2 Korin 10:13 - Laulau na Vinalu mine Salemo

¹³ Moni amiteu namiteu ma masalai ete amiteu mamau lou pea na sinuana mine amiteu. Boa. Ne amiteu vei a pipigona do Salemo ei tau ane amiteu moni i asu pea ne amutou e Korin tamai.

2 Korin 10:13 Cross References

Matiu 25:15

Ei damutale a pipigona mine sou tastasa, me ei soebule sou a vatu. Ei bilii e tasa a talant lima, mei bilii e tasa lou a talant lua, mei bilii e tasa lou a talant tasa. Ei goli maido mei asu.

Laulau Pol ei niage usino ne sou e Rom 10:18

Moni eau tagu maido, nane sou ma longe ete a malongolongona kubaana ieli? Boa. Sou longesi. Eitou muada, “Vanunua ma tavivine mina aveavena vuso na magamaga sou longesi a baligolune sou. Ma inade ne sou i vele pea mina sinuana magamaga.”

Laulau Pol ei niage usino ne sou e Rom 12:3

Na dinodo minei, Salemo i vileale eau mina gunolina pipigona minei, maido me eau bilii e amutou vuso tastasa a inade. Amutou ma damutaletale lei a muadana ma inigogona mine amutou i vululusi e sou sanii. Boa. Ne amutou vilemuliale iiti a inigogona mine amutou oto me mu damutatala bilesi na matamatana silimulina Salemo ei bilii e amutou.

Laulau Pol ei niage usino ne sou e Rom 12:6

Na dinodo minei, Salemo ei bilii e eitou a niabi seasea. Mane a bibi tasa ei isa a muadana mina veipalena inade tomane a bibi na malongolongona, io ei ni veipale a inade mapigogoi a matailala na silimulina minei.

Laulau Pol ei niage usino ne sou e Rom 15:20

Na pipigona li eau kale sele na veipale a malongolongona kubaana mina aveavena a vanunua ma tavivine saboa sou muada a aisane Krais. Eau ma kale ete na tige a luma muata na baobao a bibi tasa ei mamagiliosi.

1 Korin 12:11

A Nunu tasa moni iedo ei mapalele a golugolu vuso do. Na masagana minei oto ei soebule a niabi tastasa usino na bibi tastasa.

Epesus 4:7

Krais ei bilii a niabi buo sele usinani ne eitou, me tomane moni e Salemo ei dode mamai sele eitou vuso tastasa.

1 Pita 4:10

Salemo ei dode amutou vuso tastasa me ei bilii e amutou a matamatana niabi. Maido me ne amutou tastasa palea a bibi na pipigona kubaana mine Salemo, me mu iteale a niabi sou odo mina buloina vanunua ma tavivine mine Salemo.