase a aubu iede me mu gali usala.’ Dae ne amutou maitamaina pilu e ei a sinusu vuso ei goli. Me dae ne amutou maitamaina pilu e ei na ilala ei guale a mapa pagu mina sinusu vuso do tamai.